E ꞌRe ihâimana u ꞌâsi mono hã te za a ꞌmarõpã dahâimana wasédé hã

22 Ã bâtâ na zama duré idawaima uptabi za ꞌra hã. E mari nori hã ma tô we date, wamnari za ꞌra ã wamhã.

23 Ni ꞌwa mnori hã te te danhi mrõ. ꞌRe ihâimana u ꞌâsi mono hã te tinhã date ꞌre manhãri za ꞌra mono tõ da ãne hã. — Ezôdo 20:13; 1 Zuwã 3:11, 12.

24 Ni ꞌwa mnori hã te ꞌre sipsaihuri za ꞌra. ꞌRe ihâimana u âsi mono hã te tinhã ꞌre danhipsaihuri za ꞌra mono tõ da. — Ezôdo 20:15; Epézio 4:28.

25 Aibâ nori hã ꞌre imrõ ahâ za ꞌra mono hã piꞌõ nori ꞌãma. Ihâiba ꞌa mo nori hã maparane duré nima nori hã iꞌahâ ꞌri mono bâ hã. Ihâiba ꞌa monori hã te duré ꞌre hâimana za ꞌra sina ꞌre mrõ za ꞌra mono ô nherẽ. Uburé ã hã ibaihâi mrẽme wa ꞌrã mipsi. — Mateusi 19:4-6; 1 Coritio 7:1-4; 1 Timotiu 3:1, 2.

26 Aipo ꞌre puꞌu ꞌRe ihâimana u ꞌâsi mono hã te te isõmri hã Adã hã ma. Misi haré imrõ hã. — Zenezis 2:22, 24.

27 Ni ꞌwa mnori hã te ꞌre wata za ꞌra dahâiba ꞌma nhari na. ꞌRe ihâimana u ꞌâsi mono hã te tinhã dahâiba manhari na rosa ꞌrata tõ da dahâiba ꞌmanhari na aiwata tõ da. — Ezôdo 20:4, 5; Izaiza 44:9-17; 1 Zuwã 5:21.

28 Zeuwa hã te za uprósi iwasẽtẽ nori hã te te ꞌãma isaprizê za ꞌra ꞌõ hã. — Saumo 37:9, 10; Rucasi 13:5; 1 Coritio 6:9, 10.