Fakamanatu ʼo Te Ako Faka Teokalatike

Ko te ʼu fehuʼi ʼaenī ʼo te fakamanatu, ʼe vakaʼi anai ʼi te Ako Faka Teokalatike lolotoga te vāhaʼa ʼaē ʼe kamata ʼi te ʼaho 29 ʼo ʼOketopeli 2007. Ko te tagata taupau ʼo te ako ʼe ina fai anai te fakamanatu iā minuta e 30, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 3 ʼo Sepetepeli ʼo aʼu ki te vāhaʼa ʼo te ʼaho 29 ʼo ʼOketopeli 2007.

HE KALITĀTĒ KI TE FAIAKONAKI

1. He koʼē ko te fakahā liuliuga ʼo he manatu ʼe ko he faʼahiga fai maʼuhiga ʼaia moʼo akoʼi ʼo te hahaʼi? [be p. 206 pal. 1-2, mo te fakamatala ʼaē ʼe ʼātakai]

2. ʼE tou lava faka maʼuhigaʼi feafeaʼi ia te kupu tāfito ʼo te akonaki? [be p. 210, mo te fakamatala ʼaē ʼe ʼātakai]

3. Koteā te ʼu puani tāfito ʼo he akonaki, pea koteā ʼaē kā natou takitaki tatatou fili ia te ʼu puani tāfito ʼaia? [be p. 212 pal. 1-3]

4. He koʼē ʼe tonu ke mole lahi fau te ʼu manatu maʼuhiga ʼi he akonaki? [be p. 213 pal. 3-5]

5. He koʼē ʼe ʼaoga ke tou uga te fia mahino ʼi tatatou ʼu ʼuluaki palalau, pea ʼe tou lava fai feafeaʼi te faʼahi ʼaia? [be p. 215 pal. 1, mo te fakamatala ʼaē ʼe ʼātakai; p. 216 pal. 1-3]

AKONAKI N° 1

6. ʼE lava tokoni feafeaʼi mai ia Pesalemo 119:89, 90 kiā tātou ke tou mahino ʼe tou lava falala ki te Folafola ʼa te ʼAtua? [w05 15/4 p. 15 pal. 3]

7. Koteā ʼaē ʼe fakahā lelei ʼi te tohi ʼa Esekiele, pea koteā kā maʼu e nātou ʼaē ʼe natou tapuhā ia Sehova iā ʼaho nei ʼi tonatou maʼuli? [si p. 137 pal. 33]

8. ʼE lava puipui feafeaʼi totatou loto e “te folafola ʼa Sehova”? (Pes. 18:30) [w05 1/9 p. 30 pal. 2]

9. ʼE fakahā lelei feafeaʼi ʼi te tohi ʼa Taniela ia te ʼamanaki ʼaē ki te Puleʼaga? [si p. 142 pal. 23]

10. Ko te tohi ʼa Osea ʼe ina fakamālohiʼi feafeaʼi tatatou tui ʼaē ki te ʼu lea faka polofetā ʼaē haʼu mai iā Sehova? [si p. 145 pal. 14]

LAU ʼO TE TOHI-TAPU ʼI TE VĀHAʼA FULI

11. Neʼe koteā te faka ʼuhiga ʼo te fua ʼo te fale lotu ʼaē neʼe hā kiā Esekiele, pea ko te fakapapau fea ʼaē ʼe foaki mai kiā tātou ʼi totatou temi? (Esk. 40:2-5) [w99 1/3 p. 9 pal. 6; p. 14 pal. 7]

12. ʼI te fakahoko fakaʼosi ʼo te meʼa ʼaē neʼe hā kiā Esekiele, ko ai “te pule”? (Esk. 48:21) [w99 1/3 p. 16 pal. 13-15; pp. 22-23 pal. 19-20]

13. Koteā te faka ʼuhiga ʼo te vaega ʼo Taniela 2:21? [w98 15/9 p. 12 pal. 9]

14. He koʼē neʼe liliu ia Taniela ko he “tagata ʼe ʼofainaʼi ʼaupitō” kiā mata ʼo Sehova? (Tan. 9:23) [dp p. 185 pal. 12; w04 1/8 p. 12 pal. 17]

15. Koteā te faka ʼuhiga ʼo te mole “he ʼatamai mālama ʼo ʼuhiga mo te ʼAtua ʼi te fenua” ʼo Iselaele, pea ʼe tonu ke malave feafeaʼi kiā tātou te palalau ʼaia? (Osea 4:1, 2, 6) [w05 15/11 p. 21 pal. 21; jd pp. 57-58 pal. 5; pp. 61-62 pal. 10]