He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Maio

“ ʼE tui ʼihi, ko totatou kā haʼu kua hinoʼi fakatomuʼa, pea ko ʼihi ʼi tanatou manatu ʼe fakalogo pē kiā tātou te faʼahi ʼaia. Koteā tau manatu kiai? [Tuku ke fai mai hana tali.] Tokagaʼi age muʼa te manatu maʼuhiga ʼaenī. [Lau age ia Tagata Tānaki 9:11.] Ko te ʼalatike ʼaenī, ʼe talanoa ki te tali ʼa te Tohi-Tapu ki te fehuʼi ʼaenī: ‘Kua ʼosi fakatuʼutuʼu fakatomuʼa koa totatou maʼuli?’ ” Fakahā age te ʼalatike ʼo te pāsina 4.

Réveillez-vous! ʼo Maio

“Ko ʼihi ʼe natou fai fakamafola mo kapau ʼe leleiʼia tātou e te ʼAtua, pea ʼe ina foaki mai anai ni ʼu koloa. Kae lagi ʼe ke ʼiloʼi ni hahaʼi agalelei kae ʼe māʼuʼuli māsisiva. ʼI tau manatu lā, ʼe loto koa e te ʼAtua ke tou maʼu koloa? [Tuku ke fai mai hana tali. Pea kotou lau age ia Hepeleo 13:5.] Ko te ʼalatike ʼaenī, ʼe ina fakamahino peʼe feafeaʼi te tapuakiʼi ʼo tātou e te ʼAtua.” Fakahā age te ʼalatike ʼo te pāsina 12.

Te Tule Leʼo ʼaho 1 ʼo Sūnio

“ ʼI tau manatu, koteā ʼaē ʼe feala ai ke faigataʼa ki he tahi hana tui ki te ʼAtua? [Tuku ke fai mai hana tali.] ʼI te vaega ʼaenī, ʼe maʼuhiga ia te tui. [Lau age ia Hepeleo 11:6.] Ko te nusipepa ʼaenī, ʼe talanoa kiā faʼahi e fā ʼe feala ke fakamālohiʼi tatatou tui.”

Réveillez-vous! ʼo Sūnio

“Lagi ʼe ke ʼiloʼi pē, ko te hahaʼi ʼe natou fihi ʼaupitō peʼe lelei peʼe kovi ia te fakatō fatu. ʼI tau manatu, ʼe feala koa ki te Tohi-Tapu ke tokoni ki he tahi ke ina ʼiloʼi ia te meʼa ʼaē ʼe tonu ke ina fai ʼo ʼuhiga mo te faʼahi ʼaia? [Tuku ke fai mai hana tali. Pea kotou lau age ia 2 Timoteo 3:16, 17.] Ko te nusipepa ʼaenī, ʼe ina fakahā mai ia te manatu ʼa te Tohi-Tapu ʼo ʼuhiga mo te fakatō fatu.”