He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Sān.

“Tokolahi te hahaʼi ʼe nātou manatu ʼe mole feala ke nofo agatonu he tahi mo kapau ʼe ina fia hikihiki tona tuʼulaga. ʼI tau manatu, ʼe moʼoni koa te faʼahi ʼaia? [Tuku ke fai mai hana tali.] ʼE au fia fakahā atu pe te faʼifaʼitaki ʼo ʼuhiga mo te faʼahi ʼaia. [Lau age ia te palakalafe 1 ʼi te pasina 25.] Neʼe mulimuli te finemui ki te tokoni ʼa Sesu iā Mateo 6:33. [Lau age te vaega.] ʼI tau manatu, neʼe lelei koa ke mulimuli te finemui ʼaenī ki te faitotonu?.”

Réveillez-vous! ʼo Sān.

“ ʼI te temi nei, ʼe tou maʼu te ʼu tuʼuga tokoni ʼo ʼuhiga mo te ʼu faʼahi kehekehe fuli. ʼI tau manatu ʼe feala koa ke tou falala ki te ʼu tokoni fuli ʼaia? [Tuku ke fai mai hana tali. Pea koutou lau age ia 2 Timoteo 3:16.] Ko te Réveillez-vous ! ʼaenī ʼe ina fakahā mai pe koʼe ʼe feala ke tou faka ʼuhiga te Tohi-Tapu ʼe ko te matapuna ʼo te poto ʼaē ʼe feala ke tou falala kiai.” Fakahā age te ʼalatike ʼaē ʼe kamata ʼi te pasina 18.

Te Tule Leʼo ʼaho 1 ʼo Fep.

“ ʼI te ʼu taʼu pe ʼaenī, tokolahi te hahaʼi ʼe nātou fia ʼiloʼi lelei te kau ʼāselo. Neʼe mole heʼeki ke feʼekeʼaki koa peʼe ko ai te kau ʼāselo pea koteā tonatou ʼaoga kiā tatou? [Tuku ke fai mai hana tali. Pea koutou lau age ia Pesalemo 34:7.] ʼE talanoa ʼi te nusipepa ʼaenī ki te ʼu gāue ʼa te kau ʼāselo, ohage ko tona fakahā ʼi te Tohi-Tapu, ia te ʼu gāue ʼaē neʼe nātou fai ʼi te temi muʼa, mo te temi nei, pea mo te temi ka haʼu.”

Réveillez-vous! ʼo Fep.

“Tokolahi iā tatou ʼaē kua mātutuʼa tatatou ʼu mātuʼa peʼe ko tatatou ʼu kaumeʼa, ʼe tou fia ʼiloʼi peʼe tou lava tokoni feafeaʼi kiā nātou ke nātou fiafia ʼi tonatou temi matuʼa. Koteā tau manatu ʼo ʼuhiga mo te faʼahi ʼaia? [Tuku ke fai mai hana tali.] ʼE fakahā mai ʼi te nusipepa ʼaenī te ʼu meʼa ʼaē ʼe feala ke tou fai ke nātou fiafia ʼi tonatou temi matuʼa. ʼE toe fakamahino ai peʼe hoko feafeaʼi anai te lea faka polofeta ʼaenī.” Lau age ia Sopo 33:25.