“Into Ethile Ekhethekileyo”

Emva kokufunda incwadi ethi Oyena Mntu Ubalaseleyo Wakha Waphila, incwadi ezama ukunikela nasiphi na isiganeko ngobomi bukaYesu basemhlabeni obuchazwa kwiincwadi ezine zeVangeli, ixhegwazana elineminyaka engama-70 ubudala laseMoscow, eRashiya, ladanduluka lathi: “Andizange ndifunde incwadi enje ngale. Ndifuna ukwazi okungakumbi ngoThixo noYesu Kristu yaye ndifuna ukufunda iBhayibhile.”

Iofisi yesebe lamaNgqina kaYehova yaseRashiya isoloko ifumana iileta ezinjalo ngokuphathelele uncwadi lweBhayibhile. Incwadi efanayo yathunyelwa libhinqa elithile laseChelyabinsk, isixeko esinabantu abangaphezu kwesigidi malunga neekhilomitha ezili-1500 emzantsi-mpuma weMoscow.

Ngokuphathelele incwadi ethi Oyena Mntu Ubalaseleyo Wakha Waphila lathi: “Le yincwadi ekhethekileyo. Inika abantu ithemba ngekamva elonwabisayo yaye ibanceda bazi imbali yamandulo. Ngaphambi kokuba ndifumane le ncwadi, andizange ndicinge ngoThixo yaye andizange ndibe nomdla kunqulo, kodwa ngoku ndifuna ukubhaptizwa. Ndikufuna gqitha ukulufunda uncwadi lwenu. Ndifuna ukuthetha ngezinto endizifundileyo nabahlobo bam, endibaziyo nezalamane.”

Nawe unokufumana uncwadi olunokukunceda ufunde okungakumbi ngoYesu nangethemba elisekelwe eBhayibhileni lobomi kwihlabathi elitsha. Ukuba ungathanda ukufumana inkcazelo engakumbi ngendlela yokufumana umbhalo wencwadi ethi Oyena Mntu Ubalaseleyo Wakha Waphila okanye ungathanda ukuba uthile akutyelele ekhayeni lakho ukuze akuqhubele isifundo sekhaya seBhayibhile sesisa, nceda ubhalele kwiWatch Tower, Private Bag X2067, Krugersdorp, 1740, South Africa, okanye kwikhelingi efanelekileyo kwezidweliswe kwiphepha 5.