ʼE Tapuʼi Koa e Te Kau Fakamoʼoni ʼa Sehova ʼIhi ʼu Fakafiafia?

Kailoa. ʼE mole sivisivi e tamatou kautahi te ʼu ʼata, peʼe ko te ʼu tohi peʼe ko te ʼu hiva ʼae ʼe tonu ke matou fakaʼaogaʼi. Kotea tona tupuʼaga?

ʼI te Tohi-Tapu, ʼe fakalotomalohiʼi ia te tagata takitahi ke ina fakamamahani ʼi te “iloi kehekehe” ia te meʼa ʼae ʼe lelei pea mo ʼae ʼe kovi.—Hepeleo 5:14.

ʼE maʼu ʼi te Tohi-Tapu te ʼu pelesepeto ʼe tokoni anai ki he Kilisitiano ke ina filifili fakalelei he fakafiafia.a ʼI te ʼu aluʼaga fuli ʼo totatou maʼuli, ʼe tonu ke tou faigaʼi ke tou haga vakaʼi te meʼa ʼae ʼe lelei ki te ʼAliki.​—Efeso 5:10.

ʼE akoʼi mai ʼi te Tohi-Tapu, ʼe ko te pule famili ʼae ʼe ina takitaki tona kiʼi famili, pea ʼe feala ke ina tapuʼi ki tona kiʼi famili he fakafiafia. (1 Kolinito 11:3; Efeso 6:1-4) Kaʼe ʼi tuʼa leva ʼo te famili, ʼe mole feala ki he tahi ke ina tapuʼi ki te kokelekasio te sioʼi ʼo he ʼu ʼata, peʼe ko te fakalogo ʼo he ʼu hiva.​—Kalate 6:5.