Kotea ʼAe ʼe Ui ʼi Te Tohi-tapu?

ʼE tali koa e te ʼAtua te ʼu faikole fuli?

KOTEA TAU MANATU?

• ʼE tali ki te ʼu faikole ʼa te hahaʼi fuli

• ʼE tali pe ki te ʼu faikole ʼa ʼihi

• ʼE mole tali ki te ʼu faikole ʼa he tahi

ʼE UI ʼI TE TOHI-TAPU

“E ovi [ia Sehova] kia natou fuli . . . ae e fetapa kia ia i te mooni.”—Pesalemo 145:18.

KOTEA ʼAE ʼE TOE UI ʼI TE TOHI-TAPU?

• ʼE mole fakalogo e te ʼAtua te ʼu faikole ʼa natou ʼae ʼe agatuʼu kia te ia. (Esaia 1:15) Kaʼe, ʼe feala ke “talaga” mo natou ʼae e natou fetogi tonatou faʼahiga maʼuli.—Esaia 1:18.

• Ke tali e te ʼAtua he faikole, ʼe tonu ke tou fakaalu tahi totatou maʼuli mo te ʼu faʼahi ʼae ʼe ina kole mai ke tou fai, ʼae ʼe tuʼu ʼi te Tohi-Tapu. —1 Soane 5:14.

ʼE tonu ke feafeaʼi tatatou faʼahiga faikole?

KO ʼIHI HAHAʼI ʼE NATOU MANATU ʼe tonu ke natou tuʼutuli, mo punou pea mo ʼukuma moka natou faikole. Kotea la tau ia manatu?

ʼE UI ʼI TE TOHI-TAPU

Neʼe tali e te ʼAtua ki te ʼu faikole ʼa natou ʼae neʼe ‘heheka’ peʼe “tutuu” peʼe ko natou ʼae neʼe “tulolo” peʼe “tuutuli.” (1 Koloniko 17:16; 2 Koloniko 30:27; Esetalasi 10:1; Gaue 9:40) ʼE mole ina fakamaʼua mai ia he faʼahiga faikole kia te ia.

KOTEA ʼAE ʼE TOE UI ʼI TE TOHI-TAPU?

• ʼE fagono te ʼAtua kia natou ʼae ʼe agavaivai. —Pesalemo 138:6.

• Kotou faikole ʼi he faʼahiga lea pe peʼe kotou faikole fakalogologo.—2 Koloniko 6:32, 33; Neemia 2:1-6.