Te ʼu Tonu

◼ Te tufa ʼi Te ʼAho 1 Ki Te ʼAho 19 ʼo ʼOketopeli: Te Tule Leʼo pea mo te Réveillez-vous ! Kā tou sio ʼe fia logo he tahi, pea tou foaki age ia te kiʼi pepa lotu ʼE Koutou Fia Mahino Lahi Koa Ki Te Tohi-Tapu? pea mo tou fai palalau mo ia ʼaki te fakatuʼutuʼu ʼaē ke fai hana ako Tohi-Tapu. ʼI Te ʼAho 20 ʼo ʼOketopeli Ki Te ʼAho 16 ʼo Novepeli: Ko te tufa makehe ʼo te pepa lotu ʼE Kotou Fia ʼIloʼi Koa Te Moʼoni? ʼI Te ʼAho 17 Ki Te ʼAho 30 ʼo Novepeli: Te tufa ʼo te tohi Koteā ʼAē ʼe Akoʼi Moʼoni Mai ʼi Te Tohi-Tapu? ʼE tou faiga tāfito anai ke tou kamata he ʼu ako Tohi-Tapu. Tesepeli: Te tufa ʼo te tohi Te Tagata ʼAē ʼe Lahi Tokotahi ʼo Te ʼu Temi Fuli peʼe ko te tohi Te Fakahā—Kua Ovi Mai Tona ʼIkuʼaga Lahi! Sānualio: Tufa ʼo te tohi Te ʼAtamai Mālama ʼAē ʼe Ina Taki Ki Te Maʼuli Heʼegata peʼe Koteā ʼAē ʼe Akoʼi Moʼoni Mai ʼi Te Tohi-Tapu?

◼ Mai tona ʼaluʼaga ʼaē ʼe ko fakaʼosi vāhaʼa e nima ʼi te māhina ʼo Novepeli, koia ʼe ko he māhina lelei ʼaia moʼo toʼo ia te selevisi pioniē vaeluaʼi temi.

◼ Fakatokaga ki te taupau pelesitā pea mo te taupau ʼo te Ako Fakateokalatike: Ko te polokalama foʼou ʼo te fono ʼo te kōkelekāsio ʼe kamata anai ʼi te vāhaʼa ʼo te ʼaho 29 ʼo Tesepeli 2008, pea ko te polokalama ʼaia kua fetogi ʼe toe tā anai ʼi Te Minisitelio ʼo Te Puleʼaga ʼo Tesepeli 2008. Kā fai ia te Fakamanatu ʼo Te Ako Fakateokalatike ʼi te vāhaʼa ʼaia, vakaʼi ʼo fakaʼalutahi mo te ʼu fakatotonu ʼo ʼuhiga mo te faʼahiga fai ʼo te Fakamanatu ʼo Te Ako Fakateokalatike ʼi te Polokalama ʼo Te Ako Fakateokalatike 2009. ʼE mole fai anai ia te kalitātē ki te faiakonaki ʼi te afiafi ʼaia.

◼ ʼI he fono gāue ʼo Sānualio, ʼe fai anai te faifai palalau ki te foʼi ʼata DVD Pas de sang : la médecine relève le défi. Kapau ʼe ʼaoga, kotou foimo fakaʼui ʼi tokotou kōkelekāsio ia te foʼi ʼata ʼaia.