BAGIʼAN 7

Sopa Dinganam Yesus?

Yehuwa manyuroh Yesus ka bumi. 1 Yohanes 4:9

Di surge, Yesus ada di sabolah kanan Allah.

Amun kita hona manyonangan Yehuwa, kita harus mandingaan paner Yesus. Sopa Yesus? Na jauh sabolup manjawat Adam, Yehuwa manjawat malaikat yang palik kuat di surga.

Pas maria buntikan gan habis inyan Yesus lahir.

Jadean, Yehuwa manyuroh sia age dilaheran di Betlehem malaloʼae anaʼ dara yang ija parawan, namanya Maria. Anaʼ inyan te dinamae Yesus.—Yohanes 6:38.

Yesus malajar’ae urak mangona’ae Yehuwa.

Pas sia manjadi mansia di bumi, Yesus maniru sifat-sifat Allah. Sia baeʼ hati, pangaseʼ, gan pan mudah didampikʼae. Sia barani malajarʼae urak kabonaran mangonaʼae Yehuwa.

Biarpan Yesus malakuan jolu baeʼ, urak totap jam mambonciʼ sia. 1 Petrus 2:21-24

Yesus mahidupan salah satu dara gan ma’ubate lalaki sampa’ae bae’

Yesus maʼubate urak sakit sampe baeʼ jadean mahidupʼan babaropa urak mati.

Bala pamimpit agama mambonciʼ Yesus lobe mamaneran ka urak-urak amun apa yang siaʼ ajarʼan katumukan gan kalakuan siaʼ jaheʼ.

Bala pamimpit agama mahasut urak Romawi age mamular gan mamateʼae Yesus.