Kotea ʼAe Ka Kotou Fai Anai ʼi Te ʼu ʼAho Malolō?

Mai tona aluʼaga ʼae ʼe tokolahi natou ʼae ʼe nonofo ʼi ʼonatou ʼapi ʼi te ʼu ʼaho malolō fakalotu pea mo fakapuleʼaga, koia ʼe tou maʼu anai he ʼu temi lelei moka tou faifakamafola. ʼE fakalotomalohiʼi te ʼu kokelekasio ke natou fai ni fakatuʼutuʼu makehe moʼo fai he fakamafola ʼi te ʼu ʼaho malolō. Tokolahi ʼi totatou telituale ʼe momoe fualoa anai. Koia ʼe lelei age ke tou fetogi te hola ʼo te ʼu fono faifakamafola. ʼE feala ke tala ifo ʼi te Fono Gaue ʼe fai anai e te kokelekasio he ʼu fakatuʼutuʼu makehe moʼo fai he fakamafola ʼi te ʼu ʼaho malolō pea mo fakalotomalohi te nofoʼaki katoa ke lagolago ki ai. ʼE moʼoni, ʼi te ʼu ʼaho ʼaia ʼe lagi tou fia malolō anai peʼe tou fai he ʼu kiʼi gaue ʼi te loto fale. Kaʼe ʼe feafeaʼi age la mo kapau ʼe tou fakatuʼutuʼu ke tou faifakamafola ʼi te koga ʼaho? ʼE mahino ia ʼe kotou maʼu anai te fiafia ʼae ʼe tupu mai takotou lagolago ki te selevisi taputapu.—Mat. 11:29, 30.