ROMNHORÉ 11
E niha te dza atsima ĩrowẽ Ropotoꞌwai mreme nhoré na hã.
Ãma rotsaꞌrata romhuri ĩtsaꞌẽne ĩꞌmanharĩ da na hã buru na. Tadzahã, ãma tsãnaꞌrata pire di, romhuri tsaꞌẽtẽ uptabi wa. Tawamhã, atsima wapu da ãhã romhuri ĩpire, ĩwaꞌõtõ tsidöpötsi te dza natsi ĩꞌabꞌmanha. Ãne duré tsada hã ĩꞌmanharĩ da Ropotoꞌwai mreme tsõré da. Ãté te ꞌröwi ĩrotsaꞌra: “E mame wa dza ãma tsãnaꞌrata.” Ãhã romnhoré na hã, wa dza ꞌmadöꞌö dzaꞌra ni roti ĩwapu norĩ atsima rowẽ da danhipai u Ropotoꞌwai mreme na romnhoré na duré ĩtsõré na.
1. E marĩ wa, wẽ di Ropotoꞌwai mreme, wa te tsõré dzaꞌra wamhã bötö tsidöpötsi.
Niꞌwa Ropotoꞌwai mreme, niwamhã ‘Uburé Danhibꞌapito nhimiroti’, te te tsõré wamhã ‘te rowẽ na tsi to tsina hã ꞌre höimana!’ Duré ‘uburé marĩ te te ꞌre ĩꞌabꞌmanharĩ mono hã te wẽ na tsi ꞌre wairébé.’ (Tsõré na Salmo 1:1-3.) Ãma tsãnaꞌrata da, tsada atsiptete Ropotoꞌwai mreme tsõré da bötö tsidöpötsi tsuru na bötö ꞌre. Ãma ꞌre tsadaihuꞌu mono tsidöpötsi, danhipai u tsõré dze ti dza.
2. E niha te dza atsima ĩrowẽ Ropotoꞌwai mreme nhoré na hã.
Wa te watsima rowẽ dzaꞌra da Ropotoꞌwai mreme nhoré na hã, ‘wa te watsima ãma ꞌre ĩrotsaꞌrata uꞌötsi dzaꞌra mono da tsi’ wa te ĩtsõré dzaꞌra dzém na hã. (Salmo 119:97) Taha da, wa dza atãma rotsaꞌrata dzaꞌra ni wa te ĩtsõré pari dzaꞌra dzém na hã. Tsõré tsina atsima tsadaꞌöbö: “E marĩ tahã te ĩ̱ma rowahutu Jeová ãma. E niha, taha dzarina, wa dza ꞌre ĩ̱höimana. E niha wa dza dapawapto te ĩtsõrédzém na hã.”
3. E niha te dza atsima ĩwadze bödö Ropotoꞌwai mreme tsõré da.
E natsi atsiꞌwaꞌrutu di Ropotoꞌwai mreme tsõré da. Daꞌahö na danhiꞌwaꞌrutu dzaꞌra di. Tadzahã tsada atsiptete atsibötö na ‘atsima ãma ꞌre rowaꞌõtõ wẽ mono da.’ (Provérbios 21:5) Taha da, bödö te dza ĩpitsu awẽ tsidöpötsi Ropotoꞌwai mreme tsõré da. Niꞌwam norĩ te te tsõré dze dzaꞌra di Ropotoꞌwai mreme hã mararé. Ĩhöiba amo norĩ te te tsõré dze dzaꞌra di abdzuma. Duré niꞌwam norĩ te te tsõré dze dzaꞌra di Ropotoꞌwai mreme hã mara na, tsuru na tsõtõ dzaꞌra wana ré. A hã bété. E mame bötö na danhipai u tsõré dze ti.
WAIHUꞌU DURÉ
Te dza ĩꞌuptsibi me ĩꞌmanharĩdzé Ropotoꞌwai mreme tsõré dze da, duré e niha te dza atsitsaꞌra wẽ atsima rowẽ da Ropotoꞌwai mreme na romnhoré na hã ãhã ĩhöiwarobo na.
Wa te ĩwaihuꞌu dzaꞌra ne hã datsa aimawi na watsaihuri dze da, tsada hã Ropotoꞌwai mreme wa te tsõré dze dzaꞌra da.
4. E marĩ te dza ĩꞌmanha Ropotoꞌwai mreme tsõré dze da.
Ãté wapu õ di ãma tsãnaꞌrata da Ropotoꞌwai mreme nhoré na hã. Tane nherẽ tsada atsiptete wamhã, ‘te dza tsô ꞌre ĩtsõpré mo’. Ãma ronomro wi, datsa ĩtém na atsima ĩrobdze ne, te dza ĩtsõré dze Ropotoꞌwai mreme tsada atsiptete wamhã. Atsiré tsõré aba 1 Pedro 2:2. Taha parimhã atsima robdzanhamri aba ãhã dadzadanharĩ ãma piꞌrebamhã:
Aima hã, Ropotoꞌwai mreme tsõré wamhã bötö tsidöpötsi, e tsõré dze ti dza.
ꞌMadöꞌö aba ĨROPOTO na hã niꞌwam norĩ te te ĩꞌmanharĩ dzaꞌra dzé Ropotoꞌwai mreme te te tsõré dze dzaꞌra da. Taha parimhã atsima robdzanhamri aba ãhã dadzadanharĩ norĩ ãma piꞌrebamhã.
Ĩropoto na hã, e marĩ ma tô roꞌwaꞌrutu ĩhöibatém norĩ wi Ropotoꞌwai mreme te te tsõré dzaꞌra tõ da.
E marĩ ma tô pawapto ĩhöibatém norĩ te te tsõré rẽme dzaꞌra tõ da Ropotoꞌwai mreme hã bötö tsidöpötsi.
E marĩ ma tô ꞌmanharĩ dzaꞌra te te tsima robdze dzaꞌra da Ropotoꞌwai mreme nhoré na hã.
Ĩpawaptobdzé ãma tsãnaꞌrata da:
Pitsutu Ropotoꞌwai mreme na ãma ĩtsaprĩdzé ĩwẽ duré ĩtsõré wapu. Ãma ĩtsimiré ꞌmadöꞌö ãma ĩtsaprĩdzé Tradução do Novo Mundo waradzu mreme na.
Ãma tsãnaꞌrata Ropotoꞌwai mreme nhoré na ĩwaꞌõno danhipai u te te aima ĩrowẽ na. Taha da ꞌmadöꞌö ĩtsihötö waꞌõno “Ãma tsãnaꞌrata Ropotoꞌwai mreme nhoré na hã.”
Wawi na oto ĩtsõré pari dzé Ropotoꞌwai mreme na. Taha da, ꞌmadöꞌö ĩtsihötö waꞌõno “E mame ma tô ĩtsõré dzadzö.”
Ãma aihöimana aplicativo JW Library® na. Taha ãma, tsada hã Ropotoꞌwai mreme tsõré da duré wapari da dahörödzém na, tablet na niwamhã computador na.
Ãma aihöimana ãma ĩtsaprĩdzém na Tradução do Novo Mundo ꞌrãtsutu waꞌõtõ mono na. Õme te dza ĩtsõpẽ Tiꞌai podo, ropoto watsuꞌudzé, duré romnhitsi ubumro atsima rowẽ da ĩtsõré na.
5. Atsitsaꞌra wẽ na atsimiromnhoré da Ropotoꞌwai mreme na
Atsiré tsõré aba Salmo 119:34. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ wa, wẽ di dza rowaptẽrẽ wamhã Ropotoꞌwai mreme tsõré wana ré niwamhã ãma romnhoré wana ré.
E niha te dza ĩꞌmanha tsadaihuꞌu petse da romnhoré mono bö ãhã ĩhöiwarobo ꞌremhã. Atsitsaꞌra wẽ da wamhã atsimiromnhoré da ãne ꞌmanharĩ:
Tsõré na ĩwaꞌõno ĩmorĩꞌrada romnhoré ꞌremhã.
Tsõré na romnhihötö norĩ Ropotoꞌwai mreme na duré tsada atsiptete waihuꞌu da e niha te ãma tihöimana dzaꞌra ĩromnhorédzém na hã.
Wawi na ĩtsadaꞌöbödzém norĩ. Ãne wapu di dza ãma robdzanhamri dzaꞌra da aima rowahutuꞌwai ma.
E ma tô ĩwaihu.
Jeová Watsuꞌuꞌwa norĩ ma tô ãma tihöimana dzaꞌra ãma ĩtsaprĩdzé ahö na Ropotoꞌwai mreme na. Tadzahã, wama wẽ dzaꞌra di ãma ĩtsaprĩdzé Tradução do Novo Mundo da Bíblia Sagrada. Ãhã ãma ĩtsaprĩdzé Ropotoꞌwai mreme na ĩbö, tsadaihuꞌu wapu di duré Ropotoꞌwa nhitsi hã ĩré hã. — ꞌMadöꞌö ĩtsihötödzé site na “E Jeová Watsuꞌuꞌwa norĩ te pitsutu dzaꞌra Bíblia aimawi.”
NIꞌWAM NORĨ TE NHARĨ DZAꞌRA ÃNE: “Ropotoꞌwai mreme na romnhoré pire di. Taha nhipai u ĩ̱nhiꞌwaꞌrutu uꞌötsi di duré romnhoré waꞌa di.”
E marĩ te ãma ĩrotsaꞌra.
ĨWAIHUꞌUDZÉ HÃ
Atsima rowẽ da Ropotoꞌwai mreme nhoré na bödö atsima wadzere tsõré da Ropotoꞌwai mreme, rowaptẽrẽ tsadaihuꞌu da ĩtsõrédzé, duré atsitsaꞌra wẽ na romnhoré mono da.
Ãma aipoꞌre puꞌu
E marĩ te dza aipawapto tsadaihuꞌu wẽ da Ropotoꞌwai mreme nhimiroti.
E mame bötö na te dza ĩtsõré duré te dza atsima ĩromnhoré Ropotoꞌwai mreme na.
E marĩ wa, wẽ di dza atsitsaꞌra wẽ wamhã atsimiromnhoré da Ropotoꞌwai mreme na.
TSÔ AIRĨTĨ DURÉ
ꞌMadöꞌö ĩpawaptobdzém norĩ atsima rowẽ da Ropotoꞌwai mreme nhoré na.
“Atsima rowẽ na Ropotoꞌwai mreme nhoré na” (Roꞌmadöꞌöꞌwa n.º 1 2017 na)
ꞌMadöꞌö tsiꞌubdatõ niha na Ropotoꞌwai mreme tsõré da.
Waihuꞌu atsima rowẽ da Ropotoꞌwai mreme nhoré na.
ꞌMadöꞌö niꞌwam norĩ Ropotoꞌwai mreme te te natsi ĩtsõré uꞌötsi dzaꞌra norĩ tsitsanhodzé.