He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Sān.

“ ʼE ke ʼiloʼi koa ʼi te Tohi-Tapu, ʼe talanoa ai ki he ʼu fakatuʼuake kehekehe? [Tuku ke fai mai hana tali pea kotou lau age ia 1 Tesalonika 4:16.] ʼE ke fakatokagaʼi ko ʼihi ʼe ʼuluaki fakatuʼuake. Ko tona faka ʼuhiga ʼe ʼi ai anai ʼihi kā fakatuʼuake ki muli age. ʼE fakamahino ʼi te nusipepa ʼaenī, pe ko ai te hahaʼi ʼaia kā fakatuʼuake pea koteā te ʼu fakatuʼuake kehekehe ʼaia.”

Réveillez-vous! ʼo Sān.

“ ʼE ke fakatokagaʼi ʼe tokolahi te hahaʼi ʼe natou ʼui ko he kau Kilisitiano kae ʼe mole natou maʼuliʼi te ʼu akonaki ʼa Sesu? [Tuku ke fai mai hana tali.] Ohagē lā, tokolahi ʼe mole natou muliʼi te ʼu palalau ʼaenī ʼa Sesu. [Lau age ia Soane 13:35.] ʼE fakahā ʼi te ʼalatike ʼaenī te kehekehe ʼo te akonaki ʼa Sesu pea mo te manatu ʼa te hahaʼi tokolahi ʼaē ʼe natou ʼui ko he kau Kilisitiano.” Fakahā tāfito age te ʼalatike ʼaē ʼe kamata ʼi te pāsina 18.

Te Tule Leʼo ʼaho 1 ʼo Fep.

“Tokolahi te hahaʼi ʼe natou manatu ko te ʼAtua ʼe mole tokaga kiā tātou. He koʼē ʼe natou manatu fēia? [Tuku ke fai mai hana tali.] Kotou tokagaʼi he manatu e tahi ʼe tuʼu ʼi te nusipepa. [Lau age ia te palakalafe 5 ʼo te pāsina 3, pea mo Sakopo 1:13.] Ko te ʼAtua ʼe tokaga moʼoni kiā tātou. ʼE ko he akonaki ʼi te ʼu akonaki moʼoni ʼo te Tohi-Tapu. ʼE fakamahino ʼi te ʼalatike ʼaenī ʼihi akonaki ʼo te ʼu akonaki ʼaia.”

Réveillez-vous! ʼo Fep.

“ ʼE hagē kua fetogi te ʼu manatu ʼa ʼihi hahaʼi ʼo ʼuhiga mo te ʼu lotu. ʼI tau manatu, kua puli koa ia te takitaki ʼa te ʼu lotu? [Tuku ke fai mai hana tali.] ʼE hā ʼi te ʼu palalau ʼaenī ʼa te ʼapositolo ko Paulo ia te tupuʼaga ʼaē ʼo te mole kei falala ʼa ʼihi ki te lotu. [Lau age ia Gaue 20:​29, 30.] ʼE fakahā ʼi te ʼalatike ʼaenī te manatu ʼi te Tohi-Tapu ʼo ʼuhiga mo te kā haʼu ʼo te Lotu Faka Kilisitiano.”