Ñi dee, fan lañu nekk?

Ndax mas nga am mbokk walla xarit bu gaañu? Boo masee am naqar bu mel noonu, xéyna laaj nga sa bopp lii: ‘Ñi dee, fan lañu nekk walla ci lan lañu nekk? Ndax am nañu yaakaaru gisaat suñu mbokk yi dee?’ Ci lesoŋ bii ak bi ci topp, xoolal tontu yuy dëfal xol yi ci Biibël bi joxe.

1. Ñi dee, ci lan lañu nekk?

Yeesu dafa méngale dee ak nelaw yu xóot. Nit kuy nelaw, nelaw yu xóot yëgatul dara ci liy xew ci wetam. Ci naka la dee niroo ak nelaw? Bu nit deewee, dootul yëgati benn metit te nekkatul ci coono. Biibël bi nee na: «Ku dee xamul dara» (Jàngal Kàdduy Waare 9:5).

2. Xam dëgg gi ci ñi dee, ban njariñ la ñuy amal?

Nit ñu bare dañu ragal dee, ñenn ñi sax ragal ñi dee ba pare! Waaye li Biibël bi wax ci ñi dee, mën na laa dëfal. Yeesu waxoon na ne: «Dëgg gi dina leen goreel» (Yowaana 8:32). Ci diine yu bare, dañuy jàngale ne bu nit deewee, am na luy génn ci moom dem dundi feneen. Waaye Biibël bi waxul loolu. Ndegam ku dee xamul dara, kon nit ñi dee yëgatuñu benn metit. Mënuñu def itam kenn lu bon. Kon soxlawul ñu leen di jéem a giifal, di leen saraxal walla di leen ñaanal.

Am na ñu naan mën nañu wax ak nit ñi dee. Waaye loolu mënul nekk. Ni ñu ko jànge léegi, ku dee «xamul dara.» Ñi foog ne dañuy wax ak ñi dee, ci dëgg malaaka yu bon yi lañuy waxal. Malaaka yooyu dañu bëgg ñu jaawale leen ak ñi dee. Kon xam dëgg gi ci ñi dee, dafa ñuy aar ci malaaka yu bon yi. Yexowa tere na ñu, ñuy jéem a wax ak ñi dee ndaxte dafa xam ne, jéem a jokkoo ak malaaka yu bon yi dina ñu lor (Jàngal Baamtug Yoon wi 18:10-12).

3. Fan la ñi dee nekk?

Lu jëm ci laaj boobu, li nit ñi gëm bare na te wuute. Waaye nag, loolu lépp mënul a doon dëgg.

• Fi nga dëkk, lan la nit ñi gëm?

WIDEO: Lan mooy dal nit bu deewee? (Xaaj) (1:19)

Jàngal Kàdduy Waare 3:20. Boo paree, nga tontu ci laaj yii di topp:

• Ni ko aaya bi wone, fan la ñi dee nekk?

• Ndax bu nit deewee, am na luy génn ci moom dem dundi feneen?

Biibël bi wax na ci li xewoon bi Lasaar xaritu Yeesu deewee. Booy jàng Yowaana 11:11-14, seetlul li Yeesu wax ci deewu Lasaar. Boo paree, tontul ci laaj yii:

• Lan la Yeesu méngale ak dee?

• Loolu lan la ñuy jàngal ci ñi dee?

• Lan nga xalaat ci li Biibël bi wax ci ñi dee?

4. Xam dëgg gi ci ñi dee, dafa ñuy amal njariñ

Xam dëgg gi ci ñi dee, dafay tax dootuñu ragal dee. Jàngal Kàdduy Waare 9:10. Boo paree, nga tontu ci laaj bii di topp:

• Ndax ñi dee mën nañu ñoo lor?

Bu ñu nangoo dëgg gi ñu Biibël bi wax, dootuñu gëm njàngale yu dul dëgg yiy naan dañu war a giifal ñi dee walla di leen saraxal. Jàngal Esayi 8:19 ak Peeñu 4:11. Boo paree, nga tontu ci laaj bii di topp:

• Ci sa xalaat, naka la Yexowa gisee nit ñiy saraxal ñi dee walla di wut seen ndimbal?

5. Xam dëgg gi ci ñi dee, dafay dëfal suñu xol

Nit ñu bare, dañu leen jàngal ne bés bu ñu deewee, Yàlla dina leen mbugël ndax jëf yu bon yi ñu doon def. Waaye xam ne ñi dee nekkuñu ci metit ak lu bon lu ñu mënoon a def bi ñuy dund, loolu dafa ñuy dëfal. Jàngal Room 6:7. Boo paree, nga tontu ci laaj bii di topp:

• Ni ñu ko jànge ci Biibël bi, ku dee bàkkaar mënatul dara ci moom, maanaam wàccoo na ak ay bàkkaaram. Kon ndax foog nga ne, ñi dee dinañu leen mbugël ndax bàkkaar yi ñu defoon bala ñuy dee?

Lu ñuy gën di xam Yexowa, ñuy gën a nànd ne Yexowa du mas a mbugël mukk nit ku dee. Jàngal Baamtug Yoon wi 32:4 ak 1 Yowaana 4:8. Boo paree, nga tontu ci laaj yii di topp:

• Ndax Yàlla ju am jikko yu rafet yi ñu jàng ci aaya yooyu, dina nangoo mbugël nit ñi dee?

• Ndax gisuloo ne, xam dëgg gi ci ñi dee dafay dëfal xol? Lu tax?

NAÑU TËNK

Ki dee, dundatul. Ñi dee nekkuñu ci metit te mënuñu lor nit ñiy dund.

Nañu fàttaliku

• Ñi dee, fan lañu nekk?

• Xam dëgg gi ci ñi dee, ban njariñ la ñuy amal?

• Xam dëgg gi ci ñi dee, naka lay dëfale suñu xol?

GËSTUL

Xoolal ci Biibël bi, li «ruu» tekki dëgg.

«Lan mooy ruu?» (Ci jw.org la nekk)

Xoolal ndax Yàlla dafay lakk ñu bon ñi ci safara.

Ndax ci dëgg safara am na? (3:07)

Ndax war nañu ragal nit ñi dee?

Ndax ñi dee mën nañu ñu dimbali walla lor ñu? Ndax ñi dee ñu ngi dund ba tey? (téere bu ndaw)