KAPITE 02

ʼE ʼi Ai Te ʼAmanaki Taulekaleka

Pepa

ʼE tau te hahaʼi mo he ʼu aluʼaga fakalotomamahi pea mo natou lotohoha. Kae ʼe feafeaʼi kia koe? Neʼe kua ke tau koa mo he aluʼaga feia? ʼE lagi ʼe ke tau mo he mahaki peʼe neʼe mate he tahi ʼe ke ʼofa mamahi ai ʼo ke feuiʼaki leva: ‘ʼE gata anai koa ʼi he ʼaho te mamahi?’ ʼE ke fiafia anai te maʼu tona tali ʼi te Tohi-Tapu.

1. Kotea te ʼamanaki ʼaia?

ʼE fakaha ʼi te Tohi-Tapu pe koʼe ʼe lahi te ʼu fihifihia ʼe tou tau mo ia. Kae ʼe toe fakaha ai foki kua vave pulihi ia te ʼu fihifihia ʼaia. ʼE fakapapau mai ʼi te Tohi-Tapu ʼe foaki anai ki te tagata ‘he apogipogi mo he ʼamanaki ʼe lelei.’ (Lau ia Selemia 29:11, 12.) Koia, ʼe tou lava tauʼi ʼotatou fihifihia pea mo maʼuli fiafia ʼuhi ko tatatou iloʼi ʼae ʼe ʼi ai totatou ʼamanaki.

2. ʼE feafeaʼi anai te ka haʼu?

ʼE ui ʼi te Tohi-Tapu “ʼe mole toe ʼi ai anai te mate, mo te putu, mo te lauga pea mo te mamahi.” (Lau ia Fakaha 21:4.) ʼE pulihi anai te ʼu fihifihia fuli ʼe tou tau mo ia, ohage la ko te masiva, te ʼu aga heʼe faitotonu, te mahaki pea mo te mate. ʼE fakapapau mai ʼi te Tohi-Tapu ʼe maʼuli fiafia anai te tagata ʼo heʼe gata ʼi te kele.

3. He koʼe ʼe ke tui papau ʼe hoko moʼoni anai te ʼu fakapapau ʼaia?

Tokolahi ʼe natou fakaʼamu ke hoko he ʼu aluʼaga fakafiafia kae mole pe la natou iloʼi pe ʼe hoko moʼoni. Kae ʼe tou iloʼi ko te ʼu fakapapau ʼae ʼi te Tohi-Tapu ʼe hoko moʼoni anai. Kapau ʼe tou fia iloʼi lelei te faʼahi ʼaia, ʼe tonu ke tou “vakavakaʼi fakalelei te ʼu Tohi Taputapu.” (Gaue 17:11) Koia kapau ʼe ke fai feia, ʼe ke tui anai ki te ʼu fakapapau ʼae ʼi te Tohi-Tapu ʼo ʼuhiga mo te ka haʼu.

TA FAKALOLOTO

Ta vakaʼi pe ʼe feafeaʼi anai te maʼuli moka hoko te ʼu fakapapau, pea he koʼe ʼe ʼaoga te ʼamanaki kia tatou ia ʼaho nei.

Te ʼu pāki: Te ʼu pāki ʼo te maʼuli ʼa te hahaʼi ia ʼaho nei pea mo te maʼuli ʼi te ka haʼu ʼae fakapapauʼi mai e te ʼAtua. ʼE tou vakaʼi te ʼu pāki ʼaia.

4. ʼE fakapapauʼi mai ʼi te Tohi-Tapu he maʼuli fiafia mo heʼe gata

Ta vakaʼi te ʼu fakapapau ʼae ʼe hoa mai ʼi te Tohi-Tapu. Ko te fakapapau fea la ʼae ʼe ke fakaʼamu ke hoko? Kotea tona tupuʼaga?

Lau te ʼu vaega ʼae ʼe tuʼu ʼi lalo ifo, pea fai te ʼu fehuʼi ʼaeni:

Kotea la ʼae ʼe fakapapauʼi mai ʼi heni? Pea ʼe ʼaoga koa ke toe iloʼi e tou famili mo ʼou kaumeʼa te ʼu faʼahi ʼaeni?

Fakafuafua age muʼa koe he malama

ʼE MOLE HE TAHI . . .	ʼE TOU FIAFIA FULI ANAI . . .
ʼe mamahi anai, mo matuʼa anai pea mo mate.—Esaia 25:8.	ʼi te toe fakatahi mo ʼotatou famili ʼae ka fakatuʼuake.—Soane 5:28, 29.
ʼe mahaki anai mo maʼimoa.—Esaia 33:24; 35:5, 6.	ʼi te maʼu ʼo he maʼuli malolo ʼe lelei pea mo te malohi.—Sopo 33:25.
ʼe tau anai mo ni aga heʼe faitotonu.—Esaia 32:16, 17.	ʼi te maʼu ʼo he meʼa kai ʼe lahi, mo he ʼapi matalelei, mo he gaue ʼe tou leleiʼia.—Pesalemo 72:16; Esaia 65:21, 22.
ʼe maʼuli mamahi anai ʼuhi ko te tau.—Pesalemo 46:10.	ʼi te maʼuli tokalelei.—Pesalemo 37:11.
ʼe lotomamahi anai ʼuhi ko he ʼu manatu fakalotovaivai.—Esaia 65:17.	ʼi te maʼuli ʼo heʼe gata.—Pesalemo 37:29.

Ko he kiʼi toe neʼe mahaki pea kua lelei leva tona mahaki pea ʼe faʼufua ki tana faʼe.

Ko he tagata kua matuʼa, kua liliu leva ʼo tupulaga pea ʼe ina toho he pulueti ʼe fonu ko te ʼu fuaʼi ʼakau kehekehe.

5. ʼE ke fiafia anai ʼuhi ko te ʼu fakapapau

Tokolahi ʼe natou lotovaivai mo iita ʼuhi ko te ʼu fihifihia ʼae ʼe hoko ʼi te malamanei. ʼE faiga ʼihi ke natou fakatokatoka te ʼu aluʼaga ʼaia. ʼE ke tokagaʼi anai te fiafia neʼe maʼu e he fafine ʼi tana iloʼi ʼae ʼe gata anai te ʼu aluʼaga ʼaia. Vakaʼi te ʼATA VITEO, pea fai te ʼu fehuʼi ʼaeni:

ʼATA VITEO: Neʼe Au Tauʼi Te Heʼe Faitotonu (4:07)

Te ʼu pāki: Te ʼu pāki ʼo te ʼata viteo ‘Je voulais combattre l’injustice.’ 1. Ko Rafika ʼi tana kei veliveli, ʼe tae vavae mo te hahaʼi ʼo tona fenua. 2. ʼE fiafia ia Rafika ʼi tana sio ki te felogoi lelei ʼa te hahaʼi mai te ʼu fenua kehekehe ʼi tana ʼuluaki kau ki he fakatahi lahi ʼa te Kau Fakamoʼoni ʼa Sehova.

He koʼe neʼe mamahi ia Rafika?
Logo la neʼe kei hoko atu pe te aga fakapalatahi, kae kotea ʼae neʼe tokoni ki ai?

Ka tou tui ki te ʼamanaki ʼae ʼe fakapapauʼi mai ʼi te Tohi-Tapu, ʼe tou lava tauʼi anai te lotovaivai mo ʼotatou fihifihia. Lau ia Taaga Lea 17:22 mo Loma 12:12, pea fai te ʼu fehuʼi ʼaeni:

ʼE ʼaoga koa te ʼu manatu ʼaeni kia koe? Kotea tona tupuʼaga?

ʼE UI E ʼIHI: “Ko te ʼu fakapapau ʼae ʼi te Tohi-Tapu ʼe ko he moemisi ia.”

He koʼe ʼe lelei ke ke vakaʼi tonu pe ʼe tala e te Tohi-Tapu te moʼoni?

MANATU TAFITO

ʼE lahi te ʼu fakapapau ʼi te Tohi-Tapu ʼo ʼuhiga mo he ka haʼu fiafia. Ka tou tui ki ai, ʼe tou lava tauʼi te ʼu fihifihia.

Fehuʼi Fakamanatu

He koʼe ʼe tonu ke tou iloʼi te ʼu fakapapau ʼa te ʼAtua?
Kotea ʼe fakapapauʼi mai ʼi te Tohi-Tapu?
He koʼe ʼe ʼaoga te ʼamanaki kia koe ia ʼaho nei?

Taku Fakatuʼutuʼu

Toe lau te ʼu vaega ʼo te kapite ʼaeni ke au tui ki te ʼu fakapapau ʼo te Tohi-Tapu.

Te tahi fakatuʼutuʼu:

Your other goal

TE TAHI ʼU MANATU

ʼE talanoa te ʼu alatike ki te ʼaoga ʼo te ʼamanaki.

“L’espoir : où le trouver ?” (Réveillez-vous !, 22 avril 2004)

ʼE fiafia he tahi ʼe tau mo he mahaki faigataʼa moka tui ʼe ʼi ai he ʼamanaki.

“’E ’Aoga Mai Koa Te Tohi-Tapu Moka Tou Tau Mo He Mahaki Tausino?” (Alatike ʼi te jw.org)

Ka ke sioʼi te ʼata viteo ʼaeni, pea ke fakakaukauʼi ʼe ke ʼi te Palatiso mo tou kiʼi famili.

Fakakaukauʼi Te ʼAho ʼAia (3:37)

Lau te fakamatala ʼo he tahi neʼe kau ki he kautahi ʼe ina tauʼi te gaohi koviʼi ʼo te ʼu manu pea neʼe fetogi tona maʼuli ʼi tana iloʼi te ʼu fakapapau ʼa te ʼAtua.

“Je ne pense plus devoir changer le monde” (Ko Te Tule Leʼo (Fakafalani) ʼaho 1 ʼo Sulio 2013)