ROMNHORÉ 08
A hã Jeová tsiwaihuꞌu da tsada hã
Jeová te tsima wẽ waihuꞌu wẽ da ĩhöimanadzé, ĩtsimiromhuri duré te te tsima ĩwẽdzé aima. E marĩ wa. Õ hã te ꞌre tsimipari ãne ꞌmanharĩ wamhã dza atsima ĩwẽ petse na hã ãma atsiwaihuꞌu da. Bété, e tsada hã tô tsena a hã Ropotoꞌwa tsiwaihuꞌu da. (Tsõré na Provérbios 3:32.) E marĩ ĩꞌmanharĩ da tsi Ropotoꞌwa tsiwaihuꞌu da. Bíblia te tsadaꞌö. Te ãma rowatsuꞌu duré e marĩ wa Jeová datsiwaihu danhipai u ĩwẽ aima ĩhöimana da hã.
1. E marĩ da Jeová te atsô hö.
Ropotoꞌwai mreme te tinha: ‘Maꞌãpé ꞌRe ĩhöimana uꞌötsi mono u atsina rotété petse dzaꞌra waꞌaba. Tawamhã te dza atẽme tsina rotété ꞌwa.’ (Tiago 4:8) E marĩ tahã te watsuꞌu. Te watsuꞌu Jeová atsô ĩhörö na hã ãma atsiwaihuꞌu da. Niꞌwam norĩ te rotsaꞌrata dzaꞌra: “E niha wa dza merẽ Ropotoꞌwai ãma ĩ̱tsiwaihuꞌu te ꞌmadöꞌö waihuꞌu õ nherẽ.” Tane nherẽ, Bíblia na Jeová te wama tsiwatsuꞌu dzaꞌra. Tawamhã, tsada hã ĩtẽme wa te watsina rotété dzaꞌra da. Ropotoꞌwai mreme wa te tsõré dzaꞌra wamhã watsiwaihuꞌudzé Jeová ãma te dza tinhiptete wa te ꞌmadöꞌö waihuꞌu dzaꞌra õ nherẽ.
2. E marĩ wa Jeová datsiwaihu danhipai u ĩwẽ aima ĩhöimana da hã.
Jeová danhipai u atsawiꞌwa. Õ hã te tsima wẽ atsima robdze da duré tiwi rowaptẽrẽ da ĩtsimipawaptobdzéb dzô marĩ wamhã. ‘Uburé marĩ na ꞌre ĩꞌaihötöꞌö dzaꞌra waꞌaba mono dzé hã, ꞌRe ĩhöimana uꞌötsi mono ma, ꞌre tsõmri dzaꞌra waꞌaba mono, ta hã te te ꞌre aiꞌaꞌmadöꞌö uꞌötsi aba mono wa.’ (1 Pedro 5:7) Jeová niwa tsiꞌwaꞌrutu õ di titsiwaihuꞌu norĩ te te upari da, te te pẽꞌẽ nomri da duré te te wapari da. — Tsõré na Salmo 94:18, 19.
3. E marĩ te dza ĩꞌmanha Jeová ãma atsiwaihuꞌu da.
Jeová ma tsawi di aihĩni norĩ. Tadzahã, ‘ĩtsõrõwa u te dza ꞌre tsitsitsi ĩpẽꞌẽ ꞌre ĩpetse norĩ tsi’, ĩtsimiroti dzarina ꞌre ĩhöimana dzaꞌra mono norĩ tsi. (Salmo 24:3, 4) Jeová te tsima wẽ titsiwaihuꞌu norĩ tsiwatsutu dzaꞌra da tãma ĩbö dzarina ꞌre höimana dzaꞌra mono da duré tãma ĩböiꞌõ te te wẽꞌõ dzaꞌra da. Niꞌwam norĩ te rotsaꞌrata dzaꞌra: “Niwa te ꞌmanharĩ waihuꞌu õ di dza uburé Ropotoꞌwa te te ĩ̱wi ĩwaptẽrẽdzé hã.” Tane nherẽ, Jeová ma waihuꞌu petse di wanhimirotsaꞌrada wapẽꞌẽ ꞌremhã. Jeová te tsima wẽ titsiwaihuꞌu na aihĩni tô tsena te te ꞌre ĩtsawi petse dzaꞌra mono norĩ tsimiꞌẽ na te te tãma ꞌre rowẽ dzaꞌra mono tsina. — Salmo 103:17; Atos 10:34, 35.
WAIHUꞌU DURÉ
Te dza ĩwaihu e niha a hã dza Jeová tsiwaihu duré te dza ĩꞌuptsibi me e marĩ wa Jeová datsiwaihu danhipai u ĩwẽ aima ĩhöimana da hã.
4. Abraão aré Jeová tsiwaihu
Bíblia te te ĩnharĩdzé hã Abraão ãma (duré Abrão na ĩtsitsi) te wama waihuꞌu dzaꞌra e niha Ropotoꞌwa tsiwaihuꞌudzé. Atsiré tsõré aba Abraão ãma Gênesis 12:1-4 na. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
E marĩ Jeová ma tô waptẽ Abraão wi te te ꞌmanharĩ da.
E marĩ na Jeová ma tô ropitsutu Abraão ma.
E marĩ Abraão ma tô ꞌmanha Jeová te te tãma roti parimhã.
5. E marĩ Jeová te tsima wẽ titsiwaihuꞌu norĩ te te ꞌmanharĩ dzaꞌra da.
Õne uꞌö wa watsima wẽ dzaꞌra ni watsiwaihuꞌu norĩ nimahã marĩ norĩ te te wama ꞌmanharĩ dzaꞌra da.
E marĩ te atsima ĩwẽ atsiwaihuꞌu norĩ te te aima ꞌmanharĩ dzaꞌra da.
Atsiré tsõré aba 1 João 5:3. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ Jeová te tsima wẽ titsiwaihuꞌu norĩ te te tãma ꞌmanharĩ dzaꞌra da.
Jeová wa te wapari dzaꞌra da, ãté wa te ãma ĩtsaprĩ dzaꞌra da tsi wahöimanadzé hã. Atsiré tsõré aba Salmo 32:8. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ wa Jeová te waptẽ titsiwaihuꞌu norĩ wi nimahã marĩ tihöimanadzém na te te ãma tsaprĩ dzaꞌra da.
Datsiwaihu ĩwẽ te te wapawaptob dze ti, taha wa, te dza wama roti wẽ dzaꞌra. Jeová ãne duré te dza ꞌmanha titsiwaihuꞌu norĩ ma hã.
6. E marĩ Jeová te natsi ꞌmanha titsiwaihuꞌu norĩ ma.
Jeová te natsi pawapto titsiwaihuꞌu norĩ ropire te te ꞌwapé dzaꞌra da. ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ ãma piꞌrebamhã:
Piꞌõ ĩropoto na ma tô natsi robdzépata te te tsina rotsaꞌrata upai wa. E niha Jeová ma tô pawapto tahã piꞌõ.
Atsiré tsõré aba Salmo 34:18. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
E marĩ na Jeová te ropitsutu aihĩni titsiwaihuꞌu norĩ ma.
Aima hã, e Jeová datsiwaihu ĩwẽ. E marĩ wa ãne te ĩrotsaꞌra.
Datsiwaihuꞌu uptabi norĩ te dza aipawaptob dzaꞌra. Jeová duré te dza natsi aipawapto.
7. Jeová ãma watsiwaihuꞌu da, wa te tãma ĩrobdzanhamri dzaꞌra da tsi duré wa te ĩwapari dzaꞌra da tsi
Maparane datsiwaihuꞌu norĩ te te tsima robdzanhamri dzahuré wamhã ĩtsiwaihuꞌu dzahuré dzé te dza tinhiptete. Atsiré tsõré aba Salmo 119:33, 34, 58. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
E niha wa dza robdzanhamri dzaꞌra ni Jeová ma.
E niha Jeová te dza wama robdzanhamri dzaꞌra.
Wa dza robdzanhamri dzaꞌra ni Jeová ma wa te tiwi rowaptẽrẽ dzaꞌra wamhã. Õ hã te dza wama robdzanhamri dzaꞌra Ĩmreme wa te tsõré dzaꞌra wamhã.
NIꞌWAM NORĨ TE NHARĨ DZAꞌRA ÃNE: “Tsadai õ di Ropotoꞌwa tsiwaihuꞌu da.”
E ma hã romnhihödö Ropotoꞌwai mreme na te dza dama ĩhöiꞌré dama waihuꞌu da ĩtsada na hã Jeová tsiwaihuꞌu da.
ĨWAIHUꞌUDZÉ HÃ
Jeová te tsima wẽ atsiwaihuꞌu da duré te dza aipawapto ĩtẽme aiwitsi da.
Ãma aipoꞌre puꞌu
E niha Jeová te natsi pawapto titsiwaihuꞌu norĩ.
E marĩ wa Jeová te waptẽ titsiwaihuꞌu norĩ wi nimahã marĩ norĩ tihöimanadzém na te te ãma tsaprĩ dzaꞌra da.
Aima hã, e pire uptabi di Jeová tsiwaihuꞌu da. E marĩ wa ãne te ĩrotsaꞌra.
TSÔ AIRĨTĨ DURÉ
E niha dza aihöimanadzé Ropotoꞌwai ãma atsiwaihuꞌu wamhã.
“Wẽ uptabi di dza waihuꞌu wamhã Ropotoꞌwa Jeová” (Roꞌmadöꞌöꞌwa, 15 fevereiro na 2003 na)
ꞌMadöꞌö e niha ĩꞌmanharĩdzé Ropotoꞌwai ãma atsiwaihuꞌu da.
ꞌMadöꞌö e niha Jeová tsiwaihuꞌudzé ma tô tsõꞌreptu piꞌõ.
“Te ĩ̱tsima wẽ õ di ĩ̱döꞌö da!” (Roꞌmadöꞌöꞌwa n.º 1 2017 na)
Wapari niꞌwam norĩ ĩhöibaté nhimirotsaꞌrada Jeová ãma.