Te Tali Ki ʼAkotou ʼu Fehuʼi

◼ Koteā te fakatuʼutuʼu lelei ʼe koutou lava fai moʼo tokoni ki te ʼu tēhina mo tuagaʼane fakaʼofaʼofa ʼo te ʼu fenua tai?

ʼI ʼihi temi, ʼe tou logo ʼe ʼaoga he ʼu meʼa ʼofa ki totatou ʼu tēhina mo tuagaʼane ʼo te tahi ʼu fenua, ʼuhi ko te ʼu fakataga, mo te tuʼutāmaki, peʼe ko he tahi age ʼu ʼaluʼaga. Ko ʼihi tēhina neʼe nātou momoli fakagahatonu te ʼu meʼa ʼofa ki te filiale ʼo te ʼu fenua ʼaia, ʼo kole ke fakaʼaogaʼi ia te falā moʼo tokoni ki he tēhina peʼe ko he tuagaʼane, ki he kokelekasio, peʼe ko he fakatuʼutuʼu ʼo he laga fale.​—2 Ko. 8:​1-4.

Ko te taʼi tokaga ʼofa ʼaia ʼe lelei, pea ʼi te agamāhani ʼe ʼi ai te tahi ʼu meʼa ʼe maʼua ke foimo fai he tokoni fakavilivili kiai, kae lagi mole ko te faʼahi ʼaia ʼaē neʼe manatu kiai ia ia ʼaē neʼe ina foaki ia te meʼa ʼofa. ʼI ʼihi ʼaluʼaga, neʼe kua foaki ia te tokoni ʼaē ʼe ʼaoga ki te faʼahi ʼaia. ʼE mahino ia, ʼe tou falala ʼe fakaʼaogaʼi fakalelei anai ia te ʼu meʼa ʼofa ʼaē neʼe foaki mai mokā momoli ki te filiale moʼo lagolago ki te gāue faka malamanei, mo te ʼu Meʼa ʼOfa Ki Te ʼu Fale ʼo Te Puleʼaga, peʼe ko te ʼu tuʼutāmaki ohage ko he mafuike peʼe ko he afā.

Neʼe akoako ia te ʼu tēhina ʼaē ʼi te ʼu filiale fuli ke tokoni fakavilivili mokā hoko he ʼu tuʼutāmaki fakapunamaʼuli. Kae ʼe fakahā e te filiale ia te ʼu faʼahi fuli ʼaia ki te Kolesi Pule. Kapau ʼe ʼaoga he tahi age tokoni, ʼe feala ke fakaafe e te Kolesi Pule ia te ʼu filiale ʼaē ʼe ōvi mai ki te filiale ʼaia, ke nātou tokoni peʼe foaki fakahagatonu e te Kolesi Pule ia te falā ʼaē ʼe ʼaoga moʼo tokoni.​—2 Ko. 8:​14, 15.

Koia, ko te ʼu meʼa ʼofa fuli ʼaē neʼe fakatuʼutuʼu maʼa te gāue faka malamanei, maʼa te ʼu fakatuʼutuʼu laga fale ʼi te tahi ʼu fenua, peʼe ko te ʼu tokoni meʼa ʼofa, ʼe tonu ke momoli ki te filiale ʼo te fenua ʼaē ʼe koutou nonofo ai, ʼo koutou foaki ki te kokelekasio peʼe foaki e koutou totonu. Ka tou fai feiā, pea ko “te tagata kaugana agatonu mo poto,” ʼaki te ʼu fakatuʼutuʼu ʼaē ʼe fai e te Kolesi Pule, ʼe tokaga fakalelei anai pea mo fakaʼaluʼalu fakalelei ia te ʼu meʼa ʼaē ʼe ʼaoga ki te ʼu tēhina mo tuagaʼane ʼo te malamanei kātoa.​—Mat. 24:45-​47, MN; 1 Ko. 14:33, 40.