Koutou ’Ōmai Ki Te Fakatahi Faka Tisitilike “Tou Vikiviki Fakafiafia Ki Te ʼAtua”

KO HE kupu lelei neʼe fili ki te ʼu fakatahi faka tisitilike ʼo te taʼu 1995: “Tou Vikiviki Fakafiafia Ki Te ʼAtua”! ʼE mahino papau ia ko te kau Fakamoʼoni ʼa Sehova ʼe ko he hahaʼi ʼe nātou fakavikiviki fakafiafia. ʼE nātou vikiviki ia ai? ʼE mahino papau ia, ʼe nātou vikiviki ia Sehova!

Ko Sehova ʼe makehe, ʼe mole hona tatau. ʼE ina maʼu te mālohi katoa, mo te poto katoa, pea ʼe haohaoa tana faitotonu, pea ʼe ko te fakatā tonu ʼo te ʼofa. ʼE tau mo ia, ʼo laka ʼi te ʼu meʼa fuli, ke ina maʼu tatatou atolasio pea mo tatatou fakavikiviki.

ʼE mahino ia, ʼe tou fia liliu ko he hahaʼi ʼe nātou vikiviki fakafiafia ia te ia! Moʼo tokoni kia tatou, neʼe fakatuʼutuʼu e te Kolesi Pule ʼa te kau Fakamoʼoni ʼa Sehova, te polokalama lelei ʼo te fakatahi e ʼaho tolu, ʼe kamata anai ʼi te temi vela ʼo te taʼu 1995. ʼE mahino papau ia ko te ʼu ʼaho ʼaia e tolu ʼe ko he ʼu ʼaho fakafiafia anai, pea ʼe faiga mālohi anai te kau Fakamoʼoni fuli ʼa Sehova ke nātou ʼi ai mai te ʼuluaki katiko ʼi te Feliaono uhu ʼo aʼu ki te katiko pea mo te faikole fakaʼosi ʼi te ʼAhotapu hili hoʼatā.

1995-96 Faiʼaga ʼo Te ʼu Fakatahi Faka Tisitilike

Niu-Kaletonia

ʼAHO 18-20 ʼO ʼAUKUSITO 1995 (ʼe vakaʼi pe)

NIUMEA.

ʼAHO 25-27 ʼO ʼAUKUSITO 1995 (ʼe vakaʼi pe)

NIUMEA.

Haʼamoa (Amelika mo te Potu Hihifo)

ʼAHO 4-6 ʼO ʼAUKUSITO 1995

TUTUILA (lea Faka Haʼamoa mo Fakapilitānia), Community College, Mapusaga, Haʼamoa Amelika.

ʼAHO 22-24 ʼO SEPETEPELI 1995

APIA (gata pe ki te lea Faka Haʼamoa), Assembly Hall, Sinamoga, Haʼamoa Hihifo.

Toga

ʼAHO 24-26 ʼO NOVEPELI 1995

NUKUʼALOFA (lea Fakatoga mo ʼihi ʼi te lea Fakapilitānia), Kingdom Hall, Main Rd, Haʼateiho.

Vanuatu

ʼAHO 1-3 ʼO SEPETEPELI 1995 (ʼe vakaʼi pe)

LUGANVILLE, Santo.