He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo ʼApe.

“Ko te paki ʼaenī ʼe ko te taumafa ʼaē ʼe higoa ko te Ōmoe Fakaʼosi. [Fakahā age te takafi ʼo te nusipepa, ʼi muʼa pea mo muli.] ʼE koutou ʼiloʼi koa ʼe ko te toʼotoʼoga pe ʼaenī e tahi ʼaē neʼe fakatotonu ki te kau Kilisitiano ke nātou fakamanatuʼi? [Tuku ke fai mai hana tali. Pea koutou lau age ia Luka 22:19.] ʼE fakamahino e te nusipepa ʼaenī pe koʼe ʼe maʼuhiga te toʼotoʼoga ʼaia, pea ʼe tonu ke malave feafeaʼi kia koutou.”

Réveillez-vous! ʼaho 8 ʼo ʼApe.

“ ʼE fakaʼofaʼofa te haga maumauʼi e te kau tūpulaga tonatou maʼuli ʼaki te toloke. Koteā la tau manatu? [Tuku ke fai mai hana tali.] ʼI te agamāhani ʼe kamata te ʼu fihifihia mokā fakatahi te kau tūpulaga mo he ʼu fakakaugā kovi. [Lau age ia 1 Kolonito 15:33.] ʼE fakamahino ʼi te Réveillez-vous ! ʼaenī pe koteā ʼaē ʼe ina uga ai te kau tūpulaga ke nātou kamata palu te toloke, pea mo te meʼa ʼaē ʼe feala ke fai e te ʼu mātuʼa moʼo puipui nātou.”

Te Tule Leʼo ʼaho 15 ʼo ʼApe.

“ ʼI te ʼu taʼu ʼaenī tokolahi te hahaʼi neʼe nātou fakatokagaʼi ʼe mole kei maʼuhiga ki te hahaʼi te ʼu meʼa fakalaumālie. ʼE ke tokagaʼi koa te faʼahi ʼaia? [Tuku ke fai mai hana tali. Pea koutou lau age ia Pesalemo 119:105.] Ko te ʼu meʼa maʼuhiga ʼi te faʼahi fakalaumālie ʼe lava tokoni ki te hahaʼi ke mole nātou tō ki he ʼu hele. ʼE fakahā e te nusipepa ʼaenī peʼe feala ke maʼu ʼifea te ʼu meʼa maʼuhiga ʼi te faʼahi fakalaumālie.”

Réveillez-vous! ʼaho 22 ʼo ʼApe.

“ ʼI te mālama ʼaenī ʼaē ʼe gaholo ai te temi, tokolahi te hahaʼi ʼe nātou feʼekeʼaki peʼe mole vave fau te tuputupu ʼo tanatou ʼu tamaliki. ʼE koutou tuʼania koa ki te faʼahi ʼaia? [Tuku ke fai mai hana tali. Pea koutou lau age ia Tagata Tānaki 3:1, 4.] ʼE mole tonu ke foaki ki te ʼu tamaliki te ʼu maʼua ʼo te hahaʼi lalahi. ʼE palalau te Réveillez-vous ! ʼaenī peʼe lava puipui feafeaʼi e te ʼu mātuʼa te temi ʼaē kei liliki ai tanatou ʼu tamaliki.”