BAGIʼAN 9

Aribila Bumi Manjadi Taman yang Segaʼ?

Banyaʼ kasusahan di bumi manunyuʼan Karajaan Allah dampik am. Lukas 21:10, 11; 2 Timotius 3:1-5

Masalah yang hona tarjadi di ari taraher, panyakit, kakurakan makatan, ana’ antah hona manaat’ae urak tuha, gan kakorasan

Bamacap kajadian yang kita tiat duatiga areani, jadi dipadahan dalap Alkitab. Alkitab mamaneran banyaʼ urak mancintaʼae duit, antah hona manaatʼae urak tuha, panggodian, gan mancintaʼae kasonangan.

Pacaan ada gempa bumi bosar, paparakan, kakurakan makatan, gan bamacap panyakit. Samua kajadian tantongahan kita tiatʼam duatiga areani.

Saksi Yehuwa tantongahan mamaneran kabar bae’ mangona’ae Karajaan Allah

Jadean Yesus bapaner, kabonaran tentang Karajaan Allah pacaan dipadahan ka samua urak di bumi.—Matius 24:14.

Karajaan Allah pacaan mahilakʼae samua kajaheʼan. 2 Petrus 3:13

Urak jahe’ dihukup mati di Armagedon, jadean Setat gan malaikat yang maumpate-sia di hukup mati jam

Antah lamat lagi, Yehuwa pacaan mahukup mati samua urak jaheʼ.

Setat gan bala malaikatnya pacaan dihukup.

Yesus dudu’ ditompatnya gan urak dari sagala ras marasa sonang

Urak yang mandingaan Allah pacaan salamat mamansuʼae bumi baharu yang aman gan damai. Samua urak salik parcaya gan salik mangaseheʼ.