Te ʼu Tonu

◼ Te tufa ʼo te ʼu māhina ʼo ʼOketopeli: Te Tule Leʼo pea mo te Réveillez-vous ! Kapau ʼe fia logo he tahi, kotou fakahā age ia te kiʼi pepa lotu ʼE Koutou Fia Mahino Lahi Koa Ki Te Tohi-Tapu? pea mo fai palalau kiai ʼaki te fakatuʼutuʼu ʼaē ke kamata he ako Tohi-Tapu. Novepeli: Te tohi ʼAtamai Mālama peʼe ko te tohi Te tagata ʼaē ʼe lahi tokotahi ʼi te ʼu temi fuli. Tesepeli: Te tagata ʼaē ʼe lahi tokotahi ʼi te ʼu temi fuli. Peʼe feala ke kotou tufa ia te tohi Te Kalavi ʼo Te Manuʼia Faka Famili. Sānualio: Te tohi Te ʼAtamai Mālama peʼe ko te kaupepa lahi Fakamaʼua.

◼ Mai tona ʼaluʼaga ʼaē ko fakaʼosi vāhaʼa e nima ʼi te māhina ʼo Tesepeli, ʼe ko he māhina lelei ʼaia moʼo toʼo te selevisi pioniē vaeluaʼi temi.

◼ ʼI he Fono Gāue ʼo Sānualio, ʼe fai anai he faifai palalau ki te foʼi ʼata viteo Soigner sans transfuser — Besoins et droits du patient. Kapau ʼe ʼaoga, kotou foimo fakaʼui ʼi tokotou kōkelekāsio ia te foʼi ʼata ʼaia.

◼ Ko te pepa ʼaē ʼe neʼe tufa tahi mo Te Minisitelio ʼo Te Puleʼaga ʼaenī, ʼe ko te “Polokalama ʼo Te Ako Faka Teokalatike Ki Te Taʼu 2008,” pea ʼe tonu ke taupau fakalelei heʼe fakaʼaogaʼi anai lolotoga te taʼu 2008.

◼ Kotou tokagaʼi ko te tehina ʼaē kā ina fai ia te akonaki fakaʼosi ʼo te Fono Gāue, ʼe tonu ke ina tala ifo te nūmelo ʼo te kātiko fakaʼosi. Pea ko ia peʼe ko he tahi age tehina neʼe hinoʼi fakatomuʼa, ʼaē kā ina fai anai te faikole fakaʼosi.