Fakaha Te ʼAoga ʼo Te ʼu Manatu

Taaga Lea 3:21

TE ʼU MANATU ʼAE KE TAʼOFI: Tokoni kia natou ʼae ʼe fagono atu ke natou mahino pe koʼe ʼe ʼaoga kia natou te ʼu manatu ʼae ʼe ke talanoa ki ai. Fakaha pe ʼe feafeaʼi hanatou fakaʼaogaʼi te ʼu manatu ʼaia.

TONA FAʼAHIGA FAI:

• Manatuʼi ia natou ʼae ʼe fagono atu. Fakakaukauʼi pe koʼe ʼe ʼaoga ke natou logo ki te ʼu manatu ʼae ʼe ke fakaha. Kumi pe ko te ʼu puani fea ʼae ka ʼaoga tafito anai kia natou.

• • Lolotoga tau akonaki peʼe faipalalau, faiga ke natou mahino ki te meʼa ʼae ʼe tonu ke natou fai. Ka ke kamata palalau, ʼe tonu ke manatu e ia ʼae ʼe fagono atu: ‘ ʼE ʼaoga te ʼu manatu ʼaeni kia au.’ Fakaha pe ʼe feafeaʼi hana maʼuliʼi te ʼu manatu tafito ʼae ʼe ke fakaha. Ke ke palalau fakahagatonu ki te ʼu manatu.