Indlela elibonakala ngayo igama likaThixo kwimibhalo-ngqangi yeBhayibhile yamandulo
Ithini IBhayibhile?
Ngaba uThixo unalo igama?
ABANYE ABANTU BATHI akanalo, ukanti abanye bathi nguThixo okanye iNkosi, ngoxa abanye besithi amagama akhe maninzi. Wena uthini?
OKO KUTHETHWA YIBHAYIBHILE
“Wena, ogama linguYehova, nguwe wedwa Oyena Uphakamileyo phezu komhlaba wonke.”—INdumiso 83:18.
ENYE INTO ESIYIFUNDA EBHAYIBHILENI
Nakubeni uThixo ebizwa ngeendlela ezininzi, kodwa linye kuphela igama lakhe.—Eksodus 3:15.
UThixo ufuna simazi.—IZenzo 17:27.
Into yokuqala onokuyenza ukuze ube ngumhlobo kaThixo kukwazi igama lakhe.—Yakobi 4:8.
Ngaba akulunganga ukubiza igama likaThixo?
UBUYA KUTHINI?
Ewe
Hayi
Kuyaxhomekeka
OKO KUTHETHWA YIBHAYIBHILE
“Uze ungaliphathi njengelingento yanto igama likaYehova uThixo wakho.” (Eksodus 20:7) Ekuphela kwexesha ekungalunganga ukusebenzisa igama likaThixo ngalo kuxa lingahlonitshwa.—Yeremiya 29:9.
ENYE INTO ESIYIFUNDA EBHAYIBHILENI
UYesu wayelazi kwaye elisebenzisa igama likaThixo.—Yohane 17:25, 26.
UThixo uthi masimbize ngegama.—INdumiso 105:1.
Iintshaba zikaThixo zizama ukwenza abantu balilibale igama lakhe.—Yeremiya 23:27.