E robdzépada te dza aiꞌutõ nimahã bötö na hã.

E NIHA BÍBLIA TE TINHA

‘ꞌRe ĩhöimanaꞌuꞌötsi mono hã te dza oto datsiré ꞌre höimana ­uꞌötsi . . . tawamhã datõmoꞌu, dapẽꞌẽdzé, dadö, datsiwaꞌõ, dahödzé höimana dzaꞌra õ di dza oto.’ — Apocalipse 21:3, 4, ꞌRe Ĩhâimana Uꞌâsi Mono Zadawa Watsuꞌu.

E NIHA TA HÃ TE DZA AIPAWAPTO

Te dza ĩwaihu Höimanaꞌuꞌö nhimiꞌupai õ na wa te ꞌre ĩrobdzépata dzaꞌra mono dzé hã. — Hebreus 2:18.

Te dza aima rowẽ atsiri ꞌremhã waihuꞌu wa Höimanaꞌuꞌö te te ĩwaihuꞌu petse na wa te ꞌre ĩrobdzépata dzaꞌra mono dzé hã. — 1 João 3:20.

Te dza ĩwaihu robdzépada uburé dza ĩtsiꞌutõrĩ petse na hã. — 2 Pedro 3:13.

E WA DZA TSADZEI PETSE DZAꞌRA NI BÍBLIA TE TE ĨNHARĨ HÃ.

Ĩhe, maparane marĩ uꞌöbö:

• Höimanaꞌuꞌö ma ꞌru ti robdzépada hã duré marĩ ĩwatsédé dadzada ĩwatobro. Duréihã, Höimanaꞌuꞌö nhibꞌaꞌuwẽ te te ꞌre robdzépata dzaꞌra mono wamhã, tãma robdzei õ di aré. Bíblia te tinha: “Õ norĩ hã te te ꞌre robdzépata dzaꞌra mono ré, õhõ dzama te te ꞌre robdzépata.” — Isaías 63:9, Tradução do Novo Mundo.

  Niꞌwa te te dama ꞌre robꞌmanharĩ watsété mono wamhã, Höimanaꞌuꞌö ma ꞌru ti. Ãma ĩtsimiré, Bíblia te tinha tãma ĩꞌru na dapãrĩꞌwa. — Provérbios 6:16, 17.

• Jeová te waꞌãma ꞌre hötöꞌö dzaꞌra. Wa te robdzépata dzaꞌra õ di piꞌuriwi. ‘Uburé marĩ hã Höimanaꞌuꞌö ma waihuꞌu petse uptabi di’. — 1 João 3:20.

Tinhimiꞌmadöꞌö na, Jeová romhutu na te dza uprotsi robdzépada hã, dahöiba mono bö. (Mateus 6:9, 10) Taha õ ré hã, Jeová te te ꞌre daꞌapawapto, tinhimidzawi na, tsô ꞌre ĩdanhopré uptabi dzaꞌra mono norĩ hã. — Atos 17:27; 2 Coríntios 1:3, 4.