He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Sūlio

“ ʼE kau ki te ʼu meʼa tāfito ʼaē ʼe ʼaoga kia tatou ia te ʼofa ki he tahi pea mo te ʼofainaʼi ʼo tatou. [Lau age te talanoa ʼaē ʼe tuʼu ʼi te pasina 4.] Kae lagi neʼe ke tokagaʼi ʼe fakamuʼamuʼa e te hahaʼi te tahi ʼu meʼa? [Tuku ke fai mai hana tali.] ʼE fakahā e te nusipepa ʼaenī peʼe koteā te ʼofa moʼoni pea e feafeaʼi hakita maʼu te ʼofa ʼaia.” Lau age ia 1 Kolonito 13:2.

Réveillez-vous ! ʼaho 8 ʼo Sūlio

“Tokolahi ʼe nātou tuʼania ki te tuputupu ʼo te agamālohi. [Koutou fakahā he faʼifaʼitaki ʼe ʼiloʼi ʼi te kolo, pea tuku ke ina fai mai hana tali.] ʼE talanoa te nusipepa ʼaenī ki ʼihi ʼaluʼaga ʼe iku ai ki te agamālohi. ʼE toe fakamahino ai peʼe pulihi feafeaʼi anai e te ʼAtua te fai fakapō pea mo te agamālohi ʼo talu ai.” Lau age ia Pesalemo 37:10, 11.

Te Tule Leʼo ʼaho 15 ʼo Sūlio

“Tokolahi neʼe nātou tokagaʼi te fakahaʼuhaʼu ʼo te fia nonofo tokotahi ʼa te hahaʼi. ʼI tau manatu la, ʼe ko he aga fakapotopoto koa ʼaia? [Tuku ke ina fai mai hana tali.] ʼE feala ke ke tokagaʼi te ʼu palalau poto ʼaenī ʼo ʼuhiga mo te maʼuhiga ʼo he fakakaumeʼa. [Lau age ia Tagata Tānaki 4:​9, 10.] ʼE fakahā e te nusipepa ʼaenī pe koʼe ʼe ʼaoga mai kia tatou ia te hahaʼi pea ʼe lava pulihi feafeaʼi te nofo tokotahi.”

Réveillez-vous ! ʼaho 22 ʼo Sūlio

“Tokolahi te hahaʼi ʼe nātou tuʼania ki te kua faigafua ʼo te sio ki te ʼu paki ʼaē ʼe hā ai te ʼu aga heʼeʼaoga. ʼI tau manatu la, ʼe ko he faʼahi ʼe tonu koa ke tou tuʼaniaʼi? [Tuku ke ina fai mai hana tali.] ʼE ʼaoga kia tatou te ʼu tokoni ʼaē ʼe tou maʼu ʼi te Tohi-Tapu. [Lau age ia Efeso 5:​3, 4.] ʼE fakahā e te nusipepa ʼaenī peʼe feafeaʼi hatatou hāo mai te tuʼutāmaki ʼaia.”