He ʼu Manatu ʼo ʼUhiga Mo Te ʼu Nusipepa

Te Tule Leo ʼaho 1 ʼo Maio

“ ʼI te mālama ʼaenī kā felāveʼi he taumātuʼa mo he ʼu fihifihia, ko te puleʼaki pē kiai ke nā māvete. ʼE lahi te ʼu fenua, kua lahi ʼaupitō ai ia te māvete ʼa te ʼu taumātuʼa. Neʼe kua kotou feʼekeʼaki koa pe koʼē ʼe fēia? [Tuku ke fai mai hana tali. Pea kotou lau age ia Mateo 19:6.] ʼE fakamahino ʼi te nusipepa ʼaenī peʼe feafeaʼi he tekeʼi e te ʼu taumātuʼa ia te faʼahi ʼaia.” Fakahā age ia te ʼalatike ʼaē ʼe kamata ʼi te pāsina 19.

Réveillez-vous! ʼo Maio

“ ʼI tau manatu kua fakatuʼutuʼu fakatomuʼa koa e te ʼAtua ia tatatou ʼu gāue pea mo te gataʼaga ʼo totatou maʼuli? [Tuku ke fai mai hana tali.] ʼI te vaega faka Tohi-Tapu ʼaenī, ʼe tuku e te ʼAtua ki te hahaʼi ke natou filifili ia te faʼahiga maʼuli ʼaē ʼe natou loto kiai. [Lau age ia Teutalonome 30:19.] ʼE fakahā ʼi te ʼalatike ʼaenī te manatu ʼaē ʼi te Tohi-Tapu ʼo ʼuhiga mo te faʼahi ʼaia.” Fakahā age te ʼalatike ʼaē ʼe kamata ʼi te pāsina 12.

Te Tule Leʼo ʼaho 1 ʼo Sūnio

“ ʼE teitei pē ʼi te ʼaho fuli ʼe tou logo ʼi te ʼu tala logo ʼe talanoa ai kiā nātou ʼaē neʼe natou fai te ʼu aga ʼe kovi. [Talanoa ki he meʼa neʼe hoko ʼi te kolo.] Neʼe kua ke feʼekeʼaki koa peʼe ʼi ai he meʼa fakapulipuli ʼe ina uga te hahaʼi ke natou agakovi? [Tuku ke fai mai hana tali. Pea kotou lau age ia Fakahā 12:12.] ʼE fakamahino ʼi te nusipepa ʼaenī peʼe feafeaʼi hatatou lava puipui ʼo tātou mai te ʼu faʼahi ʼaia.”

Réveillez-vous! ʼo Sūnio

“ ʼE au fia ʼiloʼi tau manatu ʼo ʼuhiga mo te vaega ʼaenī. [Lau age ia Timoteo 6:10.] ʼI tau manatu ʼe maʼuli mamahi moʼoni koa ia nātou ʼaē ʼe māʼuʼuli pē moʼo maʼu ia te falā pea mo te ʼu koloa? [Tuku ke fai mai hana tali.] ʼE fakamahino ʼi te nusipepa ʼaenī te ʼu fua kovi ʼo te fia fai koloa.”