Neʼe Fakahoko Te Gaue ʼAki Te Laumalie Maʼoniʼoni

Neʼe fakahoko tuʼumau pe e te ʼu kaugana ʼa Sehova ia he ʼu gaue fakaofoofo. Neʼe mole natou fai ʼaki tonatou malohi kae ʼaki te tokoni ʼa Sehova. ʼI te 1954, neʼe fai e te kautahi ʼa Sehova ia he ʼata ko tona kupu tafito “La Société du Monde Nouveau en action.” Neʼe ko te kau Petelite ʼae neʼe natou fai ia te ʼata ʼaia, logo la neʼe heʼeki natou fai he gaue feia. Kae neʼe natou lavaʼi te gaue ʼaia ʼaki pe te laumalie maʼoniʼoni ʼo Sehova. Koia, kapau ʼe tou falala kia Sehova, ʼe tou tui papau ʼe tou lava fakahoko ia he gaue pe ʼe tuku mai ke tou fai.—Skl 4:6.

SIOʼI TE ATA TE FAI ʼO TE ʼATA “LA SOCIÉTÉ DU MONDE NOUVEAU EN ACTION,” PEA MO TALI KI TE ʼU FEHUʼI:

• He koʼe neʼe fai ia te ʼata ʼo ʼuhiga mo tatatou kautahi?

• He koʼe ʼe feala ke tou fakatatau ia te Petele ki he sino?—1Ko 12:14-20

• Kotea te ʼu faigataʼaʼia neʼe tau mo te ʼu tehina ʼi tanatou fai ia te ʼata?

• Kotea te ako maʼa tatou ʼo ʼuhiga mo te laumalie maʼoniʼoni ʼo Sehova?