IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • w03 1/1 iphe. 31
  • Imibuzo Evela Kubafundi

No video available for this selection.

Sorry, there was an error loading the video.

  • Imibuzo Evela Kubafundi
  • IMboniselo Evakalisa UBukumkani BukaYehova—2003
  • Amanqaku Afanayo
  • UYehova Uyazisikelela Iinzame Esizenzayo Zokubakho ESikhumbuzweni
    IMboniselo Evakalisa UBukumkani BukaYehova (Efundwayo)—2023
  • Kutheni Sifanele Sigcine ISidlo SeNkosi Sangokuhlwa?
    IMboniselo Evakalisa UBukumkani BukaYehova—2003
  • ISikhumbuzo (Isidlo SeNkosi Sangokuhlwa)
    Ukuqiqa NgeZibhalo
  • ISidlo SeNkosi Sangokuhlwa Sinentsingiselo Ebalulekileyo Kuwe
    IMboniselo Evakalisa UBukumkani BukaYehova—2003
Khangela Okunye
IMboniselo Evakalisa UBukumkani BukaYehova—2003
w03 1/1 iphe. 31

Imibuzo Evela Kubafundi

Wayethetha ukuthini uPawulos xa wathi: “Ngamaxesha onke enisukuba nisitya esi sonka, niyisela le ndebe”?

Ebhekisela ekumiselweni kweSikhumbuzo sokufa kukaYesu, uPawulos wabhala: “Ngamaxesha onke enisukuba nisitya esi sonka, niyisela le ndebe, nihlala nibhengeza ukufa kweNkosi, ide ifike.” (1 Korinte 11:25, 26) Bambi bavakalelwa kukuba apha ibinzana elithi “ngamaxesha onke” libonisa ukuba isikhumbuzo sokufa kukaKristu sifanele senziwe amaxesha amaninzi. Ngenxa yoko, isikhumbuzo abasenzi kube kanye ngonyaka. Ngaba uPawulos wayethetha loo nto?

Ngoku sekuphantse kube yiminyaka engama-2 000 ukususela kwixesha uYesu awamisela ngalo iSikhumbuzo sokufa kwakhe. Ngoko ke, ukwenziwa kweSikhumbuzo enoba kukanye ngonyaka kuthetha ukuba siye senziwa amaxesha amaninzi ukususela ngowama-33 C.E. Noko ke, ngokomongo weyoku-1 kwabaseKorinte 11:25, 26, uPawulos wayengathethi ngezihlandlo esifanele senziwe ngazo iSikhumbuzo, kodwa wayethetha ngendlela esifanele senziwe ngayo. KwisiGrike santlandlolo, akazange asebenzise igama elithi pol·laʹkis, elithetha “amaxesha amaninzi.” Kunoko, wasebenzisa igama elithi ho·saʹkis, elithetha ukuthi “ngamaxesha onke” ibinzana elikwathetha ukuthi “nanini na,” “nangaliphi na ixesha.” UPawulos wayesithi: ‘Nangaliphi na ixesha nikwenza oku, nihlala nibhengeza ukufa kweNkosi.’

Ngoko ke, iSikhumbuzo sokufa kukaYesu sifanele senziwe ngokufuthi kangakanani? Sifanele senziwe kube kanye ngonyaka. Enyanisweni sisikhumbuzo, yaye ngokuqhelekileyo izikhumbuzo zenziwa kube kanye ngonyaka. Ukongezelela, uYesu wafa ngomhla wePasika yamaYuda, eyayisenziwa kanye ngonyaka. Ngokufanelekileyo, uPawulos wabhekisela kuYesu ‘njengoKristu ipasika yethu,’ ekubeni ukufa kukaYesu okulidini kwavulela uSirayeli wokomoya indlela esa ebomini, kanye njengokuba idini lePasika yokuqala lasindisa ubomi bamazibulo amaSirayeli okwemvelo eYiputa laza lavula indlela yokuba olu hlanga lukhululwe ebukhobokeni. (1 Korinte 5:7; Galati 6:16) Ukunxulunyaniswa kwePasika yamaYuda eyayisenziwa kube kanye ngonyaka kububungqina obungakumbi bokuba iSikhumbuzo sokufa kukaYesu sifanele senziwe kube kanye ngonyaka.

Ngaphezu koko, uPawulos wanxulumanisa ukufa kukaYesu nomnye umsitho wamaYuda owawusenziwa kube kanye ngonyaka, uMhla Wocamagushelo. KumaHebhere 9:25, 26, sifunda oku: “Akaphindaphindi [uYesu] ukuzinikela, njengoko umbingeleli omkhulu wayengena kwindawo engcwele minyaka le [ngoMhla Wocamagushelo] negazi elingelolakhe. . . . Kodwa ngoku uzibonakalise kwaba kanye ekuphelisweni kweenkqubo zezinto ukuze asisuse isono ngombingelelo wakhe siqu.” Ekubeni idini likaYesu lalithabathela indawo idini loMhla Wocamagushelo elalisenziwa kanye ngonyaka, iSikhumbuzo sokufa kwakhe ngokufanelekileyo senziwa kube kanye ngonyaka. Asikho isizathu esingokweZibhalo sokuba iSikhumbuzo senziwe amaxesha amaninzi ngonyaka.

Ngokuvisisana noku, umbhali-mbali uJohn Laurence von Mosheim uthi, amaKristu enkulungwane yesibini eAsia Minor ayeqhele ukwenza iSikhumbuzo sokufa kukaYesu “ngomhla weshumi elinesine kwinyanga yokuqala yamaYuda [uNisan].” Kuphela kwakukwiminyaka yamva ekuye kwaba lisiko leNgqobhoko ukusenza amaxesha amaninzi ngonyaka.

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share