ROMNHORÉ 27
E niha Jesus döꞌödzé te te waꞌanhoꞌreptui waihuꞌu petse dzaꞌra di.
Dawatsédé, robdzépada duré dadö te wama ꞌre höimana dzaꞌra, Adão duré Eva Ropotoꞌwa te te wapari dzahuré õ wa.a Tane nherẽ danhimipari ĩwẽ dzô ĩré hã. Jeová ma tô we tsatõ Tiꞌra Jesus Cristo, te te wadzani dzaꞌra da dawatsété wi duré dadöꞌö wi. Ropotoꞌwai mreme te tinha Jesus wadzada ĩdöꞌö na hã. Ãne Jesus Cristo ma tô titsõ tihöimanadzé upaiꞌõ na te te waꞌawaꞌöbö dzaꞌra da. (Tsõré na Mateus 20:28.) Jesus watsété õ wa, tsada hã aré Tiꞌai ãma õne uꞌö ꞌre höimana mono da. Tane nherẽ, tahã te te tsima pitsutu õ di. Ãne ma tô bödödi nhitowa wama höimana dzaꞌra da apö uburé Adão duré Eva te te ĩtsimini dzahuré hã. Jesus döꞌödzé ma tô duré höiꞌré õhõ ma duré Jeová ma ĩwadzawi petse uptabi dzaꞌra na hã. Ãhã romnhoré te dza aipawapto höiꞌré da Jesus döꞌödzé aima ĩpire na hã.
1. E niha Jesus döꞌödzé te wapawaptob dzaꞌra ã bötö na hã.
Wa norĩ hã wahöimana upa dzaꞌra wa, Jeová ma wa natsi robdzeiꞌõ wadzere dzaꞌra ni. Tane nherẽ, Jesus te te ĩꞌmanharĩdzéb uꞌöbö, tsada hã Jeová wawatsédé te te wama ꞌre apari mono da. Taha da, ĩwatsiꞌruiwapari dzaꞌra da tsi, Jeová wi wa te ĩrowaptẽrẽ dzaꞌra da tsi te te waꞌruiwapari dzaꞌra tõ da Jesus nhitsi na, duré ĩwatsiwatsutu dzaꞌra da tsi tô wawatsédé wa te ãma tsahu dzaꞌra tõ da. Ãne wa te ꞌmanharĩ dzaꞌra wamhã, watsiwaihuꞌudzé Jeová ãma te dza tinhiptete. (1 João 2:1) Ropotoꞌwai mreme te tinha: ‘Cristo hã mitsi haré ma tô uburé dadzada dörö dawatsété wa, ꞌre ĩmorĩ wẽ uptabi hã ꞌre ĩnomro watsété mono norĩ da, te te ꞌre aiꞌãwitsi dzaꞌra waꞌaba mono da, ꞌRe ĩhöimana uꞌötsi mono u. Ĩhöiba hã ma tô wĩrĩ ni. Tane nherẽ, ma tô Ĩmama hã höiwaꞌutu, Ĩhöiba uptabi na apö.’ — 1 Pedro 3:18.
2. E niha Jesus döꞌödzé te dza wapawaptob dzaꞌra aptoꞌoré.
Jeová ma we tsatõ Jesus tihöimanadzé upaiꞌõ daꞌupana te te tsõmri da ‘uburé te te ꞌre ĩtsadze dzaꞌra mono hã ꞌre döꞌö dzaꞌra mono tõ da, döꞌö ãna ꞌre tsiꞌubumroi uꞌötsi mono da.’ (João 3:16) Jesus nhimiwaꞌöbödzéb uꞌöbö, Jeová te dza tipa uburé marĩ ĩwatsédé ꞌre ĩhöimana mono hã Adão te te ĩwapari õ hawimhã. Tawamhã wa te höiꞌré dzaꞌra wamhã wanhimidzadze Jesus ãma, tsada hã ꞌre wahöimana uꞌötsi dzaꞌra mono da Ro ĩwẽ ãma Tiꞌai ãma. — Provérbios 2:21.
WAIHUꞌU DURÉ
Te dza ĩwaihuꞌu pe e marĩ wa Jesus ma tô wadzada dörö, duré e niha tahã te dza aipawapto.
3. Jesus döꞌödzé te wadzani dzaꞌra dawatsété wi duré dadöꞌö wi
ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ Adão ma tsimini Ropotoꞌwa te te wapari õ wa.
Atsiré tsõré aba Romanos 5:12. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ Adão watsédé hã ma tô wama ãwitsi.
Atsiré tsõré aba João 3:16. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ da Jeová ma we tsatõ Tiꞌra Tiꞌai u.
Adão aré ĩhöimana upaiꞌõ, Ropotoꞌwa te te tsadawa rẽme wa, ma tô dama ãma ropé dawatsédé duré dadö.
Jesus aré ĩhöimana upaiꞌõ. Ropotoꞌwa te te tsadawa dzamarĩ wa, tsada hã danhimiꞌupaiꞌõ õne uꞌö ꞌre dahöimana dzaꞌra mono da.
4. Jesus döꞌödzé te te waꞌapawapto waihuꞌu petse di
ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ ãma piꞌrebamhã:
E niha aibö döꞌödzé mitsi nherẽ te te daꞌapawapto waihuꞌu petse di.
Atsiré tsõré aba 1 Timóteo 2:5, 6. Taha parimhã atsima robdzanhamri aba ãhã dadzadanharĩ ãma piꞌrebamhã:
Adão aré ĩhöimana upaiꞌõ, tadzahã Ropotoꞌwa te te tsadawa dzamarĩ õ wa, dawatsédé duré dadö te aihĩni ma ꞌre höimana. Jesus duré aré ĩhöimana upaiꞌõ. E niha tawamhã tsada hã Jesus tihöimanadzé Adão höimanadzé waꞌrãmi ‘te te daꞌawaꞌöbö da.’
5. Dawaꞌöbödzé Jeová nhoprubdzé aima
Jeová tsiwaihuꞌu norĩ, te ꞌmadöꞌö dzaꞌra dawaꞌöbödzé danhoprubdzé ĩpire uptabi na Jeová hawimhã. Ãma ĩtsimiré, atsiré tsõré aba Gálatas 2:19, 20. Taha parimhã atsima robdzanhamri aba ãhã dadzadanharĩ ãma piꞌrebamhã:
E niha apóstolo Paulo ma tô höiꞌré te te ĩꞌmadöꞌö na hã dawaꞌöbödzé danhoprubdzém na Ropotoꞌwai hawimhã õhõ ma.
Adão watsété wa, õ hã duré wa norĩ hã wa wadöꞌö dzaꞌra ni. Tadzahã Jeová Tiꞌra Tiꞌai u we te te tsatõrĩ wa dadzada döꞌö da tsada hã ꞌre wahöimana uꞌötsi dzaꞌra mono da.
Atsiré tsõré aba João 19:1-7, 16-18. Ãma rotsaꞌrata aba e niha Jeová te tihöiba te te ꞌmadöꞌö wamhã Tiꞌra te te ĩrobdzépatadzé. Taha parimhã atsima robdzanhamri aba ãhã dadzadanharĩ ãma piꞌrebamhã:
E niha te aihöiba Jeová duré Jesus te te aima ĩꞌmanharĩ dzahuré dzém na hã.
NIꞌWA TE TE ATSADANHARĨ WAMHÃ BÉTÉ: “E niha aibö mitsi haré döꞌö nherẽ te te daꞌanhoꞌreptui waihuꞌu petse di.”
E niha te dza ĩtsadaꞌö.
ĨWAIHUꞌUDZÉ HÃ
Jesus wadzada döꞌö wa, tsada hã Jeová wawatsédé te te wama ꞌre apari mono da duré ꞌre wahöimana uꞌötsi dzaꞌra mono da.
Ãma aipoꞌre puꞌu
E marĩ wa Jesus ma tô dörö.
E niha tsada hã Jesus tihöimanadzé upaiꞌõ na hã Adão höimanadzé waꞌrãmi te te daꞌawaꞌöbö da.
E niha Jesus döꞌödzé te dza aipawapto.
TSÔ AIRĨTĨ DURÉ
Uptsibi me na e marĩ wa Jesus höimanadzé upaiꞌõ hã dawaꞌöbödzém na ĩꞌmahörö.
E marĩ wa tsada hã Jesus “daꞌupana te te daꞌawaꞌöbö da”. (Ĩtsihötödzé jw.org na)
Uptsibi me na wa te ĩꞌmanharĩ dzaꞌra dzéb da hã watsitsani dzaꞌra da hã dawatsété wi duré dadöꞌö wi.
“E marĩ wa Jesus Danhoꞌreptuiꞌwa na ĩꞌmahörö.” (Ĩtsihötödzé jw.org na)
E Jeová te dza tipa dawatsété dzaꞌẽne hã.
“Ĩtsadaꞌöbödzé hã dadzadanharĩ da Ropotoꞌwai mreme na” (Roꞌmadöꞌöꞌwa, 1.º maio na, 2013 na)
Jesus nhimiwaꞌöbödzé ma tô pawapto aibö tihöimanadzém na te te ãma tsaprĩ da. Tsõré na ĩwatsuꞌu hã.
a Dawatsédé marĩ ĩꞌupa danhimiꞌmanharĩ na tsi õ di. Dawatsédé duré te watsuꞌu robꞌruiwaparidzé wama ĩhöimana dzaꞌra hã wapoto dzaꞌra wi, marĩ ĩꞌupa wa te ꞌmanharĩ dzaꞌra da, wa norĩ hã Adão duré Eva nhihudu wa.