Wetin Na di Minin ɔf Layf?

Di Baybul in ansa

Bɔku we de fɔ aks wetin na di minin ɔf layf. Sɔm pan dɛn we dɛn de na, Wetin mek wi de ya? ɔ Mi layf gɛt minin? Di Baybul sho se di rizin we mek Gɔd mek wi na fɔ lɛ wi gɛt padi biznɛs wit am. Lɛ wi lan bɔt sɔm pan dɛn tru tin dɛn de we de insay di Baybul.

• Na Gɔd mek wi. Di Baybul se: Na PAPA GƆD . . . mek wi, so nɔto wi gɛt wisɛf.”​—Sam 100:​3; Rɛvɛleshɔn 4:​11.

• Gɔd gɛt rizin we mek i mek wi ɛn ɔl ɔda tin.​—Ayzaya 45:​18.

• Gɔd mek wi di kayn we, we mek wi no se wi “nid fɔ lan” bɔt am ɛn fɔ faynd awt wetin na di minin ɔf layf. (Matyu 5:​3) I want wi fɔ sabi di ansa to da kwɛstyɔn de.​—Sam 145:​16.

• Wi go sho se wi want fɔ lan bɔt Gɔd bay we wi bi padi to am. Pan ɔl we to sɔm pipul dɛn i tan lɛk se i nɔ pɔsibul fɔ bi Gɔd in padi, di Baybul ɛnkɔrej wi se: “Una kam nia Gɔd, ɛn insɛf go kam nia una.”—Jems 4:​8; 2:​23.

• Fɔ bi Gɔd in padi, wi fɔ liv wi layf di we aw i want. Di Baybul sho wi aw Gɔd want wi fɔ liv wi layf na Ɛkliziastis 12:​13 we se: “Fred PAPA GƆD ɛn du wetin i se fɔ du; bikɔs na dat nɔmɔ mɔtalman gɛt fɔ de du.”​—Krio Fɔs Oli Baybul.

• Tumara bambay, wi go ebul fɔ du ɔl wetin Gɔd want wi fɔ du we i go dɔn mek mɔtalman lɛf fɔ sɔfa ɛn di wan dɛn we de wɔship am we na in padi dɛn, gɛt layf we go de sote go.​—Sam 37:​10, 11.