Te Pilivilesio ʼAe Ke Tou Laga Mo Taupau ʼOtatou Fale Fono

Ko te laga ʼo te fale lotu ʼo Sehova neʼe ʼaoga ki ai he ʼu faiga mo he toe paʼaga. Kaʼe, neʼe lagolago ia te kau Iselaele ki te fakatuʼutuʼu ʼaia ʼaki he faʼafai. (1Klk 29:2-9; 2Klk 6:7, 8) ʼI te kua ʼosi laga ʼo te fale lotu, neʼe ha ai te tauhi fakamalotoloto ʼa te kau Iselaele ʼi tanatou taupau te fale lotu. (2Ha 22:3-6; 2Klk 28:24; 29:3) Ia ʼaho nei, ko te kau Kilisitiano ʼe natou foaki lahi tonatou temi ki te laga ʼo te ʼu Fale Fono mo te ʼu Fale Fakatahi Lalahi. Pea ʼe natou fakamaʼa mo taupau te ʼu fale ʼaia. Koia, ʼe ko he toe pilivilesio lahi tanatou fai te ʼu gaue ʼaia maʼa Sehova ʼae ʼe kau ki tatatou tauhi taputapu.—Pes 127:1; Apk 7:15.

ʼE FEALA KE TOU TOKONI KI TE . . .

• 

  Fakamaʼa ʼi te ʼu ʼosi fono. Kapau ʼe mole ke fealagia te faʼahi ʼaia, ke ke fakamaʼa te faʼahi ʼae neʼe ke nofo ai.

• 

  Taupau ke maʼa ʼo te Fale Fono. Ka tou hahaʼi ʼi te fai ʼo te fakamaʼa ʼe tou fiafia anai pea mo faigafua ai te gaue ʼaia.—lv 92-93 pal. 18.

• 

  Fakapaʼaga ki te laga ʼo ʼotatou Fale Fono. Tatau aipe pe ʼe mole lahi te foʼi piesi ʼe tou foaki kaʼe ʼe fiafia ia Sehova, he neʼe tou foaki ʼaki he loto katoa. —Mk 12:41-44.

• 

  Laga mo te toe fakafoʼou ʼo te ʼu fale ʼo te kautahi ʼaki he lotolelei mo kapau ʼe tou fealagia. ʼE mole gata pe kia ia ʼae ʼe faiva ʼi te laga fale ʼe feala tana kau ki ai.