IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • w07 1/15 iphe. 32
  • Inkondekazi Ephila Ubomi Obunenjongo

No video available for this selection.

Sorry, there was an error loading the video.

  • Inkondekazi Ephila Ubomi Obunenjongo
  • IMboniselo Evakalisa UBukumkani BukaYehova—2007
IMboniselo Evakalisa UBukumkani BukaYehova—2007
w07 1/15 iphe. 32

Inkondekazi Ephila Ubomi Obunenjongo

UELIN ngomnye kubantu abangama-60 baseSweden abaye bafakwa kuluhlu lwabantu abaneminyaka eli-105 nangaphezulu ubudala kutshanje. Yena uneminyaka eli-105 ubudala. Nakuba ehlala kwikhaya labakhulileyo, impilo yakhe imenza akwazi ukuqhubeka eliNgqina likaYehova elikhutheleyo, indlela awayikhetha kwiminyaka engaphezu kwama-60 eyadlulayo.

Ukuze ashumayele kwabanye, uElin ulandela umzekelo owamiselwa ngumpostile uPawulos xa wayevalelwe endlwini. Wayeshumayela kubo bonke abamtyeleleyo. (IZenzo 28:16, 30, 31) Naye uElin, usebenzisa naliphi na ithuba alifumanayo ukuthetha nabo bacocayo, oogqirha bamazinyo, abezonyango, abalungisi beenwele, abongikazi nabanye abeza kweli khaya ahlala kulo, ebaxelela ngeendaba ezilungileyo zeBhayibhile. Abazalwana bebandla akulo basoloko bemema izifundo zabo zeBhayibhile ukuba zimtyelele ukuze zizuze kulwazi namava akhe.

Amalungu ebandla akulo uElin athanda ukuhlala kwakhe onwabile nokuthanda ukwazi. Elinye iNgqina lithi: “Uzazi kakuhle zonke izinto ezenzeka ebandleni. Uyawazi onke amagama abantwana nabo basandul’ ukufudukela ebandleni.” UElin waziwa nangokuba nobubele, uburharha nokuhlala enethemba ebomini.

Yintoni enceda uElin ahlale onwabile yaye enenjongo ebomini? Suku ngalunye ufunda iSibhalo setekisi yosuku kwincwadana ethi Ukuhlolisisa IZibhalo Imihla Ngemihla, epapashwe ngamaNgqina kaYehova. Esebenzisa iglasi eyenza amagama abe makhulu, uyakwazi nokufunda iBhayibhile yonk’ imihla. UElin uyazilungiselela iintlanganiso zamaNgqina kaYehova zeveki nganye, ibe nakuba engakwazi ukuya kuzo ngenxa yempilo, uphulaphula ezirekhodiweyo. Ukufunda rhoqo iBhayibhile neempapasho ezisekelwe kuyo size singazityesheli iintlanganiso zamaKristu kunokusinceda siphile ubomi obanelisayo nobunenjongo enoba sesikhule kangakanani na.—INdumiso 1:2; Hebhere 10:24, 25.

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share