IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • w05 2/1 iphe. 3-4
  • Ubomi—Ngaba Buxabisekile Okanye Abuxabisekanga?

No video available for this selection.

Sorry, there was an error loading the video.

  • Ubomi—Ngaba Buxabisekile Okanye Abuxabisekanga?
  • IMboniselo Evakalisa UBukumkani BukaYehova—2005
  • Imixholwana
  • Amanqaku Afanayo
  • Abaxabisekanga Yaye Banokubulawa Nje Ngokulula
  • ‘Ukusukelana Nomoya’
  • “Imfanelo Yoluntu Lonke”
    IMboniselo Evakalisa UBukumkani BukaYehova—1997
  • Iimbalasane Zencwadi YeNtshumayeli
    IMboniselo Evakalisa UBukumkani BukaYehova—2006
  • Yintoni Eyenza Ubomi Bube Nenjongo?
    IMboniselo Evakalisa UBukumkani BukaYehova—2008
  • Iyintoni Intsingiselo Yobomi?
    Vukani!—1995
Khangela Okunye
IMboniselo Evakalisa UBukumkani BukaYehova—2005
w05 2/1 iphe. 3-4

Ubomi—Ngaba Buxabisekile Okanye Abuxabisekanga?

“Ekubeni umntu edalwe ngokomfanekiso kaThixo, ngoko ukubulala omnye umntu kukutshabalalisa eyona nto ixabisekileyo neyona ingcwele emhlabeni.”—The Plain Man’s Guide to Ethics, nguWilliam Barclay.

‘EYONA nto ixabisekileyo emhlabeni.’ Ngaba nawe ubugqala ngolo hlobo ubomi? Ngenxa yendlela abantu abaziphatha ngayo, kuyacaca ukuba abaninzi abavumelani nalo mbhali ungasentla. Abantu abaninzi baye babulawa kakubi ngabantu abanogonyamelo kuba beneenjongo zokuzingca bengenamsebenzi nabanye abantu.—INtshumayeli 8:9.

Abaxabisekanga Yaye Banokubulawa Nje Ngokulula

IMfazwe Yehlabathi I ngumzekelo nje omnye. Umbhali-mbali uAlan John Percivale Taylor uthi ngokuphindaphindiweyo ebudeni bale mfazwe imbi kangaka, “abantu bebebulawa nje ngaphandle kwesizathu.” Kuba zifuna udumo nokuzukiswa, iinkokeli zemfazwe zazisebenzisa amajoni ngokungathi akaxabisekanga. Kwidabi laseVerdun eFransi, kwakukho iingxwelerha ezingaphezu kwesiqingatha sesigidi. Lo kaTaylor ubhala esithi: “Kwakungekho nto izuzwayo okanye elahlekayo, ngaphandle kwabantu ababulawayo nokuba abanye abantu bafumane uzuko.”—The First World War.

Basebaninzi nabantu abasabugqala ngaloo ndlela ubomi. Umphengululi uKevin Bales uthi kutshanje, “kuye kwakho abantu abazizigidi abangamahlwempu nabangamaxhoba abasetyenziswa nzima.” Batsala nzima ukuze nje baphile kwinkqubo ecinezelayo yezentengiso apho ubomi bugqalwa “njengobungaxabisekanga.” UBales uthi, abo babaxhaphazayo babaphatha njengamakhoboka—“izixhobo nje ezinokulahlwa nanini na emva kokuba kwenziwe imali ngazo.”—Disposable People.

‘Ukusukelana Nomoya’

Zininzi nezinye izizathu ezibangela abantu abaninzi bazive bengaxabisekanga yaye beswele—kuba akukho mntu ubakhathaleleyo enoba bayaphila okanye bayafa. Ngaphandle kwemfazwe nokungekho sikweni, abantu bonke bathwaxwa yimbalela, indlala, izifo, ukufelwa kwanezinye izinto ezininzi, ezibangela abantu bazibuze enoba ukuphila kuxabisekile kusini na.—INtshumayeli 1:8, 14.

Kakade ke, asinguye wonke ubani osweleyo nobandazelekileyo. Kodwa nabo bangacinezelekanga kakhulu badla ngokuvumelana namazwi kaKumkani uSolomon wakwaSirayeli wamandulo, owabuza esithi: “Unantoni na umntu ngako konke ukusebenza nzima kwakhe nemizamo yentliziyo yakhe ayisebenza nzima phantsi kwelanga?” Xa abaninzi becingisisa nzulu ngemibandela ethile, baye baqonda ukuba inkoliso yoko bakwenzileyo kuye kwaba “ngamampunge nokusukelana nomoya.”—INtshumayeli 2:22, 26.

Xa becinga ngobomi babo, abanye baye bazibuze, “Ngaba oku kukuphela kwenjongo yobomi?” Kaloku, bangaphi abantu abafa bevakalelwa ngokwenene ukuba banelisekile, njengosolusapho uAbraham? (Genesis 25:8) Abaninzi bavakalelwa kukuba ubomi babo bebulilize. Kodwa, akunyanzelekanga ubomi bube lilize. UThixo ugqala mntu ngamnye njengoxabisekileyo yaye ufuna ngamnye wethu aphile ubomi obunenjongo nobanelisayo. Kunokwenzeka njani oku? Qwalasela oko kuza kuthethwa linqaku elilandelayo ngalo mbandela.

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share