ROMNHORÉ 48
Atsiwaihuꞌu norĩ pitsutu wẽ na
Wẽ di watsiwaihuꞌu norĩ ĩré wamhã watsiré wa te watsima robdze dzaꞌra da duré te te wapawaptob dzaꞌra da ropire wamhã. Tane nherẽ, Ropotoꞌwai mreme te wapoꞌre puꞌu dzaꞌra niꞌwam norĩ watsiwaihu ĩwẽ tsi õ na. E niha bété atsiwaihu ĩwẽ norĩ te dza ĩpitsu. Ãma rotsaꞌrata dadzadanharĩ norĩ ãma.
1. E niha atsiwaihuꞌu norĩ te airétsi dzaꞌra.
Niꞌwai me tsi wahöimana dzaꞌra wamhã, ꞌröwi niwamhã internet na, ĩtsine wa dza duré wahöimana dzaꞌra ni. Tahã ãté wẽ di niwamhã ãté watsété di. Ropotoꞌwai mreme te tinha: ‘Niꞌwa hã ĩꞌrãi waihuꞌu wẽ norĩ tsiré ꞌre morĩ wamhã, te dza ĩꞌrãi waihuꞌu wẽ dzé hã te te tsina tãma ꞌre höimo uꞌötsi. Tane nherẽ, ĩtsimidzaꞌretseꞌõ norĩ tsiré [Jeová dzawiꞌõꞌwa norĩ] ꞌre ĩmorĩ hã te dza tihöimana watsété na hã ꞌröwi ãma ꞌre tsiꞌuꞌa.’ (Provérbios 13:20) Atsiwaihuꞌu norĩ Jeová te te tsawi dzaꞌra wamhã duré te te tãma romhuri dzaꞌra wamhã te dza aipawaptob dzaꞌra Ropotoꞌwai u atsina ꞌre rotété mono da duré aihöimanadzém na ꞌre pitsutu wẽ mono da. Tadzahã, atsiwaihuꞌu norĩ Jeová te te tsawi dzaꞌra õ wamhã te dza ĩtsiti atsaprõni dzaꞌra. Taha wa, Ropotoꞌwai mreme te wama roti dzaꞌra watsiwaihuꞌu norĩ wa te pitsutu wẽ dzaꞌra da. Watsiwaihuꞌu norĩ Jeová dzawiꞌwai wamhã, rowẽ di dza wama hã duré tãma dzaꞌra hã. Ãne ‘wa dza ꞌre watsipawaptob dzaꞌra wapẽꞌẽ wẽ na wanhiptete tsina ꞌre wahöimana dzaꞌra mono da.’ — 1 Tessalonicenses 5:11.
2. E niha Jeová te dza tihöiba atsiwaihuꞌu norĩ ĩpitsutudzém na hã.
Jeová te pitsutu wẽ titsiwaihuꞌu norĩ. Õ hã ‘ĩꞌuwaibaba na tsi ꞌre ĩhöimana wẽ dzaꞌra mono norĩ tsi te ĩtsiwaihu hã tãma ꞌre höimana dzaꞌra.’ (Provérbios 3:32) E niha Jeová te aré tihöiba wa te pitsutu dzaꞌra ꞌwaꞌöhã ĩtsawiꞌõꞌwa norĩ watsiwaihuꞌu dzaꞌra da. Te aré tiwi tirobdzeiꞌõ petse. (Tsõré na Tiago 4:4.) Tadzahã wa te wẽꞌõ dzaꞌra wamhã datsiwaihuꞌu watsété norĩ, Jeová dzawiꞌwa norĩ wa te pitsutu dzaꞌra tsina watsiwaihuꞌu da, tãma robdzei uptabi di dza duré te dza wapitsutu dzaꞌra titsiwaihuꞌu da. — Salmo 15:1-4 TNM.
WAIHUꞌU DURÉ
Te dza ĩꞌmadö e marĩ wa, ĩpire atsiwaihuꞌu norĩ pitsutu wẽ da. Te dza duré ĩwaihu e niha te dza ĩpitsu atsiwaihuꞌu norĩ te te ĩꞌaipawapto waihuꞌu petse dzaꞌra da.
3. Atsiꞌmadöꞌö petse datsiwaihuꞌu watsété norĩ wi
Jeová dzawiꞌõꞌwa norĩ duré ĩtsimiroti ꞌmadöꞌöꞌõꞌwa norĩ datsiwaihuꞌu watsédé te ꞌre höimana dzaꞌra. ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ ãma piꞌrebamhã.
E niha ãté wa dza ãma tsãnaꞌrata dzaꞌra ni datsiwaihuꞌu watsété norĩ me wa te ꞌmadöꞌö ãna wahöimana dzaꞌra na.
Atsiré tsõré aba 1 Coríntios 15:33. Taha parimhã atsima robdzanhamri aba ãhã dadzadanharĩ ãma piꞌrebamhã:
E mahã datsiwaihu ĩwatsété na te aré aima ꞌre höimana. E marĩ wa.
Atsiré tsõré aba Salmo 119:63. Taha parimhã atsima robdzanhamri aba ãhã dadzadanharĩ ãma piꞌrebamhã:
E niha te dza ĩwaihu niꞌwa datsiwaihu ĩwẽ dzô.
Robꞌrã ĩꞌro mitsi nherẽ te dza awamna ĩhöiba amo robꞌrã norĩ. E niha datsiwaihu ĩwatsedé te dza airétsi.
4. Tsada hã niꞌwa watsinei õ nherẽ watsiwaihu ĩwẽ wama höimana da
Ropotoꞌwai mreme te watsuꞌu maparane aibö Israel nhihudu norĩ ꞌremhã, Jonatã duré Davi. Jonatã rotiꞌwai ꞌra te ꞌre höimana duré ĩhi Davi nhipai u. Tane nherẽ tsiwaihuꞌu uptabi na te tsima ꞌre höimana dzahuré. Atsiré tsõré aba 1 Samuel 18:1. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ wa, tsada hã watsiwaihuꞌu norĩ wa te pitsutu dzaꞌra da ĩhi, ĩhöibaté, ĩtsimarĩꞌõ duré ĩtsimarĩꞌahö dzô wa te ꞌmadöꞌö ãna.
Atsiré tsõré aba Romanos 1:11, 12. Taha parimhã atsima robdzanhamri aba ãhã dadzadanharĩ ãma piꞌrebamhã:
E niha datsiwaihuꞌu norĩ Jeová te te ĩtsawi dzaꞌra te dza tsipawaptob dzaꞌra.
ꞌMadöꞌö aba ĩropodo waihuꞌu aba da e niha ĩhöibaté, ma tô tsiwaihuꞌu niꞌwam norĩ te te tsada ĩrotsaꞌrata õ ãma. ꞌMadöꞌö aba ĨROPODO.
ĨROPODO: Daꞌãma atsiwaihuꞌu tsada ĩrotsaꞌrata õ ãma (5:06)Taha parimhã atsima robdzanhamri aba ãhã dadzadanharĩ norĩ ãma piꞌrebamhã.
Ĩropoto na hã, e marĩ wa, Akil mama duré ĩna hötöꞌö dzahuré di ĩtsiré romnhoréꞌwa norĩ ãma tsiwaihuꞌu wa.
E marĩ wa, Akil ma tô ãma tsiwaihuꞌu õhõ ĩhöibatém norĩ ãma.
Akil ma robdzeiꞌõ di tsiwaprotsi höimana wa. E niha õ hã ma tô ãma aiꞌuté robdzeiꞌõdzéb ãma.
5. E niha te dza ĩpitsu datsiwaihu ĩꞌuptabi norĩ.
ꞌMadöꞌö e niha te dza ĩpitsu datsiwaihu ĩꞌuptabi norĩ. ꞌMadöꞌö duré e niha te dza dama ꞌre aihöimana datsiwaihu ĩwẽ na. ꞌMadöꞌö aba ĨROPODO.
Atsiré tsõré aba Provérbios 18:24 duré 27:17. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
E niha datsiwaihu ĩꞌuptabi norĩ te ꞌre tsipawaptob dzaꞌra.
E atsiwaihuꞌu norĩ ĩré hã ãne aima ꞌre ĩhöimana dzaꞌra mono hã. Baba wamhã, e marĩ te dza ĩꞌmanha datsiwaihu ĩꞌuptabi norĩ pitsutu da.
Atsiré tsõré aba Filipenses 2:4. Taha parimhã atsima robdzanhamri aba ãhã dadzadanharĩ ãma piꞌrebamhã:
Datsiwaihu ĩꞌuptabi norĩ aima ꞌre höimana dzaꞌra mono da, adzama dama ꞌre ĩꞌaihöimana mono da tsi datsiwaihu ĩwẽ na. E niha ãne te dza ĩꞌmanha.
Datsiwaihu ĩꞌuptabi norĩ aima ꞌre höimana dzaꞌra mono da, adzama datsiwaihu ĩꞌuptabi dama ꞌre ĩꞌaihöimana mono da tsi.
NIꞌWAM NORĨ TE NHARĨ DZAꞌRA ÃNE: “Marĩ õ di tsiwaꞌru daꞌãma ꞌre atsiwaihuꞌu mono da.”
E marĩ te aré ĩnha.
ĨWAIHUꞌUDZÉ HÃ
Watsiwaihuꞌu norĩ wanhimidzaꞌretse na wa te pitsutu dzaꞌra wamhã, wa dza rowẽ dzaꞌra ni Jeová ma duré wama rowẽ di dza.
Ãma aipoꞌre puꞌu
E marĩ wa, Jeová te tsima wẽ watsiwaihuꞌu norĩ wa te pitsutu wẽ dzaꞌra da.
E ꞌwam norĩ ãma ꞌre watsiwaihuꞌu dzaꞌra mono õ di dza.
E niha te dza ĩꞌmanha atsiwaihuꞌu uptabi da ĩhöimana wẽ norĩ ãma tsi.
TSÔ AIRĨTĨ DURÉ
ꞌMadöꞌö e niha datsiwaihu ĩꞌuptabi norĩ te dza wapawaptob dzaꞌra wama ropire wamhã.
ꞌMadöꞌö roti norĩ datsiwaihu ĩwẽ pitsutu da.
E marĩ ĩwaihuꞌu da tsi datsiwaihuꞌudzém na internet ꞌre.
Tsõré na aibö watsuꞌu “Wa aré ĩ̱tsima wẽ ĩ̱mama ĩ̱ma ꞌmaihöimana da” waihuꞌu da e marĩ wa, õ hã ma tô ãma tsaprĩ titsiwaihuꞌu norĩ.
“Ropotoꞌwai mreme te te daꞌadzaprĩ waihuꞌu petse di” (Roꞌmadöꞌöꞌwa, 1.° abril na 2012 na)