IiNdumiso

142 Ngelizwi lam ndibiza uYehova ndicela uncedo;+

Ngelizwi lam ndicenga uYehova ukuba andenzele ububele.

 2 Ndimxelela onke amaxhala am;

Iingxaki zam ndizibeka phambi kwakhe+

 3 Xa ndiphelelwa ngamandla.*

Kwindlela endihamba kuyo

Babeka isibatha.

 4 Jonga kwisandla sam sasekunene,

Ubone ukuba akukho nomnye umntu ondikhathaleleyo.*+

Andinayo nendawo yokubalekela;+

Akukho namnye undihoyileyo.*

Ndithi: “Uyindawo yam yokubalekela,+

Ndinawe wedwa* kwelabaphilayo.”

 6 Ndihoye njengokuba ndikhalela uncedo,

Kuba ndithotywe ngendlela engathethekiyo.

Ndisindise kwabo banditshutshisayo,+

Kuba banamandla kunam.

 7 Ndikhuphe ejele

Ukuze ndilidumise igama lakho.

Mandijikelezwe ngamalungisa

Kuba uyandithantamisa.