Faiga Ke Malave Ki Te Loto

Taaga Lea 3:1

TE MANATU ʼAE KE TAʼOFI: Tokoni kia natou ʼae ʼe fagono atu ke natou mahino ki te maʼuhiga ʼo te meʼa ʼae ʼe natou ako pea ke natou maʼuliʼi.

TONA FAʼAHIGA FAI:

• Tokoni kia natou ʼae ʼe fagono atu ke natou tahi sivisivi ia natou totonu. Lagaʼi he ʼu fehuʼi ʼe feala hanatou vakavakaʼi takitokotahi te ʼu meʼa ʼae ʼe natou logoʼi.

• Faiga ke natou fia fai te meʼa ʼae ʼe lelei. Fakalotomalohiʼi ia natou ʼae ʼe fagono atu ke natou fakakaukauʼi te ʼu tupuʼaga ʼo tanatou fakahoko he ʼu gaue ʼe lelei. Uga ia natou ke natou fai te faʼahi ʼaia ʼuhi ko te ʼu tupuʼaga lelei ʼaeni: ko te ʼofa kia Sehova mo tonatou tatau, pea mo tanatou leleiʼia te ʼu akonaki Fakatohi-tapu. Tokoni kia natou ke natou fakakaukau. ʼAua naʼa ke tokoniʼi fau natou, pea mo valokiʼi natou. Kae ʼe tonu ke natou lotomalohi pea mo fia fai te meʼa ʼae ʼe natou fealagia, ʼi te ʼosi ʼo tau akonaki peʼe ko tau faipalalau.

• Fakamaʼuhigaʼi ia Sehova. Fakaha te ʼu kalitate ʼo Sehova pea mo tona ʼofa kia tatou ʼi te ʼu moʼoni Fakatohi-tapu, mo te ʼu pelesepeto pea mo ʼana fakatotonu. Tokoni ki te hahaʼi ke natou fia fakafiafiaʼi ia Sehova pea mo manatuʼi te ʼu meʼa ʼae ʼe ina logoʼi.