Vahaʼa ʼo Te ʼAho 11-17 ʼo Sanualio

2 KOLONIKO 33-36

“Ka Fakahemala Moʼoni He Tahi ʼe Fiafia Ia Sehova”: (10 min.)
- 2Klk 33:2-9, 12-16—Neʼe manavaʼofa ia Sehova kia Manase he neʼe fakahemala moʼoni (w05 1/12 p. 21 pal. 5)
- 2Klk 34:18, 30, 33—Ko te lau ʼo te Tohi-Tapu pea mo metitasio ki ai ʼe feala ke malave ʼaupito kia tatou (w05 1/12 p. 21 pal. 10)
- 2Klk 36:15-17—ʼE ʼi ai te ʼu tuʼakoi ʼo te manavaʼofa ʼo Sehova mo tana faʼa kataki (w05 1/12 p. 21 pal. 7)
Kumi Te ʼu Koloa ʼi Te Tohi-Tapu: (8 min.)
- 2Klk 33:11—Kotea ia te lea fakapolofeta ʼae neʼe hoko ʼi te temi neʼe ʼave ai ia Manase ki Papilone? (it-1-F p. 61 pal. 7)
- 2Klk 34:1-3—Kotea te fakalotomalohi ʼe tou maʼu mai te faʼifaʼitaki ʼo Sosiasi? (w05 1/12 p. 21 pal. 6)
- ʼI tatatou lau ia te Tohi-Tapu ʼi te vahaʼa ʼaeni, kotea neʼe tou ako ʼo ʼuhiga mo Sehova?
- ʼI tatatou lau ia te Tohi-Tapu ʼi te vahaʼa ʼaeni, kotea ia te ʼu manatu ʼe feala ke tou fakaʼaogaʼi ʼi te faifakamafola?
Lau ʼo Te Tohi-Tapu: 2Klk 34:22-33 (4 min. peʼe siʼi ifo)

ʼUluaki Faipalalau: (2 min. peʼe siʼi ifo) Fai he faʼifaʼitaki ʼo te tufa ʼo Te Tule Leʼo ʼo Sanualio–Malesio ʼaki tau talanoa ki te ʼuluaki alatike. Lagaʼi te fehuʼi ke ke toe liliu ʼo ʼaʼahi ia ia.
Toe Liliu ʼo ʼAʼahi: (4 min. peʼe siʼi ifo) Fai he faʼifaʼitaki ko he toe liliu ʼo ʼaʼahi he tahi neʼe ina leleiʼia te ʼuluaki alatike ʼo Te Tule Leʼo ʼo Sanualio–Malesio. Lagaʼi te fehuʼi “ ʼe feala koa ke tou fakaovi ki te ʼAtua?” ke ke toe liliu ʼo ʼaʼahi ia ia.
Ako Tohi-Tapu: (6 min. peʼe siʼi ifo) Fai he faʼifaʼitaki ʼo he ako Tohi-Tapu. (bh p. 15 pal. 18)

Katiko 77
ʼE Maʼuhiga Te Fakahemala: (10 min.) Akonaki ʼe fai e he tagata ʼafeā. (w06 1/12 p. 9 pal. 7-9)
Ako Te Fakamolemole: (5 min.) Faipalalau. Fakahaʼele te ʼata viteo Ke Ke Kaumeʼa Mo Sehova—Ako Te Fakamolemole. (Vakaʼi ʼi te jw.org/wls, ʼi te kupu tafitō TOHI > ʼATA VITEO.) Hili ia, fakaafe te ʼu fanau ke natou fakaha te ʼu ako neʼe natou maʼu mai te ʼata viteo ʼaia.
Ako Tohi-Tapu ʼo Te Kokelekasio: gt kapite 23 (30 min.)
Fai He Fakamanatu Mo Fakaha Te Polokalama ʼo Te Vahaʼa Ka Hoa Mai (3 min.)
Katiko 6 Pea Mo Te Faikole