Fakamanatu ʼo Te Ako Fakateokalatike

Ko te ʼu fehuʼi ʼaenī ʼo te fakamanatu, ʼe vakaʼi anai ʼi te Ako Fakateokalatike lolotoga te vāhaʼa ʼaē ʼe kamata ʼi te ʼaho 27 ʼo ʼAukusitō 2012. Ko te ʼaho ʼaē neʼe fakatuʼutuʼu ke gāueʼi ai ia te ʼu puani takitahi ki te fakamanatu ʼe kau anai ki te fai palalau.

1. Koteā te fakaʼuhiga ʼo te fakakikite ʼaē neʼe hā kiā Esekiele ʼo ʼuhiga mo Suta ʼapositā? Koteā te ako maʼuhiga ʼe tou maʼu mai ai? (Esk. 8:15-17) [2 Sūlio, w07 1/7 p. 9 pal. 6; w93 15/1 pp. 27-28 pal. 7, 12]

2. He koʼē ʼe feala ke tou ʼui ko te tokolahi ʼi te kau takitaki lotu ʼe natou faʼifaʼitakiʼi ia te kau polofetā loi ʼo te temi ʼo Esekiele? (Esk. 13:3, 7) [9 Sūlio, w99 1/10 p. 13 pal. 14-15]

3. ʼI te lea fakapolofetā ʼaē iā Esekiele 17:22-24, ko ai te “kii vaa foou”? Koteā te fakaʼuhiga ʼo te “mouga maoluga” ʼaē neʼe hiki kiai ia te kiʼi vaʼa foʼou pea ʼe liliu feafeaʼi anai ko “he sete matalelei”? [16 Sūlio, w07 1/7 pp. 8-9 pal. 7]

4. ʼO mulimuli ki te tāʼaga lea ʼaē ʼe fakamatala iā Esekiele 18:2, ko ai ʼaē neʼe tukugākoviʼi e te hahaʼi neʼe ʼaunofo mo Esekiele ʼo ʼuhiga mo ʼonatou mamahi? Pea koteā te ako maʼuhiga ʼe feala ke tou maʼu mai te fakamatala ʼaia? [23 Sūlio, w88-F 15/9 p. 18 pal. 10]

5. ʼE fakahā feafeaʼi ʼi te ʼaluʼaga ʼaē ʼe tuʼu iā Esekiele 21:18-22, ʼe mole feafeala ke tāʼofi e te tagata peʼe ko te kau temonio ia te fakatuʼutuʼu ʼa Sehova? [30 Sūlio, w07 1/7 p. 10 pal. 4]

6. Iā Esekiele 24:6, 11, 12, koteā ʼaē ʼe fakatātā e te ukaukamea ʼo te kulo? Pea koteā te pelesepeto ʼaē ʼe tou maʼu ʼi te vaega 14? [6 ʼAuk., w07 1/7 p. 10 pal. 2]

7. Neʼe hoko feafeaʼi ia te lea fakapolofetā ki te kolo ʼo Tile? [6 ʼAuk., it-1-F p. 74, mo te fakamatala ʼaē ʼe ʼātakai p. 75; si-F p. 133 pal. 4]

8. Koteā te ʼu kupu ʼaē ʼe fakaʼuhiga tahi iā Esekiele 28:2, 12-17 ki “te hau o Tile” pea mo ia ʼaē neʼe ʼuluaki fakafeagai kiā Sehova, ia Satana? [13 ʼAuk., w05 15/10 pp. 23-24 pal. 10-14, it-2-F p. 550 pal. 3-4]

9. Neʼe ko te temi fea ʼaē neʼe tuʼu lāvaki ai ia Esipito iā taʼu e 40, pea he koʼē ʼe tou tui papau ai ko te tuʼu lāvaki ʼaia neʼe hoko moʼoni? (Esk. 29:8-12) [13 ʼAuk., w07 1/8 p. 18 pal. 5]

10. Neʼe tali feafeaʼi e Esekiele ki tona meʼa noaʼi, pea mo te mole fia logo ʼa te hahaʼi ki ai? Pea koteā te fakalotomālohi neʼe foaki age e Sehova ki ai? (Esk. 33:31-33) [20 ʼAuk., w91-F 15/3 pp. 16-17 pal. 16-17]