Polokalama ʼo Te Fono Gāue

Fakatokaga: ʼE fai anai ia te Fono Gāue ʼi te vāhaʼa fuli lolotoga te ʼu māhina ʼo ʼAukusitō pea mo Sepetepeli. ʼE lagi tonu anai ke fai e te ʼu kōkelekāsio ni ʼu fetogi ke feala hanatou kau ki te Fakatahi Faka Tisitilike “Kotou Mulimuli Iā Kilisito!” Kapau ʼe feala, fakaʼaogaʼi ni ʼu minuta e 15 ʼi te Fono Gāue fakaʼosi ʼi muʼa ʼo te fakatahi lahi moʼo toe vakaʼi ia te ʼu fakamanatu ʼo te pepa ʼaē neʼe ʼalutahi mo Te Minisitelio ʼo Te Puleʼaga. Hili he māhina e tahi peʼe lua ki takotou fakatahi lahi, tuku ni ʼu minuta e 15 peʼe 20 ʼi te Fono Gāue moʼo vakaʼi ia te ʼu puani maʼuhiga ʼo te fakatahi (lagi ʼe fakaʼaogaʼi te ʼu minuta ʼaē neʼe tuku moʼo fai he akonaki ʼe ʼaoga ki te kōkelekāsio). ʼE fakamanatuʼi e te kau fai faka mafola te ʼu puani ʼaē ʼe ʼaoga ki te minisitelio. ʼE tonu ke fai te fakamanatu ʼaia e te tagata taupau ki te gāue. Fakaafe ia te nofoʼaki ke natou fakahā pē neʼe feafeaʼi tanatou mulimuli ki te ʼu tokoni ʼaia ʼi tanatou minisitelio.

Vāhaʼa ʼo te ʼaho 9 ʼo Sūlio

Kātiko 4

10 min: Te ʼu logo. ʼAki te ʼu manatu ʼaē ʼe tuʼu ʼi te pāsina 6 peʼe ko te tahi faʼahiga palalau ʼe ʼalutahi mo tokotou telituale, fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo Sūlio pea mo te Réveillez-vous ! ʼo Sūlio peʼe ko te ʼu nusipepa fakamuli e lua ʼaē kua tau mai.

15 min: Koteā ʼAē ʼe Ina Foaki Mai Te Fiafia Moʼoni? Ko he akonaki pea mo he fai palalau mo te nofoʼaki ʼe fakatafito ki Te Tule Leʼo ʼo te ʼaho 1 ʼo Sūnio 2006, ʼi te pāsina 10 ki te 11, ʼi te ʼu palakalafe 11 ki te 12. Fakafehuʼi fakanounou he tahi neʼe ina filifili ke tokaga tāfito ʼi tona maʼuli ki tana minisitelio, kae neʼe mole ina kumi te ʼu fakafiafia peʼe ke maʼu tuʼulaga ʼi tana gāue. Koteā ʼaē neʼe ina uga ia ia ke ina fai he ʼu fakatuʼutuʼu fakalaumālie? Koteā te fiafia neʼe ina maʼu mai ai?

20 min: Te Tali Ki ʼAkotou ʼu Fehuʼi. ʼE fai e he tagata ʼāfea. Lau pea mo fai palalau ki te ʼalatike kātoa. Fakaʼaogaʼi mo te ʼu manatu ʼaē ʼe tuʼu ʼi te Réveillez-vous ! ʼo te ʼaho 22 ʼo Maio 2005, ʼi te pāsina 13 ki te 14, ʼi te kupu tāfito “Les dangers de la tromperie et du secret” (Te ʼu Tuʼutāmaki ʼo Te Kākā Pea Mo Te Fufū ʼo Te ʼu Meʼa ʼAē ʼe Tou Fai) pea mo te kupu tāfito “Préférer le réel au virtuel” (Kotou Filifili Ke Kotou Fai Palalau Fakahagatonu Mo He Tahi Kae Mole Fai ʼi Te Olotinatea).

Kātiko 91 pea mo te faikole fakaʼosi.

Vāhaʼa ʼo te ʼaho 16 ʼo Sūlio

Kātiko 16

10 min: Te ʼu logo.

20 min: Tou Taupau Ia Te Tokalelei Pea Mo Te Maʼa ʼo Te Kōkelekāsio. Ko he akonaki pea mo he fai palalau mo te nofoʼaki ʼe fakatafito ki te kāpite 14 ʼo te ʼalatike Kua Nātou Fakatuʼutuʼu Moʼo Fai ʼo Te Finegalo ʼo Sehova, ʼaē ʼe tuʼu ʼi te pepa ʼaē neʼe tufa tahi mo Te Minisitelio ʼo Te Puleʼaga ʼaenī ʼi te pāsina 3.

15 min: “Ko He ʼu Fetogi Lelei ʼo ʼUhiga Mo Te Tule Leʼo!”a

Kātiko 39 pea mo te faikole fakaʼosi.

Vāhaʼa ʼo te ʼaho 23 ʼo Sūlio

Kātiko 20

10 min: Te ʼu logo. Lau ʼo te falā pea mo te ʼu meʼa ʼofa. ʼAki te ʼu manatu ʼi te pāsina 6 peʼe ko he tahi age faʼahiga palalau ʼe ʼalutahi mo tokotou telituale, fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo ʼAukusitō pea mo te Réveillez-vous ! ʼo ʼAukusitō peʼe ko te ʼu nusipepa fakamuli e lua ʼaē ʼe kua tau mai.

20 min: Kotou Fetalikāigaʼaki. Ko he akonaki ʼe fakatafito ki Te Tule Leʼo ʼo te ʼaho 15 ʼo Sānualio 2005, ʼi te pāsina 21 ki te 23. Fakafehuʼi fakanounou he fai faka mafola e tahi peʼe ko he toko lua ʼe ʼiloa tanā tali kāiga. Neʼe nā faiga feafeaʼi ke nā fakahā te tali kāiga. Koteā te ʼu lelei ʼaē neʼe nā maʼu mo tonā ʼu fāmili?

15 min: Tou Akoako He ʼu ʼUluaki Palalau ʼe Fua Lelei Anai. Ko he fai palalau mo te nofoʼaki ki te kiʼi kaupepa Te ʼu Tokoni Ki Te ʼu Fai Palalau Faka Tohi-Tapu, ʼi te pāsina 4, te ʼu palakalafe 1 mo te 2. Fai mo he ʼu faʼifaʼitaki e lua moʼo fakahā te tufa ʼo ʼAukusitō.

Kātiko 49 pea mo te faikole fakaʼosi.

Vāhaʼa ʼo te ʼaho 30 ʼo Sūlio

Kātiko 200

10 min: Te ʼu logo. Fakamanatuʼi ki te kau fai faka mafola ke natou ʼaumai tanatou ʼu kiʼi pepa tānaki gāue ʼo Sūlio.

15 min: ʼE Tapuakina e Sehova Ia Te Maʼuli Faka Sākilifisio. Ko te akonaki ʼe fakatafito ki Te Tule Leʼo ʼo te ʼaho 15 ʼo Novepeli 2005, ʼi te pāsina 8 mo te 9.

20 min: ‘Fiafia Te Tagata ʼAē ʼe Ina Haga Kātakiʼi Te Faigataʼaʼia.’b ʼI te palakalafe 3, fakaafe te nofoʼaki ke natou fakamatala pe neʼe tokoni feafeaʼi kiā nātou te tui mālohi ʼi te temi ʼaē neʼe hoko fakapunamaʼuli ai kiā nātou he faigataʼaʼia. ʼE feala ke teuteu fakatomuʼa he fakamatala e tahi peʼe lua.

Kātiko 13 pea mo te faikole fakaʼosi.

Vāhaʼa ʼo te ʼaho 6 ʼo ʼAukusitō

Kātiko 106

10 min: Te ʼu logo. Te ʼu Tonu. Moʼo tokoni ke toe kaugamālie age ia nātou ʼaē kā kau ki te Fakatahi Faka Tisitilike “Kotou Mulimuli Iā Kilisito!” ʼe tou tufa anai ia te pepa fakaafe makehe ʼi te mālamanei kātoa. Vakaʼi te ʼu tokoni ʼaē ʼe foaki ʼi Te Minisitelio ʼo Te Puleʼaga ʼo ʼApelili 2007, ʼi te pāsina 3 palakalafe 4 pea fai mo he faʼifaʼitaki ʼo mulimuli ki te palakalafe 5.

15 min: Ko he akonaki ʼe ʼaoga ki te kōkelekāsio.

20 min: “Te ʼu Tupuʼaga ʼo Tatatou Tatuʼu Tuʼumaʼu Ki Te Hahaʼi.”c ʼI te palakalafe 5, fakaafe te nofoʼaki ke natou fakamatala te tupuʼaga ʼo tanatou fia logo ki te moʼoni logolā neʼe natou fakafeagai ʼi te temi muʼa pe neʼe mole natou fia logo kiai.

Kātiko 211 pea mo te faikole fakaʼosi.

[Nota]