IiNdumiso

Kumalathisi. IMaskili.* EkaDavide, xa uDowegi umEdom waxelela uSawule ukuba uDavide ungene endlini ka-Ahimeleki.+

52 Kutheni uqhayisa ngezinto ezimbi ozenzayo, wena gorhandini?+

Uthando olungagungqiyo lukaThixo luhlala lukho imini yonke.+

2 Ulwimi lwakho lubukhali okwebleyidi,+

Luceba ukwenzakalisa ibe luyaqhatha.+

3 Uthanda izinto ezimbi ngaphezu kwezilungileyo,

Ubuxoki ngaphezu kokuthetha izinto ezilungileyo. (Selah)

4 Uwathanda onke amazwi enzakalisayo,

Lulwimindini lunenkohliso!

5 Yiyo loo nto uThixo eza kukuwisa kuphele tu ngawe;+

Uza kukunqakula akurhuqele ngaphandle kwentente yakho;+

Uza kukuncothula elizweni labaphilayo.+ (Selah)

6 Amalungisa aza kuyibona loo nto amangaliswe,+

Ibe aza kukuhleka athi:+

7 “Nantso ke indoda engakhange ibalekele kuThixo,*+

Eyasuke yathembela ngobutyebi bayo obuninzi+

Nangamacebo ayo angalunganga.”*

8 Kodwa ndiza kuba njengomthi womnquma ochumileyo endlini kaThixo.

Ndithembele ngothando lukaThixo olungagungqiyo,+ ngonaphakade kanaphakade.

9 Ndiza kukudumisa ngonaphakade ngenxa yezenzo zakho.+

Phambi kwabantu bakho abathembekileyo,

Ndiza kuthembela ngegama lakho,+ kuba lilungile.