Ko He Fakamatala Faka Hisitolia ʼi Te Foʼi Fime La Société du Monde Nouveau en action

Ka koutou sioʼi anai te foʼi fime viteo ʼo te ʼata neʼe fai ʼi te taʼu 1954, koutou fakakaukauʼi te ʼu tali ki te ʼu fehuʼi ʼaenī: (1) ʼI te kamataʼaga, he koʼe neʼe fai te foʼi fime ʼaia, pea koteā ʼaē neʼe hoko ai? (2) Koteā te ʼu nusipepa ʼaē ʼe tā e te kau Fakamoʼoni ʼa Sehova, maʼa ai pea koteā tona tupuʼaga? (3) Koteā te kehekehe ʼo te tufa ʼo Te Tule Leʼo ia ʼaho nei pea mo tona fai ʼi te taʼu 1954? (4) ʼI te ʼu taʼu ʼaenī, neʼe feafeaʼi tatatou haʼele ki muʼa ʼo ʼuhiga mo te faʼahiga tā ʼo te ʼu nusipepa? (5) Koteā ʼaē ʼe koutou leleiʼia ʼaupito ʼi te fakatahi faka malamanei ʼo te 1953, ʼaē neʼe fai ʼi te Yankee Stadium? (6) Neʼe koteā te Trailer City, pea koteā te ʼu meʼa makehe ʼaē neʼe koutou tokagaʼi ʼo ʼuhiga mo te meʼa ʼaia? (7) Koteā ʼaē ʼe fakahā ai, ko tatatou gāue ʼe mole fai pe e he puleʼaga e tahi peʼe ko he faʼahiga hahaʼi e tahi? (8) Koteā te ʼu faʼahi ʼaē neʼe koutou logoʼi ai te ʼofa, ʼaē ʼe fakahā ʼi te ʼu gāue ʼa te kautahi ʼa Sehova? (9) Kia koutou, ko ai ʼaē ka ina leleiʼia anai te sioʼi ʼo te fakamatala faka hisitolia ʼaia ʼo te ʼu gāue ʼo te sosiete ʼo te mālama foʼou ʼi te ʼu taʼu 1950?