Polokalama ʼo Te Vāhaʼa 24 ʼo Tesepeli

VĀHAʼA ʼO TE ʼAHO 24 ʼO TESEPELI

Kātiko 5 Pea Mo Te Faikole

□ Ako Tohi-Tapu ʼo Te Kōkelekāsio:

fy kāp. 12 ¶1-10 (30 min.)

□ Ako Fakateokalatike:

Lau ʼo Te Tohi-Tapu: Sakalia 9-14 (10 min.)

N° 1: Sakalia 11:1-13 (4 min. peʼe siʼi ifo)

N° 2: Koteā Te ʼu Faikole ʼAē ʼe Fagono Kiai Ia Te ʼAtua?—rs p.286 ¶1–p. 287 ¶1 (5 min.)

N° 3: ʼI Te ʼu ʼAluʼaga Fea, ʼe Feala Ai Ke Tou Fakaʼaogaʼi Te Pelesepeto ʼo Tāʼaga Lea 15:1? (5 min.)

□ Fono Gāue:

Kātiko 75

30 min: ʼE Feafeaʼi Hatatou Fakaʼaogaʼi Lelei Ia Tatatou Tuʼasila ʼAē ʼi Te Neti. Fai palalau ki te ʼu pāsina 3 ki te 6. Fai he ʼu faʼifaʼitaki ʼo mulimuli ki te agaaga ʼo te hahaʼi ʼo totatou telituale. Kā kotou talanoa anai ki te pāsina 4, fai he faʼifaʼitaki e minuta tolu, ʼe hoko ʼi te hili ʼo te Ako Fakafamili. ʼE fehuʼi age e te tamai ki te fāmili peʼe kotea ʼaē kā natou ako anai i te vahaʼa ʼaē kā hoa mai. Pea ʼe tali age e te fānau peʼe feala lā ke natou talanoa ki he ako maʼa te kau “Tupulaga” ʼe maʼu ʼi te Neti. Fakaafe te nofoʼaki ke natou fakahā peʼe natou lava fakaʼaogaʼi feafeaʼi ia te tuʼasila jw.org moʼo fakahoko ʼaki tanatou ako takitokotahi peʼe ko tanatou ako fakafamili. ʼI te pasina 5, fai he kiʼi faʼifaʼitaki e minuta tolu, ko he tehina ʼe ina fakaʼaogaʼi ia te Neti ʼaki tana kiʼi telefoni, moʼo tali ki he tahi ʼe fia mahino ki te ʼu akonaki ʼaē ʼe tui ki ai. ʼI te pāsina 6, fai he kiʼi faʼifaʼitaki e minuta fā, ko he tehina ʼe fai palalau mo he tahi ʼe palalau ʼi he tahi age lea. ʼE fakahā age e te tehina ʼaia, ʼi te Neti, ʼaki tana kiʼi telefoni, ia te pāki ʼo te kiʼi pepa lotu ʼE Kotou Fia ʼIloʼi Koa Te Moʼoni? ʼi tana lea, pea mo nā faifai palalau ki ai. Fakaafe te nofoʼaki ke natou fakahā peʼe natou lava fakaʼaogaʼi feafeaʼi ia te tuʼasila jw.org ʼi tanatou gāue fai fakamafola.

Kātiko 101 Pea Mo Te Faikole