Tufa Makehe ʼi Novepeli Moʼo Tala Te Puleʼaga ʼo Te ʼAtua

Neʼe tala e Sesu “te logo lelei ʼo te Puleʼaga ʼo te ʼAtua.” (Luk 4:43) Neʼe ina toe akoʼi ki te hahaʼi ke natou faikole ke hoko mai te Puleʼaga ʼaia. (Mat 6:9, 10) ʼI Novepeli, ʼe tou faiga tafito anai ke tou tala te Puleʼaga ʼo te ʼAtua. (Mat 24:14) Koia, ke ke fakatuʼutuʼu lelei tau polokalama ke feala ai hau kau lahi ki te tufa ʼaia. ʼI te mahina ʼaia, ʼe feala anai ki te kau pionie vaeluaʼi temi ke natou filifili ke natou fai ni hola ʼe 30 peʼe 50.

Lau he vaega Tohi-Tapu ʼo ʼuhiga mo te Puleʼaga ʼo te ʼAtua ki te hahaʼi fuli ʼae ʼe feala ke ke maʼu ʼi tau telituale. Ka ke teuteuʼi he vaega, manatuʼi te lotu ʼo natou ʼae ka ke felaveʼi anai mo natou. Kapau ʼi tau faifakamafola ʼe fia logo he tahi, foaki age Te Tule Leʼo ki te tufa N° 2 ʼo te taʼu 2020. Pea foimo liliu ʼo ʼaʼahi ia ia. Faiga ke ke kamata he ako Tohi-Tapu ʼaki he tohi ako. Kua vave pulihi pe e te Puleʼaga ʼo te ʼAtua te ʼu puleʼaga fuli ʼae ʼe fakafeagai ki ai. (Tan 2:44; 1Ko 15:24, 25) Koia ʼae, tou fakaʼaogaʼi lelei te faigamalie makehe ʼaia ke tou fakaha tatatou agatonu kia Sehova pea mo tona Puleʼaga!