Imibuzo Kufundisiso Lwencwadana Ethi Igazi Linokubusindisa Njani Ubomi Bakho?

Kwiindawo ezithile kwezi zifundo, kubhekiselwe kwizihlomelo, kwiphepha 27-31. Amagqabaza akwiziqendu ezibonisiweyo asenokuqukwa kweso sifundo, neziqendu ezikwizihlomelo zinokufundwa ngokuvuma kwexesha.

IVEKI YOKUQALA

Iphepha 2

1-4. Kutheni eli ilixesha lokuqwalasela indlela igazi elinokubusindisa ngayo ubomi? (Bona iphepha 27, isiqendu 1-3.)

Iphepha 3

1, 2. Kutheni kungokwemvelo nje ukugqala ubomi njengobunxibelelene negazi, ibe uThixo ubandakanyeke njani kulo mbandela?

3, 4. Kutheni sifanele sibe nomdla koko uThixo akuthethayo ngegazi?

5. Kungenxa yasiphi isizathu esifanele sinikele ingqalelo kwiGenesis 9:3-6, ibe sibaluleke ngantoni eso sicatshulwa?

6. AmaSirayeli ayenaziphi iimbopheleleko mayela negazi?

Iphepha 4

1, 2. USirayeli wamandulo wangenelwa njani kwimithetho kaThixo, kodwa sasiyintoni isizathu esiyintloko sokuba uSirayeli aphephe igazi?

3. Umthetho ongegazi wawumele ujongwe njani kwimeko yongxamiseko?

4, iphe. 5, isiqe. 1. Ngokuphathelele umthetho ongegazi, nguwuphi umzekelo uYesu awawumiselayo?

Iphepha 5

2, 3. (a) Ibhunga labapostile lafikelela kwesiphi isigqibo mayela namaKristu negazi? (b) Sazi njani enoba ummiselo wokuzila igazi wawungowokwexeshana kusini na?

4. Ngokutsho kwabapostile bakaYesu, kwakubaluleke kangakanani ukuphepha igazi?

5, 6. Bubuphi ubungqina obungakumbi obubonisa ukuba lo mmiselo ongegazi wawuyimfuneko ehlala ihleli?

7, iphe. 6, isiqe. 1. Igazi lalisetyenziswa njani kwezonyango kumaxesha angaphambi kobuKristu?

Iphepha 6

2. AmaKristu okuqala asabela njani ekusetyenzisweni kwegazi, kwanakwezonyango, kumaxesha amaRoma?

3-5. (a) Ukusetyenziswa kotofelo-gazi kwaqala njani? (b) Ngenxa yomthetho kaThixo, kutheni bekuya kuba yinto ephosakeleyo nje ukutofela igazi emithanjeni?

6. Kutheni amaNgqina kaYehova engalwamkeli nje utofelo-gazi? (Bona iphepha 27, isiqendu 4-6, nephepha 28, isiqendu 1.)

7. Nangona isizathu esiyintloko sokuphepha kwamaKristu utofelo-gazi singokonqulo, kutheni sifanele sihlolisise iinkalo zonyango ngegazi?

IVEKI YESIBINI

Iphepha 7

1, 2. Utofelo-gazi lunayiphi indima kunyango lwanamhla?

3, 4. Kutheni kusengqiqweni nje ukuqwalasela enoba utofelo-gazi luyingozi kusini na?

Iphepha 8

1. Ngobulumko yintoni esiyibuzayo ngotofelo-gazi?

2, 3. Kutheni ukubekwa kwegazi ngohlobo lwalo nokudityaniswa kweentlobo ezifanayo kubalulekile kodwa ngokuyimfuneko kunganelanga nje?

4, 5. Utofelo-gazi lunokuzibangela njani iingxaki kwinkqubo yokuzikhusela komzimba?

6, 7. Nguwuphi umonakalo osenokwenziwa lutofelo-gazi emva kotyando lomhlaza?

Iphepha 9

1. Bubaluleke ngantoni ubungqina obuphathelele utogelo-gazi notyando lomhlaza?

2, 3. Nguwuphi omnye umonakalo osenokubangelwa lutofelo-gazi kwinkqubo yokuxhathisa izifo?

4, 5. Kutheni kufuneka abantu bazi ngengozi yokwasulelwa sisifo ngenxa yotofelo-gazi?

Iphepha 10 (Ibhokisi)

1, 2. Inzulu kangakanani ingozi yesifo sokudumba kwesibindi esibangelwa lutofelo-gazi?

3. Ngathuba lithile, kutheni kwakubonakala ngathi ingozi yesifo sokudumba kwesibindi esisasazwa ngegazi yayisoyiswa?

4, 5. Ziintoni ezavelayo ezathi zangqina ukuba ingozi yesifo sokudumba kwesibindi esisasazwa ngegazi yayingekoyiswa?

6-8. Kutheni ukuxhalabela isifo sokudumba kwesibindi kungeyonto yexesha elidluleyo?

Iphepha 11

1. Yintoni esenokubonisa ukuba iingozi zezifo ezibangelwa ligazi azikazukuphela?

2-4. Igazi linokumchanaba njani ubani kwizifo ezingaqhelekanga kummandla akuwo? (Bona kwanebhokisi, kwiphepha 11.)

5-7. Ubhubhani onguGawulayo ubonise njani ukuba izifo ezingaziwayo nezibulalayo zisenokuba zinxibelelene negazi?

8, iphe. 12, isiqe. 1. Kutheni le nto ukuxilongwa kwegazi ukuze kubonwe izibulala-ntsholongwane zikaGawulayo kungesosiqinisekiso sokuba igazi alinabungozi?

Iphepha 12

2-4. Kutheni isisongelo sentsholongwane kaGawulayo singelonqanaba lokugqibela kulo mbandela?

5, 6. Ziziphi izinto ezizixhalabise ngokufanelekileyo iingcali malunga neentsholongwane ezisegazini?

IVEKI YESITHATHU

Iphepha 13

1, 2. Ngubani ofuna unyango olusemgangathweni, ibe oku kuquka ntoni?

3-5. Unokubonisa njani ukuba kukho iindlela ezizezinye ezinokusetyenziswa kunotofelo-gazi?

6-8. Ngokufuthi liye latofelwa phantsi kwaziphi iimeko igazi, kodwa kutheni olu qheliselo lwalungenasiseko sihle?

Iphepha 14

1. Yintoni ebonisa ukuba abantu banokuphila ngomlinganiselo omncinane gqitha wesibomvisi-gazi?

2, 3. Xa umntu ophe kakhulu, yintoni efunekayo, yaye le ngxaki inokunyangwa njani?

4. Kutheni imithamo yolwelo olungelogazi isebenza ngokuphumelelayo?

Iphepha 15

1. Oogqirha banokumnceda njani umguli ukuba amelane nokulahlekelwa ziiseli ezibomvu?

2. Yintoni enokwenziwa ukuze kukhawuleziswe inkqubo yokuvelisa iiseli ezibomvu?

3, 4, iphe. 16, isiqe. 1. Ebudeni botyando, ukopha kakhulu kunokuncitshiswa njani?

Iphepha 16

2-4. Bubuphi ubungqina obubonisa ukuba utyando olukhulu lunokwenziwa ngaphandle kotofelo-gazi?

5-7. Ziziphi iintlobo ezininzi zotyando ezenziwayo ngaphandle kokusetyenziswa kwegazi? (Bona iphepha 28, isiqendu 2-4.)

Iphepha 17

1. Yiyiphi imiphumo emihle eye yafunyanwa kutyando lwentliziyo ekungasetyenziswanga gazi kulo?

2-4. Abaguli abangamaNgqina baba negalelo njani kumphumo obalaseleyo odla ngokubakho kutyando ekungasetyenziswanga gazi kulo?

IVEKI YESINE

Iphepha 17

5, 6. Luyintoni uhlolisiso lweengozi neengenelo, ibe lusetyenziswa njani?

Iphepha 19

1, 2. Umguli uba nayiphi indima kuhlolisiso lweengozi neengenelo?

3-5. Kutheni kufanelekile nje ukuquka unyango lwegazi ekuhlolisiseni iingozi neengenelo? (Bona iphepha 31, isiqendu 1, 2.)

6. Nguwuphi umgaqo osemthethweni omela ilungelo lakho lokukhetha unyango? (Bona iphepha 30, isiqendu 1-8.)

Iphepha 18 (Ibhokisi)

1-4. Abaguli abangamaNgqina benza ntoni ukuze baphelise inkxalabo yomthetho kubasebenzi bezonyango? (Bona iphepha 28, isiqendu 5.)

5-7. Ngenxa yoko amaNgqina aya kukwenza ukuze aphelise inkxalabo yomthetho, kutheni kusengqiqweni nje ngoogqirha nezibhedlele ukuba zibe nentsebenziswano?

Iphepha 20

1-3. Bambi babasebenzi bezonyango baye basabela njani kukuma kwamaNgqina?

4, 5. Kwenzeke njani ukuba iinkundla zibandakanyeke kwamanye amatyala abandakanya abaguli abangamaNgqina?

Iphepha 21

1, 2. Kutheni ukubhenela ezinkundleni kungeyiyo eyona ndlela ilungileyo yokusingatha amatyala abandakanya amaNgqina negazi?

3, 4. Kungenxa yaziphi izizathu ekuthi kungafaneleki ukubhenela ezinkundleni naxa umguli engumntwana?

5, 6. Liliphi ilungelo lomzali elithi lisebenze ekukhetheni unyango lwabantwana? (Bona iphepha 28, isiqendu 6, nephepha 29, isiqendu 1.)

7-iphe. 22, isiqe. 1-3. Ziziphi ezinye zezinto ezisemthethweni ezibonisa ukuba abazali bafanele bazive bekhululekile ukwenzela abantwana babo izigqibo ngonyango?

Iphepha 22

4. Kutheni abazali abangamaNgqina kunye nabasebenzi bezonyango befanele basebenzisane?

IVEKI YESIHLANU

Iphepha 22

5, 6. Ziziphi izibakala eziziintloko ofanele ucinge ngazo malunga negazi kunye nesicelo seNgqina sokunyangwa ngaphandle kwegazi?

Iphepha 23

1-3. Kwanokuba abanye bayafa ngenxa yokungalamkeli igazi, yintoni esingamele siyityeshele? (Bona iphepha 29, isiqendu 2-5, nephepha 31, isiqendu 3-5.)

4, iphe. 24, isiqe. 1. Yiyiphi imbono esengqiqweni ngokufa negazi?

Iphepha 24

2, 3. Yintoni enokusinceda sixabise indlela elibusindisa ngokwenene ngayo ubomi?

4, iphe. 25, isiqe. 1. Kumaxesha angaphambi kobuKristu, yayiyintoni imbono kaThixo ngegazi, yaye ngoba?

Iphepha 25

2. Igazi lalisetyenziswa njani ngoMhla Wocamagushelo, yaye kutheni sifanele sikukhathalele oku?

3, 4. Unxibelelene ngantoni uMhla Wocamagushelo nendima kaYesu?

5. (a) Siyintoni isizathu esiyintloko sokuba amaKristu azile igazi? (b) Kutheni singafanele sigxininise kakhulu kwiingozi zotofelo-gazi?

6, 7. (a) Igazi linxibelelene njani nokuma kwethu noThixo? (b) Yiyiphi imfundiso esimele siyiqonde njengebalulekileyo kwimbono yethu ngegazi?

8. Kutheni le nto sinokuthi isimo sengqondo samaNgqina ngegazi sibonisa ukubuhlonela ubomi?

Iphepha 26

1, 2. Igazi libandakanyeke njani kwikamva lethu elingunaphakade?