Polokalama ʼo Te Ako Fakateokalatike Ki Te Taʼu 2009

TE ʼU AKONAKI

Lolotoga te taʼu 2009 ʼe tou mulimuli anai ki te ʼu fakatuʼutuʼu ʼaenī moʼo fai te Ako Fakateokalatike.

TE ʼU TOHI: Les Saintes Écritures — Traduction du monde nouveau [bi12], Comment raisonner à partir des Écritures [rs], mo te kiʼi kaupepa Te ʼu Fai Palalau Faka Tohi-Tapu [td].

ʼE tonu anai ke kamata TAUTONU ia te ako ʼaki te ʼu fakamālo, pea ʼe hoko atu anai ohagē ko tona tuʼu ʼaē ʼi lalo. Kā ʼosi he akonaki, pea ʼe fakahā anai e te taupau ako te akonaki ʼaē kā hoa kiai.

TE ʼU PUANI ʼAOGA ʼO TE TOHI-TAPU: Minuta 10. ʼI te ʼu ʼuluaki minuta e fā, ʼe palalau anai he tagata ʼāfea faiva peʼe ko he tagata faifekau fakaminisitelio faiva ki te ʼu puani ʼaoga ʼo te Tohi-Tapu ʼo te vāhaʼa. ʼE mole fai fēia anai mokā ʼe kamata te lautohi ʼo te Tohi-Tapu ʼi te vāhaʼa ʼaki te ʼu ʼuluaki kāpite ʼo he tohi Fakatohi-tapu. ʼI te temi ʼaia, iā minuta e fā ʼe fakatafito anai ia te ʼu manatu ki te ʼu ʼalatike “ ʼE Maʼuli Te Folafola ʼa Sehova” ʼaē neʼe kamata tā ʼi Te Tule Leʼo ʼo te ʼaho 1 ʼo Sānualio 2004. Ohagē lā, ko te ʼu ʼuluaki kāpite e nima ʼo Senesi, ʼe vakaʼi anai ʼi te vāhaʼa ʼo te ʼaho 5 ʼo Sānualio, pea ʼe tonu anai ke filifili e te tehina faiakonaki he ʼu puani tāfito mai te ʼu ʼuluaki palakalafe ʼo te tohi ʼo Senesi ʼi Te Tule Leʼo. ʼE palalau anai ki te ʼu manatu ʼaē kā ʼaoga ki te kōkelekāsio. Peʼe talanoa ki he ʼu vaega ʼo te ʼu kāpite ʼaē neʼe tonu ke lau ʼi te vāhaʼa peʼe ki he ʼu puani mai Te Tule Leʼo, kae ʼe tokoni tāfito anai ia te tehina ki te nofoʼaki ke natou mahino pe koʼē ʼe ʼaoga pea mo ʼaoga feafeaʼi te ʼu manatu ʼaia kiā nātou. ʼE tokaga anai te tehina ke mole fakalaka ʼi te ʼu minuta e fā ʼaē neʼe tuku age ki te ʼuluaki koga ʼaia. ʼE tonu ke ina tuku ia minuta e ono ke fai ai he ʼu tali e te nofoʼaki. ʼE kole anai e te tehina ki te nofoʼaki ke natou tali fakanounou (ʼe mole tonu ke fakalaka iā sekonita e 30) ʼo ʼuhiga mo te ʼu manatu ʼaē neʼe natou leleiʼia ʼi tanatou lau te Tohi-Tapu pea mo tona ʼaoga. ʼOsi ʼaia, pea ko te taupau ako ʼe ina fakaafe anai te kau ako ke natou ʼolo ki tonatou ʼu kalasi.

AKONAKI N° 1: Minuta 4 peʼe siʼi ifo. ʼE ko he lautohi ʼe fai anai e he tehina. Ko ia ʼaē kā ina fai te lautohi ʼaia, ʼe mole ina fai anai he ʼu ʼuluaki palalau pea mo he ʼu palalau fakaʼosi. ʼE tokoni tāfito anai te taupau ako ke mahino te kau ako ki tanatou lautohi, ke mole tuta tanatou lautohi, ke natou fakamaʼuhigaʼi te ʼu kupu tāfito, ke natou fakafuafua lelei te mālohi pea mo te ʼaveʼave ʼo tonatou leʼo, ke natou fai he ʼu kiʼi tuʼu, pea mo faigaʼi ke hagē tanatou ʼu lautohi ko tanatou ʼu fai palalau māhani.

AKONAKI N° 2: Minuta 5. ʼE fai anai e he tuagaʼane. Ko ia ʼaē kā ina fai anai te kiʼi fai palalau ʼaia ʼe tohi age anai ia te ʼaluʼaga ʼo te fai palalau, peʼe ina filifili totonu anai he ʼaluʼaga ʼi te lisi ʼo te pāsina 82 ʼo te tohi Tirez profit de l’École du ministère théocratique. ʼE tonu ki te kau ako ke natou fakaʼaogaʼi te kupu tāfito ʼaē kua tuku age, pea mo fakaʼaogaʼi ki he ʼaluʼaga moʼoni pea mo ʼaoga ʼi te fai fakamafola ʼi te telituale ʼo tokotou kōkelekāsio. Kapau ʼe mole tuku age ki he tuagaʼane he tohi ke fakatafito kiai tana fai palalau, pea ʼe ina fai anai he ʼu kumi ʼi tatatou ʼu tohi. Ko te taupau ako, ʼe tokaga anai ʼo vakaʼi peʼe gāueʼi feafeaʼi e te tuagaʼane te ʼu manatu ʼaē neʼe tuku age, pea mo ina vakaʼi peʼe tokoni feafeaʼi ki te fafine ʼaē ʼe nā fai palalau ke ina fakakaukauʼi te ʼu vaega ʼaē ʼe nā lau, pea mo mahino ki te ʼu puani tāfito ʼo tanā fai palalau. ʼE ko te taupau ako ʼaē kā ina hinoʼi anai he hoa ʼo te tuagaʼane.

AKONAKI N° 3: Minuta 5. ʼE fai anai e he tehina peʼe ko he tuagaʼane. Ko ia ʼaē kā ina fai anai, ʼe ina fakaʼaogaʼi anai ia te kupu tāfito ʼaē kua tuku age. Kapau ʼe mole tuku age he tohi ke fakatafito kiai tana fai palalau, pea ʼe ina fai anai he ʼu kumi ʼi tatatou ʼu tohi. Kapau ʼe tuku age ki he tehina, pea ʼe feala anai ke ina fai ohagē ko he akonaki ʼe ina fai ki te nofoʼaki. Kapau ʼe fai e he tuagaʼane, pea ʼe mulimuli anai ki te faʼahiga fai ʼo te Akonaki N° 2. Kotou tokagaʼi ko te ʼu akonaki ʼaē ʼe tuʼu ai he kiʼi fakaʼiloga, ohagē ko he kiʼi fetuʼu, ʼe fai pē anai e te ʼu tehina ohagē ko he akonaki, pea kapau ʼe ʼaoga ʼe fai anai e he tagata ʼāfea peʼe ko he tagata faifekau fakaminisitelio.

TE FAI TOKONI: Minuta 1-2. ʼE mole fakahā fakatomuʼa anai e te taupau ako te puani ʼaē ʼe gāueʼi e ia ʼaē ʼe ina fai tana akonaki. ʼI te hili ʼo te ʼu Akonaki N° 1, N° 2, pea mo te N° 3, ʼe fai tokoni anai te taupau ako ʼo ina foaki he ʼu fakalotomālohi ʼo ʼuhiga mo te faʼahiga fai ʼo te ʼu akonaki, ʼo ina fakahā anai te ʼu tupuʼaga totonu ʼaē neʼe lelei ai te akonaki pea mo fakaʼaogaʼi tuʼumaʼu ia te ʼu tokoni ʼo te tohi École du ministère. ʼO mulimuli ki te ʼu faʼahi ʼaē ʼe ʼaoga ki te kau ako, ʼe feala anai ke fai he tahi ʼu tokoni ʼāteaina ʼi te hili ʼo te fono, peʼe ʼi he tahi temi.

TE TEMI: ʼE mole tonu anai ke fakalaka te temi ʼo he akonaki, ʼo fēia mo te ʼu fai tokoni ʼa te taupau ako. Kapau ʼe fakalaka te temi ʼo te ʼu Akonaki N° 1, N° 2, pea mo te N° 3, pea ʼaki he aga fakaʼeteʼete ʼe fakagata anai e te taupau ako. Kapau ʼe fakalaka te temi ʼo te ʼu tehina ʼaē ʼe natou fai te ʼu puani ʼaoga ʼo te Tohi-Tapu, pea ʼe fai anai kiā nātou he ʼu tokoni ʼāteaina. ʼE tonu kiā tātou fuli ke tou tokaga fakalelei ki totatou temi faiakonaki. Ko te polokalama kātoa e minuta 30.

TE PEPA ʼO TE ʼU TOKONI: ʼE tuʼu ʼi te tohi École du ministère.

TE TEHINA LAGOLAGO MOʼO FAI TOKONI: Moʼo lagolago ki te taupau ako ʼo ʼuhiga mo te fai tokoni, ʼe lava filifili e te kolesi ʼo te kau tagata ʼāfea he tagata ʼāfea faiva pea mo ʼāteaina. Kapau ʼe feʼauga te kau tagata ʼāfea ʼi te kōkelekāsio, pea ʼe fetogi anai te tagata ʼāfea ʼaē kā ina fai te faʼahi ʼaia ʼi te taʼu fuli. Ko te maʼua ʼo te tehina fai tokoni ʼaia, mo kapau ʼe ʼaoga, ko te fai ʼo he ʼu tokoni ʼāteaina pē mo te ʼu tehina ʼaē kā natou fai te ʼu puani ʼaoga ʼo te Tohi-Tapu. ʼE mole ʼaoga anai ke ina foaki te ʼu tokoni ʼaia ʼi te ʼu faiakonaki fuli ʼa te ʼu tagata ʼāfea peʼe ko te ʼu tehina faifekau fakaminisitelio.

FAKAMANATU ʼO TE AKO FAKATEOKALATIKE: Minuta 20. ʼI te ʼu māhina lua fuli, ʼe takitaki anai te fakamanatu ʼaia e te taupau ako. ʼE ʼuluaki fai anai te ʼu puani ʼaoga ʼo te Tohi-Tapu ohagē ko tona fakatuʼutuʼu ʼi te polokalama. ʼE fakatafito anai te fakamanatu ki te ʼu puani ʼaē neʼe vakaʼi ʼi te ako lolotoga te ʼu māhina e lua kua ʼosi, ʼo kau kiai mo te ʼu puani ʼaē ʼe vakaʼi ʼi te vāhaʼa ʼo te fakamanatu ʼaia. Kapau ʼe tō tonu te vāhaʼa Fakamanatu ʼo te Ako Fakateokalatike pea mo te fakatahi fakasilikō peʼe ko te ʼaʼahi ʼo te taupau fakasilikō, pea ʼe kotou hiki anai te polokalama fakamanatu ki te vāhaʼa ʼaē kā hoa mai kiai, pea ʼe fai anai ia te ʼu Akonaki N° 1, N° 2, pea mo te N° 3 ʼaē neʼe tonu ke fai ʼi te vāhaʼa ʼaē ʼe hoa mai kiai. ʼE mole fetogi anai ia te polokalama ʼo te ʼu puani ʼaoga ʼo te Tohi-Tapu ʼo te vāhaʼa peʼe ko te fai ʼo te ʼu puani ʼaoga ʼaia.

Polokalama

5 Sānualio Lau ʼo Te Tohi-Tapu: Senesi 1-5

N° 1: Senesi 3:1-15

N° 2: td 3B Te Misa, ʼe Mole ʼAlutahi Te Toʼotoʼoga ʼAia Mo Te Tohi-Tapu

N° 3: Koteā ʼAē ʼe Mole Vaʼiganoa? (1 Ko. 15:58)

12 Sānualio Lau ʼo Te Tohi-Tapu: Senesi 6-10

N° 1: Senesi 9:1-17

N° 2: Te ʼu Tali Ki Te ʼu Palalau Fakafeagai ʼo ʼUhiga Mo Te Tui Ki Te ʼAtua (rs p. 111 ¶1–p. 112 ¶1)

N° 3: td 4A Koteā Te Faka ʼUhiga ʼo Te “Fakaʼosi ʼo Te Malamanei”?

19 Sānualio Lau ʼo Te Tohi-Tapu: Senesi 11-16

N° 1: Senesi 14:1-16

N° 2: td 4B ʼE Tonu Ke Tou Mahino Ki Te ʼu Fakaʼiloga ʼo Te ʼu ʼAho Fakamuli

N° 3: ʼE Gāueʼi Feafeaʼi Tātou e Sehova? (Isa. 64:8)

26 Sānualio Lau ʼo Te Tohi-Tapu: Senesi 17-20

N° 1: Senesi 17:1-17

N° 2: He Koʼē ʼe Mole Feala Ke Fakatuʼu e Te Tagata Ia He Puleʼaga Faitotonu? (rs p. 172 ¶1–p. 173 ¶3)

N° 3: td 5A Ko Te Kau ʼUluaki Kilisitiano Neʼe Mole Nātou Fai Te Po Tapu Pea Mo Te ʼu ʼAho Tupu

2 Fepualio Lau ʼo Te Tohi-Tapu: Senesi 21-24

N° 1: Senesi 22:1-18

N° 2: td 6A Ko Te ’Ēkelesia ʼe Ko He Fale Fakalaumālie, ʼe Fakatafito Kia Kilisito

N° 3: a Te ʼu ʼAluʼaga ʼAē Ke Kotou Fakahā Ke Lahi Tokotou ʼOfa Ki ʼIhi (2 Ko. 6:11-13)

9 Fepualio Lau ʼo Te Tohi-Tapu: Senesi 25-28

N° 1: Senesi 25:1-18

N° 2: td 6B ʼE Mole Laga Te ’Ēkelesia Kia Petelo

N° 3: He Koʼē ʼe Mole Feala Ki Te ʼu Faiga ʼa Te Tagata Ke Ina Foaki He Fakafīmālie Ki Te Mālamanei? (rs p. 173 ¶4–p. 174 ¶4)

16 Fepualio Lau ʼo Te Tohi-Tapu: Senesi 29-31

N° 1: Senesi 29:1-20

N° 2: He Koʼē ʼe Tonu Ke ‘Tuku Tatatou Hoha’? (Mat. 6:25)

N° 3: td 7A ʼE Tonu Ke Fai Fagonogono Te Kau Kilisitiano Fuli, Ke Nātou Faka Mafola Te Logo Lelei

23 Fepualio Lau ʼo Te Tohi-Tapu: Senesi 32-35

Fakamanatu ʼo Te Ako Fakateokalatike

2 Malesio Lau ʼo Te Tohi-Tapu: Senesi 36-39

N° 1: Senesi 39:1-16

N° 2: td 7B ʼE Tonu Ke Kita Fai Liuliuga Te ʼu ʼAʼahi, Pea Mo Haga Fai Te Fagonogono

N° 3: ʼE Ko Te Puleʼaga Pē ʼo Te ʼAtua ʼAē ʼe Ina Lava Foaki Ia Te ʼu Meʼa ʼAē ʼe ʼAoga Moʼoni Ki Te Mālamanei (rs p. 174 ¶5–p. 175 ¶2)

9 Malesio Lau ʼo Te Tohi-Tapu: Senesi 40-42

N° 1: Senesi 40:1-15

N° 2: td 7C ʼE Tonu Ke Kita Fai Fagonogono Ke Kita “Maʼa Mai Te Toto” ʼo Te Hahaʼi

N° 3: b Tou Tōkakaga Ki Te Loto Fia Faʼitaliha!

16 Malesio Lau ʼo Te Tohi-Tapu: Senesi 43-46

N° 1: Senesi 44:1-17

N° 2: td 8A Te ʼu Faikole ʼAē ʼe Fakalogo Kiai Te ʼAtua

N° 3: Te ʼu Lea Fakapolofetā ʼe Tāu Ke Tou Falala Kiai (rs p. 175 ¶3–p. 176 ¶3)

23 Malesio Lau ʼo Te Tohi-Tapu: Senesi 47-50

N° 1: Senesi 48:1-16

N° 2: ʼE Tonu Koa Ke Tou Mātataku ʼi Te Tēvolo?

N° 3: td 8B ʼE Mole Tali Te ʼu Faikole ʼAē ʼe Lau Liuliuga Kia Malia Pea Mo Te Kau Sagato

30 Malesio Lau ʼo Te Tohi-Tapu: Ekesote 1-6

N° 1: Ekesote 1:1-19

N° 2: td 9A He Koʼe ʼe Fakafeagai Te Hahaʼi Ki Te Kau Kilisitiano?

N° 3: ʼE Ko Te Laumālie Māʼoniʼoni Koa ʼo Te ʼAtua ʼAē ʼe Ina Fakamālōlō Fakamilakulo Ia Te Hahaʼi Iā ʼAho Nei? (rs p. 176 ¶4–p. 177 ¶4)

6 ʼApelili Lau ʼo Te Tohi-Tapu: Ekesote 7-10

N° 1: Ekesote 9:1-19

N° 2: td 9B ʼE Mole Tuku Anai e Te Fafine Ke Fakamavae Ia Ia e Tona ʼOhoana Mai Te ʼAtua

N° 3: c ʼE Feafeaʼi Hatatou Fakaʼalutahi Ia Kalate 6:2 Pea Mo Kalate 6:5?

13 ʼApelili Lau ʼo Te Tohi-Tapu: Ekesote 11-14

N° 1: Ekesote 12:21-36

N° 2: td 9C ʼE Mole Tuku Anai e Te Tagata Ke Tāʼofi e Tona ʼOhoana Tana Tauhi Ki Te ʼAtua

N° 3: Te Kehekehe ʼo Te ʼu Milakulo ʼAē Neʼe Fai e Sesu Mo Tana Kau ʼApositolo Pea Mo Te ʼu Milakulo ʼAē ʼe Fai e Te Hahaʼi Iā ʼAho Nei (rs p. 177 ¶5–p. 178 ¶3)

20 ʼApelili Lau ʼo Te Tohi-Tapu: Ekesote 15-18

N° 1: Ekesote 15:1-19

N° 2: Koteā ʼAē ʼe Tonu Ke Tou Fai Ke Tou Fakamamaʼo Ai Mai Te ʼu Lotu Hala?

N° 3: td 10A ʼE Tologa Age Te ʼu Fakamālōlō Fakalaumālie

27 ʼApelili Lau ʼo Te Tohi-Tapu: Ekesote 19-22

Fakamanatu ʼo Te Ako Fakateokalatike

4 Maio Lau ʼo Te Tohi-Tapu: Ekesote 23-26

N° 1: Ekesote 24:1-18

N° 2: td 10B Ko Te Puleʼaga ʼo Te ʼAtua ʼe Ina Molehi Anai Totatou ʼu Mahaki ʼo Talu Ai

N° 3: ʼE ʼIloʼi Feafeaʼi Iā ʼAho Nei Ia Te Kau Kilisitiano Moʼoni? (rs p. 178 ¶4–p. 179 ¶2)

11 Maio Lau ʼo Te Tohi-Tapu: Ekesote 27-29

N° 1: Ekesote 29:1-18

N° 2: td 10C Ko Te ʼu Fakamālōlō ʼo Te Temi Nei ʼe Mole Ko He Fakamoʼoni ʼAia ʼe Tali e Te ʼAtua Ia Te ʼu Faʼahiga Faifaitoʼo ʼAia

N° 3: d Te Aga Fakakākā Pea Mo Tona ʼu Fua Kovi

18 Maio Lau ʼo Te Tohi-Tapu: Ekesote 30-33

N° 1: Ekesote 31:1-18

N° 2: He Koʼē Neʼe Foaki Ki Te Kau Kilisitiano ʼo Te ʼUluaki Sēkulō Ia Te Fealagia ʼAē Ke Natou Fai He ʼu Fakamālōlō Fakamilakulo? (rs p. 179 ¶3–p. 180 ¶3)

N° 3: td 10D Ko Te Poto ʼi Te ʼu Lea Neʼe Ko He Fakatuʼutuʼu Faka Temi Pe Ia

25 Maio Lau ʼo Te Tohi-Tapu: Ekesote 34-37

N° 1: Ekesote 37:1-24

N° 2: td 11A Te Haʼuʼaga ʼo Te Kau Fakamoʼoni ʼa Sehova

N° 3: e Koteā Te Fakaʼuhiga ʼo Te Tuku ʼo He Tahi Ke Faʼifaʼitaliha, Pea He Koʼē ʼe Mole Lelei Ia Te Aga ʼAia?

1 Sūnio Lau ʼo Te Tohi-Tapu: Ekesote 38-40

N° 1: Ekesote 40:1-19

N° 2: td 12A ʼE Mole Loto e Te ʼAtua Ke Tou Fakatahi Mo He Tahi ʼu Lotu

N° 3: Koteā Ia Te ʼAmanaki Ki Te Mālamanei ʼo ʼUhiga Mo Te Fakamālōlō Moʼoni? (rs p. 180 ¶4–p. 181 ¶1)

8 Sūnio Lau ʼo Te Tohi-Tapu: Levitike 1-5

N° 1: Levitike 4:1-15

N° 2: td 12B ʼE Mole Tonu Te ʼUi ʼAē “ ʼe Lelei Te ʼu Lotu Fuli”

N° 3: f ʼE Tonu Ke Fakahoko Feafeaʼi Ia Te Pule ʼa Te Kau Kilisitiano?

15 Sūnio Lau ʼo Te Tohi-Tapu: Levitike 6-9

N° 1: Levitike 8:1-17

N° 2: ‘ ʼE Kotou Tui Koa Ki Te ʼu Fakamālōlō?’ (rs p. 181 ¶2-3)

N° 3: td 13A Te ʼu Fakatātā Pea Mo Te ʼu Paki ʼe Ko He Meʼa Fakaufiufi Ki Te ʼAtua

22 Sūnio Lau ʼo Te Tohi-Tapu: Levitike 10-13

N° 1: Levitike 11:29-45

N° 2: td 13B Neʼe Fakaʼauha Te Puleʼaga ʼo Iselaele ʼUhi Ko Tanatou Tauhi Fakatātā

N° 3: Te ʼu Tapuakina ʼAē ʼe Maʼu e Te Kau Tisipulo ʼAē Kua Papitema

29 Sūnio Lau ʼo Te Tohi-Tapu: Levitike 14-16

Fakamanatu ʼo Te Ako Fakateokalatike

6 Sūlio Lau ʼo Te Tohi-Tapu: Levitike 17-20

N° 1: Levitike 19:1-18

N° 2: Neʼe Kua Tou ʼUluaki Māʼuʼuli Koa ʼi Selō ʼi Muʼa ʼo Tatatou Tutupu Ake ʼi Te Kele? (rs p. 61 ¶2–p. 62 ¶1)

N° 3: td 13C ʼE Mole Tonu Ke “Vaelua” Tatatou Tauhi

13 Sūlio Lau ʼo Te Tohi-Tapu: Levitike 21-24

N° 1: Levitike 22:17-33

N° 2: td 14A Te Fakatupu, ʼe Fakamoʼoni Ki Te ʼu Meʼa Fakapoto Lalahi; ʼe Ina Faka Lākahalaʼi Te Evolisio

N° 3: ʼE Fakahā Feafeaʼi e Te Kau Kilisitiano Moʼoni Ia Tonatou ʼOfa ʼAē Ki Te Hahaʼi Māsisiva?

20 Sūlio Lau ʼo Te Tohi-Tapu: Levitike 25-27

N° 1: Levitike 25:39-54

N° 2: td 14B Te ʼu ʼAho ʼo Te Fakatupu, Neʼe Mole Ko He ʼu ʼAho e Hola 24

N° 3: Kanapau Lā Neʼe Mole Agahala Ia Atama, Neʼe Feala Koa Hana ʼAlu ʼo Maʼuli ʼi Selō (rs p. 62 ¶2-3)

27 Sūlio Lau ʼo Te Tohi-Tapu: Faka au 1-3

N° 1: Faka au 3:1-20

N° 2: He Koʼē Ko Te Agamalū ʼe Ina Fakamaʼua Ke Kita Loto Lolomi?

N° 3: td 15A Te ʼAmanaki Maʼa Te Kau Mate

3 ʼAukusitō Lau ʼo Te Tohi-Tapu: Faka au 4-6

N° 1: Faka au 4:1-16

N° 2: td 15B Te Fakatuʼuake ʼi Selo Peʼe ʼi Te Kele

N° 3: ʼE Tonu Koa Ke Tou ʼOlo Ki Selō Ke Tou Maʼu Ai Ia Te Fiafia Moʼoni? (rs p. 62 ¶4-6)

10 ʼAukusitō Lau ʼo Te Tohi-Tapu: Faka au 7-9

N° 1: Faka au 9:1-14

N° 2: td 16A Ko Halamaketone, Ko Te Tau ʼa Te ʼAtua Moʼo Fakagata Te Agakovi

N° 3: Te ʼu ʼAluʼaga ʼAē ʼe Tou Fakahā Ai Tatatou Agatonu Kiā Sehova

17 ʼAukusitō Lau ʼo Te Tohi-Tapu: Faka au 10-13

N° 1: Faka au 13:17-33

N° 2: td 16B Ko Halamaketone, ʼe Mole Fakafeagai Ia Ki Te ʼOfa ʼo Te ʼAtua

N° 3: Koteā Ia Te Fakaʼuhiga ʼo Te ʼu Palalau ʼAē Iā 1 Petelo 3:19, 20? (rs p. 63 ¶1)

24 ʼAukusitō Lau ʼo Te Tohi-Tapu: Faka au 14-16

N° 1: Faka au 14:26-43

N° 2: Koteā Te Fakaʼuhiga ʼo Te Manako Ki Te Lao ʼa Te ʼAtua? (Pes. 119:97)

N° 3: td 17A Ko Te Hāofaki ʼe Haʼu Mai Te ʼAtua, ʼUhi Ko Te Sakilifisio Faitotogi ʼa Sesu

31 ʼAukusitō Lau ʼo Te Tohi-Tapu: Faka au 17-21

Fakamanatu ʼo Te Ako Fakateokalatike

7 Sepetepeli Lau ʼo Te Tohi-Tapu: Faka au 22-25

N° 1: Faka au 22:20-35

N° 2: td 17B ʼE Mole Tuʼu ʼi Te Tohi-Tapu Te ʼUi ʼAē “Kua Hāofaki Kita ʼo Talu Ai”

N° 3: Koteā Te Fakaʼuhiga ʼo Te ʼu Palalau ʼAē Iā 1 Petelo 4:6? (rs p. 63 ¶2)

14 Sepetepeli Lau ʼo Te Tohi-Tapu: Faka au 26-29

N° 1: Faka au 27:1-14

N° 2: Koteā Te Fakaʼuhiga ʼo Te Akoʼi ʼo Te ʼu Manatu ʼa Sehova, Pea He Koʼē ʼe Maʼuhiga? (Efe. 6:4)

N° 3: td 17C ʼE Mole ʼUi e Te Tohi-Tapu ʼe Hāofaki Anai Te “Malamanei Katoa”

21 Sepetepeli Lau ʼo Te Tohi-Tapu: Faka au 30-32

N° 1: Faka au 32:1-15

N° 2: td 18A Te ʼIfeli, ʼe Mole Ko He Koga Meʼa ʼe Fakamamahiʼi Ai Te Hahaʼi

N° 3: Ko Te Kau Kilisitiano Fuli Koa ʼAē ʼe Natou Maʼu Ia Te ʼAmanaki Ki Selō? (rs p. 64 ¶1-3)

28 Sepetepeli Lau ʼo Te Tohi-Tapu: Faka au 33-36

N° 1: Faka au 33:1-23

N° 2: td 18B Te ʼIfeli, Ko Te Afi ʼe Ina Fakatātā Te Fakaʼauha

N° 3: Te ʼu Faʼahi ʼAē ʼe Māʼoluga Ai Ia Te Puleʼaga ʼo Te ʼAtua ʼi Te ʼu Puleʼaga Fakatagata Fuli

5 ʼOketopeli Lau ʼo Te Tohi-Tapu: Teutalonome 1-3

N° 1: Teutalonome 2:1-15

N° 2: Koteā ʼAē ʼe ʼUi ʼi Te “Tauhi Foʼou” ʼo ʼUhiga Mo Te Maʼuli Heʼegata ʼi Te Kele? (rs p. 65 ¶1-6)

N° 3: td 18C Ko Te Fakamatala ʼo ʼUhiga Mo Te Tagata Maʼu Koloā Pea Mo Lasalo, ʼe Mole Fakamoʼoni Ki Te ʼu Mamahi Heʼegata

12 ʼOketopeli Lau ʼo Te Tohi-Tapu: Teutalonome 4-6

N° 1: Teutalonome 4:15-28

N° 2: td 19A Te Fakatuʼutuʼu ʼa Te ʼAtua ʼo ʼUhiga Mo Te Kele

N° 3: Ko Te Temi Fea ʼAē ʼe Feala Ai Ke Tou ʼUi ʼe Lelei Age Ia He Meʼa ʼe Veliveli? (Taag. 15:16)

19 ʼOketopeli Lau ʼo Te Tohi-Tapu: Teutalonome 7-10

N° 1: Teutalonome 9:1-14

N° 2: td 19B ʼE Mole Fakaʼauha Anai Te Kele Pea ʼe Nofoʼi Anai Ia e Te Hahaʼi

N° 3: ʼI Te Tohi-Tapu, Ko Te Toko Fia ʼAē Kā Natou Maʼu Anai Ia Te ʼAmanaki Ke Natou Māʼuʼuli ʼi Selō? (rs p. 66 ¶1-2)

26 ʼOketopeli Lau ʼo Te Tohi-Tapu: Teutalonome 11-13

Fakamanatu ʼo Te Ako Fakateokalatike

2 Novepeli Lau ʼo Te Tohi-Tapu: Teutalonome 14-18

N° 1: Teutalonome 15:1-15

N° 2: Koteā ʼAē ʼe Pipiki Ki Te Manavasiʼi Ki Te ʼAtua?

N° 3: td 20A Neʼe Tautau Sesu Ki He Pou Fakamamahi, Pea Neʼe Ko Hona Fakalainoa ʼAia

9 Novepeli Lau ʼo Te Tohi-Tapu: Teutalonome 19-22

N° 1: Teutalonome 22:1-19

N° 2: td 20B ʼE Mole Tonu Ke Atolasioʼi Te Koluse

N° 3: ʼE Fakatuʼakoi Pē Koa ia Te Toko 144 000 Ki Te Kau Sutea? (rs p. 66 ¶3–p. 67 ¶1)

16 Novepeli Lau ʼo Te Tohi-Tapu: Teutalonome 23-27

N° 1: Teutalonome 25:1-16

N° 2: td 21A Ko Te Toko 144 000 ʼAē Kā ʼOlo Ki Selo

N° 3: g Koteā Te ʼu Meʼa ʼAē ʼe Tonu Ke Tou Fakaʼuhiga ʼe Taputapu

23 Novepeli Lau ʼo Te Tohi-Tapu: Teutalonome 28-31

N° 1: Teutalonome 30:1-14

N° 2: td 22A Koteā Ia Te Laumālie Maʼoniʼoni?

N° 3: Ohagē Ko Tona Fakahā ʼi Te Tohi-Tapu, Koteā Ia Te ʼAmanaki ʼAē ʼe Maʼu e Te “Toe Hahaʼi Tokolahi”? (rs p. 67 ¶2-4)

30 Novepeli Lau ʼo Te Tohi-Tapu: Teutalonome 32-34

N° 1: Teutalonome 32:1-21

N° 2: Koteā “Te ʼAho Lahi ʼo Sehova”? (Sofo. 1:14)

N° 3: td 22B Te Mālohi Maʼuli ʼe Fakahigoaʼi Ko Te Laumālie

7 Tesepeli Lau ʼo Te Tohi-Tapu: Sosue 1-5

N° 1: Sosue 5:1-15

N° 2: td 22C ʼE Tonu Ke Tou Līaki Te ʼu Meʼa Faifakalauʼakau, Te Gāue ʼa Te ʼu Temonio

N° 3: td 23A ʼE Fakapulipuli Ia Te Liliu Mai ʼa Kilisito

14 Tesepeli Lau ʼo Te Tohi-Tapu: Sosue 6-8

N° 1: Sosue 8:1-17

N° 2: td 23B ʼE ʼi Ai Te ʼu Fakamoʼoni ʼo Tana ʼi Henī

N° 3: He Koʼē ʼe Ko He Tokoni Lelei Ia Te Manatu ʼAē Iā Tagata Tānaki 7:21, 22?

21 Tesepeli Lau ʼo Te Tohi-Tapu: Sosue 9-11

N° 1: Sosue 9:1-15

N° 2: td 24A Ko Te Lotu Moʼoni Pe e Tahi

N° 3: td 24B ʼE Tauteaʼi Te ʼu Akonaki Loi

28 Tesepeli Lau ʼo Te Tohi-Tapu: Sosue 12-15

Fakamanatu ʼo Te Ako Fakateokalatike

ʼU nota]