He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo Sūlio

“Lolotoga te ʼu taʼu e lauʼi afe ʼo te hisitolia ʼo te tagata, neʼe lahi te ʼu akonaki kehekehe neʼe tui kiai te hahaʼi. ʼI tau manatu, ʼe feala koa ke tou ʼiloʼi pe kofea te ʼu akonaki ʼaē ʼe moʼoni pea mo te ʼu akonaki ʼaē ʼe loi? [Tuku ke fai mai hana tali.] ʼE fakahā ʼi te nusipepa ʼaenī peʼe tou lava maʼu ʼifea te ʼu akonaki ʼaē ʼe leleiʼia e te ʼAtua.” Lau age ia 2 Timoteo 3:⁠16.

Réveillez-vous! ʼaho 22 ʼo Sūlio

“ ʼE tou lotomamahi mokā tou sio ki te ʼu mamahi ʼaē ʼe tau mo te hahaʼi ʼuhi ko te ʼu tuʼutāmaki ʼaē ʼe hoko ʼi te kele. [Koutou talanoa ki he meʼa neʼe hoko.] ʼI tau manatu ʼe ʼāʼāsili age koa te ʼu tuʼutāmaki ʼaia? [Tuku ke fai mai hana tali.] ʼE fakahā ʼi te nusipepa ʼaenī ia te tali ki te fehuʼi ʼaia. ʼE ina toe foaki mo te fakaloto fīmālie kiā nātou ʼaē neʼe kua puli honatou kāiga ʼi he tuʼutāmaki feiā.” Lau age ia Soane 5:​28, 29.

Te Tule Leʼo ʼaho 1 ʼAuk.

“Tokolahi ia ʼaho nei ʼe nātou manatu ʼe mole nātou maʼuhiga. ʼI tau manatu, koteā ʼapē he tokoni ʼe tou lava foaki age kiā nātou ʼaia? [Tuku ke fai mai hana tali.] ʼE fakahā ʼi te nusipepa ʼaenī ia te tokoni ʼaē ʼe foaki ʼi te Tohi-Tapu ki te hahaʼi ʼaia ke feala hanatou toe maʼu ia te fiafia.” Fakahā age te ʼu vaega faka Tohi-Tapu ʼaē ʼe tohi faka hipa ʼi te alatike “ ʼE Lava Tokoni Atu Te Tohi-Tapu Ke Koutou Maʼu Te Fiafia.”

Réveillez-vous! ʼaho 8 ʼo ʼAuk.

“Tokolahi te hahaʼi ʼe nātou mātataku tuʼumaʼu. ʼI tau manatu, he koʼe ʼe mātataku feiā te hahaʼi? [Tuku ke fai mai hana tali.] ʼE fakahā ʼi te nusipepa ʼaenī ia te ʼu tokoni ʼaoga moʼo puipui ia tatou mai te ʼu tuʼutāmaki ʼaē ʼe hoko ki te hahaʼi fuli. ʼE toe talanoa ki te fakapapau ʼe fakahā ʼi te Tohi-Tapu ʼo ʼuhiga mo he mālama ʼe mole toe ʼi ai anai te tuʼania.” Lau age ia Isaia 11:9.