Ko ʼĀfea ʼAē Kā Fakatuʼu Ai Anai Te Palatiso?

Ko te ʼu malaʼia ʼaē ʼe lolotoga hoko nei ʼi te kele ʼe ko he fakamoʼoni kua vave pē anai te fakahoko e te Puleʼaga ʼo te ʼAtua ia tana gāue ki te kele kātoa. Luka 21:10, 11; 2 Timoteo 3:1-5

ʼE lahi te ʼu meʼa ʼe hoko nei neʼe kua fakakikite ʼi te Tohi-Tapu. ʼE ʼui ko te hahaʼi ʼe natou kaumeʼa pē anai mo te falā, mo talagataʼa ki te ʼu mātuʼa, mo aga fekai pea mo kaumeʼa mo te ʼu fakafiafia.

ʼE ʼi ai anai te ʼu mafuike lalahi, mo te ʼu tau, mo te ʼu hoge pea mo te mafola ʼaē ʼo te mahaki. ʼE lolotoga hoko nei te ʼu meʼa ʼaia.

Neʼe toe tala e Sesu ʼe fakamafola anai ʼi te kele kātoa te logo lelei ʼo ʼuhiga mo te Puleʼaga ʼo te ʼAtua.—Mateo 24:14.

ʼE molehi anai e te Puleʼaga ia te agakovi fuli. 2 Petelo 3:13

Kua vave pulihi anai e Sehova te kau agakovi fuli.

ʼE fakatūʼā anai ia Satana pea mo te kau temonio.

Ko nātou ʼaē neʼe fakalogo ki te ʼAtua ʼe natou māʼuʼuli anai ʼi he mālama foʼou ʼe faitotonu, ʼaē ʼe mole natou toe maʼu ai anai he maʼuli mataku, ko he mālama ʼe fefalalaʼaki ai anai te hahaʼi pea mo natou feʼofaniʼaki.