Iintlanganiso Zokusinceda Senze Abafundi
IVEKI EQALA NGOJUNI 3
10 imiz: Izaziso zasekuhlaleni neZaziso ezifanelekileyo kuBulungiseleli Bethu BoBukumkani.
20 imiz: “Ukuqhelisela Ukuhlonel’ UThixo Njengoko UKristu Wenzayo.” Mayigutyungelwe ngemibuzo neempendulo, yaye iziqendu 1-5, 7, 8 zimele zifundwe. Yiba nomboniso wendlela yokunikela incwadi Iphulo Loluntu Lokufuna UThixo njengoko kucetyisiwe kwisiqendu 6.
15 imiz: “Beka UThixo Tanci Kubomi Bentsapho Yakho!” Intetho esekelwe kwiMboniselo kaMeyi 15, 1991, iphepha 4-7.
Ingoma 100 nomthandazo wokuqukumbela.
IVEKI EQALA NGOJUNI 10
5 imiz: Izaziso zasekuhlaleni. Ingxelo yemali. Funda amazwi oxabiso avela kuMbutho ngenxa yokuxhaswa ngokwemali komsebenzi woBukumkani. Kwakhona, libulele ibandla ngeminikelo efunyenweyo.
20 imiz: “Ukubonisa Umdla Wobuqu Kwabanye.” Imibuzo neempendulo. Qwalasela nebandla oko kunokwenziwa ekuhlaleni ukuze kusetyenziswe le nkcazelo.
10 imiz: Amava angokusebenzisa incwadi Iphulo Loluntu Lokufuna UThixo kumsebenzi wokushumayela kwintsimi yasekuhlaleni, kwanasekwenzeni amabuyelo nasekuqhubeni izifundo zeBhayibhile zamakhaya.
10 imiz: Isingxobo Semibuzo. Ingxubusho esingathwa ngumveleli wesikolo.
Ingoma 177 nomthandazo wokuqukumbela.
IVEKI EQALA NGOJUNI 17
10 imiz: Izaziso zasekuhlaleni. Balaselisa ingongoma enye okanye ezimbini kumaphephancwadi akutshanje. Khuthaza abavakalisi ukuba babe nesabelo ngokuzeleyo kwinkonzo yasentsimini ngale mpela-veki.
20 imiz: “Ukunikela Iindaba Ezilungileyo—Ngamaphephancwadi Kwintsimi Esetyenzwa Ngokufuthi.” Imibuzo neempendulo. Xa uqwalasela isiqendu 3, yiba noselula olungiselele kakuhle esebenzisa iphephancwadi lakutshanje ekuboniseni indlela abavakalisi abaselula abanokuthetha ngayo nabaninimzi nabanokunikela ngayo uncwadi. Usenokuthi: “Bhota. Igama lam ndingu______. Ndikuphathele inkcazelo ebaluleke kakhulu ngokuphathelele [chaza umbandela okanye umxholo]. Ndiyithandile le ngongoma. [Mbonise ingongoma leyo okanye umcacisele ngomfanekiso othile.] Indincedile [chaza indlela ongenelwe ngayo], yaye ndicinga ukuba nawe uya kuyithanda. Ndingathanda ukukushiyela omabini la maphephancwadi ngomnikelo we-R1,40.”
15 imiz: Iimfuno zasekuhlaleni okanye Ukubaluleka Kobungqina Obungacwangciswanga. Dlan’ indlebe nabavakalisi ababini okanye abathathu abaye bayifumana inyaniso ngobungqina obungacwangciswanga. Khuthaza ibandla ukuba liwaphaphele amathuba okunikela ubungqina obungacwangciswanga.
Ingoma 216 nomthandazo wokuqukumbela.
IVEKI EQALA NGOJUNI 24
10 imiz: Izaziso zasekuhlaleni. Iindaba Ezingokobuthixo. Khuthaza ibandla ukuba lixhase amalungiselelo enkonzo yasentsimini ngempela-veki. Chaza ngokufutshane ingongoma enye okanye ezimbini ekunokuthethwa ngazo kumaphephancwadi akutshanje.
20 imiz: “Ukufeza Ubulungiseleli Bethu BoBukumkani Entsimini.” Ukuqwalaselwa kwenqaku ngemibuzo neempendulo. Chaza indlela iingongoma ezikwisiqendu 2-6 ezinokusetyenziswa ngayo. Xa uqwalasela isiqendu 5, yiba nomboniso womvakalisi onobunzima ekuqaliseni isifundo seBhayibhile esiya kufuna uncedo kumveleli wenkonzo. Umveleli wenkonzo usebenzisa i-Index ekuncedeni lo mvakalisi. Ukuba i-Index ayikho ngolwimi lwasekuhlaleni, zivelise ezi ngongoma ngokusebenzisa isalathiso semibandela saminyaka le esikwiMboniselo kaDisemba 15 nakuVukani! kaDisemba 8.
15 imiz: “Ukuqalisa Izifundo Ngokusebenzisa Iphulo Loluntu Lokufuna UThixo.” Imibuzo neempendulo. Xa uxubusha isiqendu 6, yiba nabavakalisi abafanelekayo phakathi kwabaphulaphuli balungiselele ukunikela amacebiso namagqabaza athile ngokuphathelele ukuqalisa isifundo kwisahluko 11 okanye kwisahluko 13.
Ingoma 14 nomthandazo wokuqukumbela.