Polokalama ʼo Te Fono Gāue

Vāhaʼa ʼo te ʼaho 8 ʼo ʼAukusitō

Kātiko 44

10 min: Te ʼu logo. Te ʼu Tonu. Koutou fakamanatuʼi ki te kau fai faka mafola, mo kapau kua ʼiloʼi te ʼu ʼaho ʼo te fakatahi faka siliko pea mo te fakatahi makehe ʼaho tahi ʼo te taʼu gāue 2006. Fakahā te ʼu fakatuʼutuʼu ki te fai faka mafola ʼi te ʼaho 15 ʼo ʼAukusitō.

10 min: “ ʼE Koutou Fakaʼaogaʼi Koa Te ʼu Kiʼi Pepa Fakaafe?” Ko he akonaki pea mo he fai palalau mo te nofoʼaki. Fakaafe te nofoʼaki ke nātou fakamatala te ʼu fua lelei ʼaē neʼe nātou maʼu ʼi tanatou fakaʼaogaʼi te ʼu pepa fakaafe ki te ʼu fono. Fai he faʼifaʼitaki fakanounou, ko he kaugā fagona ʼe ina fakaʼaogaʼi he kiʼi pepa fakaafe ki te ʼu fono, moʼo fakaafe he tahi ʼe fia haʼu ʼo logo.

25 min: “Ko Te Temi ʼAenī ʼo Te Fai Faka Mafola!”a Kole fakatomuʼa ki he pionie e tahi peʼe toko lua ke nā fakahā ia te ʼu fetogi ʼaē neʼe nā fai ke feala hanā pionie, pea mo te ʼu tapuakina ʼaē neʼe nā maʼu ai.

Kātiko 75 pea mo te faikole fakaʼosi.

Vāhaʼa ʼo te ʼaho 15 ʼo ʼAukusitō

Kātiko 11

10 min: Te ʼu logo. Fakaʼaogaʼi te ʼu manatu ʼo te pasina 8 (mo kapau ʼe ʼaoga ki tokotou telituale) moʼo tufa Te Tule Leʼo ʼo te ʼaho 15 ʼo ʼAukusitō pea mo te Réveillez-vous ! ʼo te ʼaho 22 ʼo ʼAukusitō. Ko he tagata ʼāfea pea mo kaugā fagona ʼe nā fai fagonogono ʼaki te telefoni.

15 min: Kei Koutou Manatuʼi Koa? Ko te fai palalau mo te nofoʼaki, ʼo fakatafito ki Te Tule Leʼo ʼo te ʼaho 15 ʼo ʼApelili, pasina 30. Fakaafe te nofoʼaki ke nātou tali ki te ʼu fehuʼi. Fakahā ia te maʼuhiga ʼo te alatike. Fakaloto mālohiʼi te nofoʼaki ke nātou lau fakalelei te ʼu alatike fuli ʼo Te Tule Leʼo pea mo te Réveillez-vous !

20 min: “Tou Kamata He ʼu Ako Tohi-Tapu ʼi Te ʼu Muʼa Matapā ʼa Te Hahaʼi Pea Mo Tou Fakaʼaogaʼi Te Telefoni.”b Fai he faʼifaʼitaki nounou, ʼe ko he ako Tohi-Tapu ʼe kamata ʼi te ʼuluaki felāveʼi, ʼo fakaʼaogaʼi he palakalafe e tahi peʼe lua ʼi te kaupepa lahi Fakamaʼua. Fakamatala fakanounou he ʼu ako neʼe kamata ʼaki pe te fai telefoni.

Kātiko 30 pea mo te faikole fakaʼosi.

Vāhaʼa ʼo te ʼaho 22 ʼo ʼAukusitō

Kātiko 161

10 min: Te ʼu logo. Lau te falā pea mo te ʼu meʼa ʼofa.

15 min: Ko he akonaki ʼe ʼaoga ki te kokelekasio.

20 min: “Ko Te Faka Mafola ʼo Te Puleʼaga ʼe Ko He Pilivilesio Maʼuhiga.”c Ka koutou vakaʼi te palakalafe 4, toe fakamanatuʼi te fakatuʼutuʼu makehe ʼo ʼuhiga mo nātou ʼaē kua mātutuʼa peʼe mahahaki, ʼe feala ke nātou tohi ʼi tanatou pepa tānaki gāue te ʼu minuta e 15 ʼaē neʼe nātou palalau ai ki tanatou tui.​—Vakaʼi Te Minisitelio ʼo Te Puleʼaga ʼo ʼOketopeli 2002, pasina 8, pal. 6.

Kātiko 204 pea mo te faikole fakaʼosi.

Vāhaʼa ʼo te ʼaho 29 ʼo ʼAukusitō

Kātiko 45

10 min: Te ʼu logo. Fakamanatuʼi ki te kau fai faka mafola ke nātou ʼaumai tanatou ʼu kiʼi pepa tānaki gāue ʼo ʼAukusitō. ʼAki te ʼu manatu ʼo te pasina 8 (mo kapau ʼe ʼaoga ki tokotou telituale), fai he ʼu faʼifaʼitaki moʼo fakahā Te Tule Leʼo ʼo te ʼaho 1 ʼo Sepetepeli pea mo te Réveillez-vous ! ʼo te ʼaho 8 ʼo Sepetepeli. ʼI te tahi faʼifaʼitaki, ʼe ko he ʼaʼahi ʼe ʼave tuʼumaʼu kiai tana ʼu nusipepa.

15 min: “Te Fagonogono ʼAki Pe Tatatou Aga.”d Fakaafe he kau fai faka mafola ke nātou fakamatala peʼe neʼe tokoni feafeaʼi kiā nātou tanatou sisio ʼaē ki te aga fakapotopoto ʼa te hahaʼi ʼa te ʼAtua, ke nātou liliu ko he ʼu kaugana ʼa Sehova.

20 min: Koutou Fakaʼaogaʼi Te Tohi-Tapu ʼi Takotou ʼu ʼUluaki Fai Palalau. Ko he akonaki pea mo he fai palalau mo te nofoʼaki. Koutou toe vakaʼi te ʼu manatu ʼi Te Minisitelio ʼo Te Puleʼaga ʼo Sepetepeli 2004, pasina 4, palakalafe 2, ʼo ʼuhiga mo te fakaʼaogaʼi ʼo te Folafola ʼa te ʼAtua ʼi te ʼu ʼuluaki fai palalau mo te hahaʼi. Fai he faʼifaʼitaki e tahi peʼe lua, ʼe fakahā ai te tufa ʼo Sepetepeli. ʼE feala ke toe vakaʼi mo te ʼu tokoni ʼi Te Minisitelio ʼo Te Puleʼaga ʼo Sānualio 2005 moʼo fakahā ia te tufa, pea ka maʼu he temi fai he faʼifaʼitaki.

Kātiko 71 pea mo te faikole fakaʼosi.

Vāhaʼa ʼo te ʼaho 5 ʼo Sepetepeli

Kātiko 98

10 min: Te ʼu logo.

15 min: “Tou Fai He ʼu Ako Tohi-Tapu ʼe Tuputupu​—Koga Hogofulu-Ma-Lua”e Kole fakatomuʼa ki he kaugā fagona e tahi peʼe toko lua ke nā fakamatala pe koteā ʼaē neʼe tokoni kiā nāua ke nā faiva ʼi te kamata pea mo te fai ʼo he ʼu ako Tohi-Tapu.

20 min: Te Fakatuʼutuʼu Moʼo Tokoni Ki Te Hahaʼi Mātutuʼa. Ko he akonaki ʼe fai e he tagata ʼāfea, pea ʼe fakatafito ki Te Tule Leʼo Fakafalani ʼo te ʼaho 15 ʼo ʼAukusitō 1993, pasina 28 pea mo 29, ʼi te kupu “Lʼorganisation est très importante” (ʼE Maʼuhiga ʼAupito Ke Fai He Fakatuʼutuʼu). Fakahā te ʼu fakatuʼutuʼu ʼaē neʼe fai ʼi te kokelekasio moʼo tokoni ki te kau māhahaki pea mo te ʼu tēhina mo tuagaʼane ʼaē kua mātutuʼa.

Kātiko 183 pea mo te faikole fakaʼosi.

[Nota]