‘Te te ꞌre aiꞌmadöꞌö wẽ’

Aihĩni te airẽme dzaꞌra nherẽ, e ꞌwa niwa te airẽme õ di dza.

Wahub ahö wana ré hã, Höimanaꞌuꞌö te tinha: ‘Niwamhã te airẽme dzaꞌra waꞌaba õ di dza. Duré atsiwaprotsi ꞌre aihöimana dzaꞌra waꞌaba mono da, atsiti dzaꞌra waꞌaba ꞌre ĩ̱höimana waihuꞌu mono õ di dza.’ — Hebreus 13:5.

Jeová ‘ꞌRe ĩhöimana uꞌötsi mono . . . Te duré te te ꞌre waꞌapawaptob uꞌötsi, wapẽ hã ĩꞌre wama ꞌre tsimiꞌwara uꞌötsi mono da. Wa norĩ hã . . . uburé marĩ ĩpire wa te ꞌre tsépata mono wamhã, te dza tô te te ꞌre wapawapto, wapẽ ĩꞌre wama ꞌre tsaꞌwari mono da hã.’ — 2 Coríntios 1:3, 4.

‘ꞌRe ĩhöimana uꞌötsi mono hã te te ꞌre aiꞌmadöꞌö wẽ dzaꞌra waꞌwa. Tahawa, marĩ na ꞌre aihötöꞌö dzaꞌra waꞌaba mono wamhã, te dza tãma ꞌre atsiwatsuꞌu dzaꞌra waꞌaba mo, ꞌre ĩꞌaihötöꞌö dzaꞌra waꞌaba mono dzém na. Taha parimhã, ãma ꞌre rotsaꞌrata dzaꞌra waꞌaba mono õ di dza oto.’ — 1 Pedro 5:7.

E niha Höimanaˈuˈö te aiˈmadöˈö wẽ. E te atsima ĩwẽ waihuˈu da. Tawamhã, ˈmadöˈö romnhoré 8 ĩhöiwarobo na Rowẽ tsina ꞌre aihöimana uꞌötsi mono! Ãhã ĩhöiwarobo hã Jeová Watsuˈuˈwa norĩ ma ˈmanharĩ ni. Te dza ĩtsõpẽ site www.jw.org ˈremhã.