Ko he ʼu tuagaʼane ʼe toko lua ʼe nā fakaʼaogaʼi te kaupepa Logo Lelei ʼi Madagascar
He ʼu ʼUluaki Palalau
KO TE TULE LEʼO
Fehuʼi: ʼI te manatu ʼa ʼihi hahaʼi ko te faikole ʼe ko he puli temi pea ʼe mole fagono mai he tahi ki te ʼu faikole. Kaʼe ko ʼihi ʼe natou tui ko te ʼAtua ʼe fagono ki ʼanatou faikole. Kotea la tau ia manatu?
Vaega: Esa 30:19
Tufa: Ko te nusipepa ʼaeni ʼe fakaha ai ko te ʼAtua ʼe fagono pea mo tali ki te ʼu faikole mo kapau ʼe tou fai ʼi hona aluʼaga ʼe lelei pea mo kole he ʼu meʼa ʼe alu tahi mo tona finegalo.
KO TE TULE LEʼO (pasina fakaʼosi)
Fehuʼi: ʼE au fia iloʼi pe ʼe kotea la tau manatu ki te fehuʼi. [Lau ia te ʼuluaki fehuʼi.] Ki te manatu ʼa ʼihi, ʼe mole he ʼamanaki ʼi te hili ʼo te mate. Kotea tau manatu?
Vaega: Ga 24:15
Tufa: ʼE ke maʼu anai ʼi te alatike ʼaeni te ʼu fakamahino Fakatohi-tapu ʼo ʼuhiga mo te faʼahi ʼaia. ʼE feala la ke au toe liliu mai ke ta toe faipalalau ʼo ʼuhiga mo te alatike ʼaia?
TE ʼU LOGO LELEI MAI TE ʼATUA
Tufa: ʼE au fia fakaha atu pe ʼe feafeaʼi te fai ʼo he ako Tohi-Tapu. Ko te kaupepa ʼaeni ʼe fakaha ai te ʼu tali ki he ʼu fehuʼi maʼuhiga ʼe feala ke ke maʼu ʼi tau Tohi-Tapu.
Fehuʼi: ʼE ʼi ai la hau Tohi-Tapu? Tuku ke au fakaha atu pe ʼe maʼu gafua feafeaʼi te ʼu ako ʼi te kaupepa ʼaeni. [Vakaʼi te fehuʼi 1 ʼi te ako 2.]
Vaega: Apk 4:11
TOHI ʼAU PALALAU
Fakaʼaogaʼi te faʼahiga fakatuʼutuʼu ʼo he ʼu ʼuluaki palalau moʼo tohi ʼau palalau.